Ilisimatusarfimmut Teknikkeqarnermi pisortassarsiorpoq
Ilimmarfiup ilisimatusarfiullu illuutaannik sullissinermilu teknikkimut tunngassuteqartunik tamanik isumaginninnissamik akisussaaffeqartussamik Ilisimatusarfik teknikkeqarfimminut pisortassarsiorpoq.
Ilimmarfik illorsuaavoq ukuninnga ataatsimoortitsiffiusoq: Ilisimatusarfik – Nunatta Atuagaateqarfiata atuagaateqarfia Groenlandica aamma Nunatta Allagaateqarfia. Illorsuup ingerlanera Ilisimatusarfimmit aqunneqarpoq.
Ilisimatusarfik sumiiffinni pingasuni aamma allanik illuuteqarpoq – tamatumunnga ilanngullugu Ilinniarfissuaq. Taakkua Ilinniartitsinermik Ilisimatusarfimmut atapput.
Ilisimatusarfik pillugu
Inuiaqatigiilerinermi ilisimatusarnermi, silaqassutsikkut pilersitanik ilisimatusarnermi, perorsaanermik, peqqinnissamik teologiimilu suliassaqarfiit iluanni Ilisimatusarfik ilisimatusarfiullunilu ingerlaqqiffiusumik ilinniarfiuvoq.
Suliatigut aaqqissugaanikkullu Ilisimatusarfik ukiuni aggersuni qaninnerusuni unammilligassaqangaatsiassaaq. Sulisut, nunarsuarmioqatigut, nunaqqatigut nunanilu tamalaaneersut, kiisalu allaffeqarfiup sunniivigeqatiginerisigut ilinniartitaanermut aamma ilisimatusarnermut tunngasut pitsaassutsikkut qulakkeerneqarnissaat ilisimatusarfiup aqutsisuisa suliniutigisarpaat.
Ilinniakkanik neqeroorutit amerlinissaat, ilinniakkat tamarmik ilisimatusarnermit aallaaveqarnissaat kiisalu nunatsinni najugalinnut naleqquttumik suliatigullu qaffasissusilimmik Issittoq Kalaallit Nunaallu pillugit sutigut tamatigut ilisimatusarnermut ilisimatusarfiup suliaqarfiulluarnissaa Ilisimatusarfiup sulissutigiuarpaa.
Tamatuma saniatigut Ilisimatusarfiup illuutaanik Ilimmarfimmi annertusaanissaq aallarnerneqarsimavoq, tamatuminngalu teknikkeqarnermi pisortassaq siunissami qulakkeerinneqataassaaq.
Teknikkeqarnermut pisortap akisussaaffeqarfissai:
- Ilisimatusarfiup ilinniartunik, atuisunik kiisalu Ilisimatusarfimmi sulisunik sullissineranik ineriartortitsilluni suliniuteqarnerni pitsanngorsaasussatut siunertaqartuni peqataaneq
- Illuutinik aserfallatsaaliinerit, tamatumunnga ilaallutik ilisimatusarfiup illuutaanik tamanik ingerlaavartumik pilertortunillu aserfallatsaaliuinissamut pilersaarusiorneq
- Ilimmarfimmi aamma Ilinniarfissuarmi silaannarissaatit
- Illuutit tamarmik isumannaatsuunissaat
- Aputaajaaneq, illorsuullu silataaniittut aserfallatsaalineqarnerat
- Oqarasuaatinik kiisalu IT-mut atortut aserfallatsaalineqarnerat
- Pedeleqarneq
- Kantiinap aamma igaffiup ingerlanneqarnera
- Isersinnaanermut kiisalu kalerrisaarutinut tunngasut
- Asaasut
- Isertoqaqqusaaneranik alarminillu isumaginninneq
- Teknikikkut illumullu tunngassuteqartut suliassat aserfallanneqarnerat
Tamakkua Ilimmarfimmi Ilinniartitsinermullu Ilisimatusarfimmi ingerlanneqarnerannut atatillugu pedeleqarpoq taannalu ikiorteqarluni aammattaaq kantiinaqarpoq.
Oqarasuaatinut aamma IT-mut tunngasut suliffeqarfimmit IT-mik suliaqartunit suliarineqartarput. Aputaajaaneq, eqqaavilerineq kiisalu kalerrisaarutinut tunngasut avataaniit suliarinnittussarsiornikkut aammattaaq suliarineqartarput.
Teknikkeqarnermut pisortaq allaffissornikkut aqutsisoqatigiiffiup ataaniippoq Ilisimatusarfiup pisortaanit aqunneqartumi.
Teknikkeqarnermut pisortap Ilisimatusarfimmi pisortaq suleqatigalugu sulisut akisussaaffiisa kiisalu suliassaasa nassuiaataannik ineriartortitseqataassaaq. Aammattaaq teknikkeqarnermut pisortap atuisut, ilisimatusarfimmi pisortaq teknikkeqarnermilu sulisut allat suleqatiginerisigut ingerlatsinermut aamma aserfallatsaaliuinermut pilersaarutit ineriartortillugillu aallutissavai. Teknikkeqarnermut pisortap Ilimmarfiup aamma Ilinniarfissuup upalungaarsimanissaannik pilersaarutaasa nutarterneqarnissaa aamma isumagissavaa.
