Majoriaq Tasiilaq ilinniartitsisussarsiorpoq

Majoriaq Tasiilaq 1. april 2025 imaluunniit isumaqatigissuteqarnikkut atorfinittussamik ilinniartsitisussarsiorpoq.

Majoriaq Tasiilaq inuussuttunut inersumasunullu ilinniartitaanikkut ingerlariaqqinniartunut aqqutissaalluni sulliviuvoq. Majoriaq siunnersuisarfittut, FA-mi atuartitsivittut attaveqaqatigiinnermullu sulliviummat iliniartitsisutut Ilinniarfissuarmi ilinniarsimasuunissat iluaqutaassaaq, qallunaatut tuluttullu atuartitsisinnaasuussallutit.

Majoriami sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat peqataaffigiumallugit akuersaarsimassavaat.

Pingaartitat:

∙Ilisimasaqarneq – tulluartumik qaffasissusilimmik suliaqarsinnaaneq

∙Isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq

∙Pingaarnertut suliamut angusaqarluarneq

∙Isiginninneq – Majoriap ataatsimoortuunerata takusinnaannera

∙Pilersaarusiorneq – Majoriamut tunaartanik sinaakkutinillu inissitsiterineq

∙Ilutsinni avammullu oqaloqatigiittarneq

∙Inuit, ingerlariutsit aaqqissuussaanerlu nakussassarlugit

∙Ilinniartitsinerlu taavalu siunnersuineq – Pingaarnertut suliassaq suliarilluarlugu

Taamaattumik Majoriami ilinniartitsisutut inuusuttunut inersimasunullu atuartitsisassaatit, taamaalillutit aamma ilinnialernissamut piareersarnermi ikorfartuillutillu kajumissaarisutut sulissallutit.

Fagit ukua piginnaasaqarfigalugillu ilinniartitsisuuffigisinnaassagitit naatsorsuutigaarput:

∙Qallunaatut

∙Tuluttut

Majoriami atuartitsineq, FA, meeqqat atuarfiannitut soraarummeernissatulli ippoq, taamaatorli maanna atuartitsinermi periutsit ineriartortinneqarput, tamatumanilu misiliilluni ingerlatsinermi peqataalernissat naatsorsuutigissavat. Taassuma saniatigut atuartitsinermi suliniummut tunngasumik suliaqarsinnaassaatit, taamaasilluni Majoriami atuartut atuartitaaneq kajumernartutut piumassuseqalersitsisumillu imaqarluartutut misiginiassammassuk.

Aqqutissiuussisut ilinniartitsisullu allat peqatigalugit atuartitsineq pilersaarusiorneqartarpoq, piumasaqaataavorlu:

∙Illit ilinniaritsisoqatigiinni suleqatikkuminartuunissat

∙Nutaanik eqqarsarsinnaaneq

∙Inunnik ataqqinnittumik naligalugillu naapitsisartut

∙Inunnik immikkut pisariaqartitsisunik paasinnissinnaassuseqarneq

Naatsorsuutigaarput:

∙Ilinniarfissuarmi ilinniartitsisutut naammassisimasuunissat

∙Oqaluttariarsornikkut allattariarsornikkullu oqaatsitigut pitsaasunik piginnaaneqarnissat

∙Atorfinnit allanit ilinniartitsinermik misilittagalik

∙Atuarfimmut ineriartortitseqataanissamut sunniuteqaqataarusussusulik

∙IT-mik atuisinnaasutut qaffasissusilimmik ilisimasaqartutit

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Områdeleder Gerda Mikaelsen, oqarasuaat +299 36 78 39 imaluunniit e-mail: gemi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 174-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 27.-at, 2025

Atorfik una qinnuteqarfigiuk