Majoriaq Paamiut oqaatsitigut ilinniartitsisussarsiorpoq
Majoriaq Paamiut 1. marts 2024 imaluunniit isumaqatigiissuteqarnikkut atorfinittussamik oqaatsitigut ilinniartitsisussarsiorpoq.
Majoriaq Paamiut maanna ininut nutaanut atuartitsivigissallugit naleqqulluinnartunut iserteqqammerpoq, taamaalillutit illit inuusuttunut inersimasunullu ilinniartitaanikkut ingerlariaqqinniartunut aqqutissiuussissallutit sullivigilissallugu. Majoriaq siunnersuisarfittut, MA-mi atuartitsivittut attaveqaqatigiinnermullu sulliviummat ilinniartitsisutut Ilinniarfissuarmi ilinniarsimasuunerit iluaqutaassaaq, faaginilu qallunaatut tuluttullu atuartitsisinnaasussaallutit.
Majoriami sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ataani allassimasut peqataaffigiumallugit akuersaarsimassavaat:
∙Ilisimasaqarneq – tulluartumik qaffasissusilimmik suliaqarsinnaaneq
∙Isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq
∙Pingaarnertut suliamut angusaqarluarneq
∙Ataatsimut isiginninneq – Majoriap ataatsimoortuunerata takusinnaanera
∙Pilersaarusiorneq – Majoriamut tunaartanik sinaakkutinillu inissitsiterineq
∙Ilutsinni avammullu oqaloqatigiittarneq
∙Inuit, ingerlariutsit aaqqissuussaanerlu nakussassarlugit
∙Ilinniartitsinerlu taavalu siunnersuineq – Pingaarnertut suliassaq suliarilluarlugu
Taamaattumik Majoriami Pilersitsivimmilu ilinniartitsisutut inuusuttunut inersimasunullu atuartitsisassaatit, taamaalillutit aamma ilinnialernissamut piareersarnermi ikorfartuillutillu kajumissaarisutut sulissallutit.
Fagit ukua piginnaasaqarfigalugillu ilinniartitsisuuffigisinnaassagitit naatsorsuutigaarput:
∙Qallunaatut
∙Tuluttut
Majoriami atuartitsineq maanna MA-nngorpoq (Majoriami soraarummeerneq), taamaattorli suli FAnaligalugu, aamma taamaalillutit illit atuartitsinermi periutsit ineriartortinneqarnerannut peqataalissallutit. Taassuma saniatigut atuartitsinermi suliniummut tunngasumik suliaqarsinnaassaatit, taamaasilluni Majoriami atuartut atuartitaaneq kajumernartutut piumassuseqalersitsisumillu imaqarluartutut misiginiassammassuk.
Aqqutissiuussisut ilinniartitsisullu allat peqatigalugit atuartitsineq pilersaarusiorneqartarpoq, piumasaqaataavorlu:
∙Illit ilinniartitsisoqatigiinni suleqatikkuminartuunissat
∙Nutaanik eqqarsarsinnaaneq
∙Inunnik ataqqinnittumik naligalugillu naapitsisartut
∙Inunnik immikkut pisariaqartitsisunik paasinnissinnaassuseqarneq
Naatsorsuutigaarput:
∙Ilinniarfissuarmi ilinniartitsisutut naammassisimasuunissat
∙Oqaluttariarsornikkut allattariarsornikkullu oqaatsitigut pitsaasunik piginnaaneqarnissat
∙Atorfinnit allanit ilinniartitsinermik misilittagalik
∙Atuarfimmut ineriartortitseqataanissamut sunniuteqaqataarusussusulik
∙IT-mik atuisinnaasutut qaffasissusilimmik ilisimasaqartutit
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Områdeleder/Faglærer Jonna Jakobsen Jensen, oqarasuaat +299 36 66 02 imaluunniit e-mail: jnjs@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 45-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 26.-at, 2025