Ilisimatusarfiup illuuteqarnerani aamma teknikkeqarnermut suliassaqarfiani siumoortumik missingersuusiortarneq aamma aningaasaqarnermut malittarinninnerit teknikkeqarnermi pisortap, naatsorsuuserisut pisortaat suleqatigineratigut ilisimatusarfiullu pisortaanut nalunaarfiginnittarnikkut, akisussaaffigai.
Naatsorsuutigaarput illit:
- naapertuuttumik ilinniagaqarsimasutit, IT-p iluani imaluunniit teknikkeqarnermut tunngasumik ilinniagaqarsimaneq pitsaanerussaaq
- aqutsinermik, suliniutinik aqutsinermik aamma allaffissornermik suliaqarnernik misilittagaqartutit, taakkuninngami piginnaasaqarnissaq pingaaruteqarmat, aamma suliniutinik suliaqarnermik misilittagaqarputit, aaqqissuussaanermi politikkikkut aqunneqartumi misilittagaqarneq pitsaanerussaaq
- suliniutinut allanillu tunniussinissamut piffissaliussat killingi angumeralugit sukkasuumik sulisinnaasutit
- Kalaallit Nunaanni inuiaqatigiinni pissutsit aamma kulturi paasisimasaqarfigigitit
- ilinniartitaanermut suliassaqarfik aamma sulisunik piginnaanngorsaaneq ilisimasaqarfigigitit
- attaveqateqarsinnaalluartutit aamma inuit suliassaqarfinni allaneersut tusarnaarnissaat oqaloqatiginissaallu paasisimasaqarfigigitit
- pitsanngorsaanissamut suliniuteqarnernik aallarniisinnaasutit
- IT-mik aamma attaveqaatinut aaqqiissutissanik ingerlassinermik ilisimasaqarneq aamma pingaartinneqassaaq.
- Kalaallisut qallunaatullu oqalussinnaaguit, Namminersorlutik Oqartussat Kalaallit Nunaannilu ilinniartitaanermut suliassaqarfik ilisimasaqarfigigukkit iluaqutaassaaq, tamannali piumasaqaataanngilaq.
- aaqqissugaanerit ineriartortut iluanni sulisinnaavutit piareersimasuullutillu
- politikkikkut aalajangiinerit suliassannut sunniuteqarsinnaasut naapertorlugit sulisinnaavutit.
Ilimmarfik nutaaliaasumik illorsuaanissaa atortorissaarutinillu tekniskiusunik peqarnissaa kissaatigaarput. Ilimmarfiup siunissami allilerneqarnissaanut atatillugu suliniummut aqutsisoqatigiinnik aamma pilersitsisoqarnikuuvoq. Tamanna aamma teknikkeqarnermut pisortartaassamut piumasaqaateqartitsisuuvoq. Taamaattumik inummik suliassani tamakkiisumik isiginninnissinnaanermik aamma ineriartortitserusussuseqarnermik pisariaqartitsisunut assigiinngitsorpassuarnut akisussaaffeqarusuttumik ujaasivugut. Ilinniagaqarsimanermi tunuliaqut aalajangiissutaassanngilaq, ilisimasalli aamma aqutsisinnaaneq pingaartinneqassapput.
Neqeroorutigaagut:
- Suleqatigiit IT Supporterit, pedelit, igaffimmi sulisut kiisalu Ilisimatusarfik tamakkerlugu suleqatigilissavatit.
- Suliatigut paasisimasaqarluartunik siunersiueqatigisinnaasannik suleqateqalissaatit.
- Sullivik isummakkut avammut ammasunik avatangiisilik aamma sulisut atugarissaarluarnissaannik pingaartitsisoq.
- Atorfik inuttut suliatigullu ineriartornissamut periarfissaqarluartitsisoq.
Paasissutissat allat
Atorfik pillugu paasisaqarnerorusukkuit Ilisimatusarfiup pisortaata Christine Tønnesenip attaviginissaanut tikilluaqqusaavutit oqarasuaammut uunga +299 38 56 03 emailimulluunniit chrt@uni.gl.
Atorfiup 2025-mi martsip aallaqqaataani imaluunniit isumaqatigiissuteqarnikkut inuttalerneqarnissaa kissaatigineqarpoq.
Ilisimatusarfik pillugu ugguuna atuarnerusinnaavutit: www.uni.gl
Akissarsiat atorfinitsitaanermilu atugassarititaasut
Atorfik akissarsiat sinaakkutaannut 36-mut massakkut akissaateqartinneqarpoq/ aalajangersimasumik akissaateqartinneqarpoq. Akissarsiat sinaakkutaannut 36-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2022-mi qaammammut 50.291 Kr-niupput ukiumullu 603.492 kr-niullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimallugu aaparisaanut / inooqatigisaanulluunniit aamma atuupput.
Aallaaviusumik sapaatip akunnerani suliffiuvoq akunnerit 40-t, suliartoqquneqaratarsinnaanermut ukiumoortumut akunnerit 320-upput, qaammatinullu pingasunut avillugit 80-it, taamaattoq ulloq sulinngiffiusussaasoq annaagaani ajunngitsorsiassaqarfiunngilaq.
Inigisaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job