Sulisoqarnermut Attaveqaqatigiinnermullu Immikkoortortamut immikkoortortami aqutsisoq
Kommuneqarfik Sermersuumi Sulisoqarnermut Attaveqaqatigiinnermullu Immikkoortortamut immikkoortortami aqutsisoq
Inuiaqatigiit ineriartornissaat aamma Kalaallit Nunaanni pissutsit immikkuullarissut siunertaralugit attaveqallaqqissuuit? Periusissiugaasumik aqutsisuuit, aaqqissuussaasumi allanngorarfiusumi ataqatigiinnermik ataatsimullu siunnerfiliinissamut soqutigisalik? Taava illit tassaavutit Sulisoqarnermut Attaveqaqatigiinnermullu immikkoortortami immikkoortortami aqutsisussatut ujartugarput.
Atorfik pillugu:
Sulisoqarnermut Attaveqaqatigiinnermullu Immikkoortortami immikkoortortami aqutsisutut immikkoortortami amerlasuunik suliaqarfiusumi ataqatigiissaarisuussaatit. Immikkoortortaq suliffiup iluani avataanullu attaveqaqatigiinnermut kiisalu ineriartortitsinermi suliniutinut akisussaasuuvoq, illillu ineriartortitseqataassaatit aamma Sulisoqarnermut Attaveqaqatigiinnermullu atuuffiit kattunneqarnerisa kingorna allorassaaqatigiinnermi peqataassallutit.
Suliassaqarfiit siammasissorujussuussaaq Kommuneqarfik Sermersoorlu tamakkerlugu suliffeqarfiup iluani kiffartuussivimmiit – Tunumi Ittoqqortoormiinit Tasiilamiit Kitaani Paamiunut Nuummullu – innuttaasunullu avammut attaveqaqatigiinnermut tunngasuussalluni.
Immikkoortortaq 11-nik sulisoqarpoq sisamanillu ilinniartoqarluni, taakku illit immikkoortortami aqutsisoq alla suleqatigalugu aqutsisuuffigissavatit kommune tamakkerlugu pitsaasumik attaveqaqatigiinneq ineriartortitsinerlu qulakkeerniarlugu.
Akisussaaffitit:
∙Sulisoqarnermut Attaveqaqatigiinnermullu immikkoortortamik periusissiugaasumik ulluinnarnilu aqutsinermik qulakkeerinninneq
∙Fagchefi peqatigalugu Kommuneqarfik Sermersuup anguniagaanut tapersersuutaasunik attaveqaqatigiinnermut periusissianik ineriartortitsineq atuutsitsilernerlu
∙Suliffeqarfiup iluani avataaniillu suleqatigisartakkanut pitsaasumik attaveqalerneq
∙Immikkoortortap sulisuinut ilinniartuinullu suliffimmik pitsaasumik ineriartorfiusumillu qulakkeerinninneq
Naatsorsuutigaarput illit:
∙Tusagassiutilerinermut, attaveqaqatigiinnermut imaluunniit ingerlatitseqqiinermut tunngasunik ilinniagaqartutit
∙Aqutsisutut ilinniarsimasutit aamma assigiinngitsunik suleqatigiinnik aqutsinermik misilittagaqartutit
∙Kalaallit inuiaqatigiit tassanilu unammilligassat periarfissallu ilisimasaqarfigigitit soqutigigitillu
∙Kalaallisut allattariarsorsinnaasutit oqalussinnaasutillu imaluunniit ilinniarusukkitit
∙Aaqqissuussaasumik sulisinnaasutit, iliuuseqarusussuseqartutit ulluinnarnilu ulapaarfiusuni ataatsimut isiginnittaaseqarsinnaasutit pingaarnersiuisinnaallutillu
Neqeroorutigaavut:
∙Suliffik ineriartornermik, suleqatigiinnermik suliassanillu ukkassiffiusoq
∙Suleqatigiit nukittuut, pikkorissunik suliaminnillu soqutiginnittunik sulisulik ilinniartulillu
∙Inuttut suliatigullu ineriartornissamut periarfissat pitsaasut
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: HR & Kommunikationschef Rosannguaq Rossen, oqarasuaat +299 36 70 66 imaluunniit e-mail: roro@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 46-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 4.-at, 2025