PAASISSUTISSAT
Atorfiup suussusaa: Webredaktør
Suliffeqarfik: KNR
Qinnuteqarfissamut killigititaq: 1. maaji 2025
Attavissaq: Irene Jeppson +299 36 46 38, irj@knr.gl
Sullarissumik nittartakkamik aaqqissuisussarsiorpugut, nutaarsiassanik pingaarutilinnik ingerlatitseqqinnissaminut kajumilluarlunilu Kalaallit Nunaannut tamarmut siammaanissaannik qularnaarisinnaasumik.
Saqqummiussillaqqillutit imarisaasut tusagassiissutinut saaffigisanullu assigiinngitsunut ilisimasaqarfigilluarpiuk? Pilertortumik piffissamillu atuilluarlutit sulisinnaavit, ilutigisaanillu tusagassiortutut namminiussutsit attattuarsinnaallugu? Taamaappat pissanganartunik periarfissaqartippatsigit!
KNR-mi nittartakkamik aaqqissuisutut siunissami Kalaallit Nunaanni nutaarsiassaqartitseriaatsinik ilusilersueqataassaatit aamma sumiiffinnit ataasiakkaanit nunalu tamakkerlugu nutaarsiassat pingaarutillit ullut tamaasa tusagassiissutigineranni qitiusumik inissisisimassallutit.
Nittartakkanik aaqqissuisunut aqutsisuussaatit qularnaassallugulu suleqatigiit sunniuteqarluartumik siunnerfeqarluartumillu sulinissaat. Suliassatit tassaaginnassanngillat nittartakkap imarisassai aammali tusagassiissutitigut assigiinngitsutigit saqqummiussassanik allaaserisanillu suliaqarneq, radiokkut TV-kkullu soqutiginnilersitsisunik.
Pissarsiorpugut inummik ullormi suliffiusumi ingerlaavarfiullunilu ulapiffiusumi sulisinnaasumik aamma tusagassiissutit assigiinngitsut akimorlugit ataqatigiissumik tusagassiisarnissap qularnaarnissaata akisusaaffiginissaanut piareersimalluartumik. Suleqatigiinni pingaaruteqartumik inissisimassaatit, Kalaallit Nunaannilu tusagassiisarnerup nutaarluinnarmik sunnernissaanut periarfissaqassaatit.
Suliassatit pingaarnerit makkuussapput:
·KNR.gl-imi tusagassiinerup ingerlannissaa
·Kalaallit Nunaannut tamarmut annguttussanik imarisaasunik soqutiginartunik pilersitsinissaq
·Suleqatigiit suliaminnut tunniusimasutaallussilluartullu qanimut suleqatiginissaat
·Tusagassiinerup pitsaassusaata naapertuuttuuneratalu qularnaarnissaa
Ilinnit kissaatiginartitagut makkuupput:
·Tusagassiortutut assingusumilluunniit ilinniagaqarnissaq
·Marluinnik oqaaseqartuunissaq
·Nittartakkamik aaqqissuinermik tusagassiissutitigullu arlalitsigut tusagassiinermik misilittagaqarnissaq
·Digitalimik attaveqaqatigiinnermik inuttullu attaveqaatinik paasisimasaqarluarnissaq
·Nammineersinnaanissaq, pilersitsisinnaanissaq ulapillunilu sulinermik sungiussisimanissaq
·Akisussaaffimmik tigusinissamut aamma isumassarsiat periutsillu nutaat inerisarnissaannut piareersimanissaq
Suliffimmi avatangiisit ingerlaavarfiusut neqeroorutigivagut, suliamut atatillugu inuttullu ineriartornissamut periarfissaqarfigisassatit. KNR-p Kalaallit Nunaanni innuttaasunut naapertuulluartunik soqutiginartunillu tusagassiisarnermigut imarititaanik suliaqarnermi qitiusumik inissisimassaatit.
Kalaallit Nunaanni siunissami tusagassiisarnissap ilusilersornissaanut peqataanissamut piareeqqavit? Taamaappat tusarfiginissat qilanaarivarput!
Akissarsiatigut atorfimmilu atugassarititaasut
Akissarsiatigut atorfinitsitaanermilu atugassarititaasut, tamatumunnga ilanngullugit atorfininnermi suliunnaarnermilu akiliunneqarluni angaalanissamut pigisallu angallanneqarnissaannut pisinnaatitaaffeqarneq, pissapput Namminersorlutik Oqartussat pineqartullu kattuffiata akornanni isumaqatigiissutit atorfininnerup nalaani atuuttut naapertorlugit.
Ineqarneq
Atorfimmut atatillugu inissaqartitsisoqanngilaq.
Atorfiup 1. juni 2025 erseqqinnerusumilluunniit isumaqatigiissuteqareernikkut inuttalerneqarnissaa kissaatigineqarpoq.
Atorfik pillugu paasissutissat ersarinnerusut piniarneqarsinnaapput nutaarsiassaqartitsinermi pisortaq Irene Jeppson oqarasuaatikkut; +299- 36 46 38, imaluunniit emailikkut: irj@knr.gl saaffigalugu.
Qinnuteqarfissaq kingulleq: 01. maj 2025.
Qinnuteqarnissamut killissarititaasoq: maajip 1.-at, 2025
Atorfik una qinnuteqarfigiuk
