IT-Konsulent projektinik ingerlatitsisinnaasoq

Sulianik ingerlatanik pitsaassusermillu pingaartitaqartuuit?

Suliani unamminartuni aaqqiissutissarsiullaqqippit? Immikkuualuttut ataatsimoortillugit suussusersisinnaavigit? Suliat arlallit ataatsikkut ingerlassinnaavigit?

Susassaqarfiit immikkoortortallu assigiinngitsut tapullugit pilersaarusiorsinnaallutillu ataqatigiissaarisinnaavit?

Taamaappat illiusinnaavoq, IT-Projektlederitut ujartugarput, Namminersorlutik Oqartussaqarfiup qarasaasialerinermik immikkoortortaqarfiani.

Digitalimik Ingerlatsinermik Aqutsisoqarfimmi qarasaasialerisuniipput applikationssupporterit marluk; Namminersorlutik Oqartussaqarfimmi pingaarnertut ESDH-systemimik ikiuisutut ilitsersuisutullu suliaqartut, IT-supporterit tallimat; atuisunik suliassanillu takkussuuttunik suliaqartut, IT-projektlederi taavalu immikkoortortaqarfimmi aqutsisoq. IT-Projektinik aqutsisutut afdelingimi aqutsisoq qanimut suleqatigisarumaarpat ataqatigiissaaqatigalugulu, sulianut ingerlatanut assigiinngitsunut tunngasunik.

Digitalinngorsaaneq allanngoriartorneruvoq, taamaattumik pingaaruteqarpoq allannguutinik ingerlatsisinnaallutillu soqutigisaqaqatigiinnik suleqarteqarsinnaanissat, suliamut ingerlatanut atatillugu. Allanngoriartorneq projektimillu aqutsineq attaveqaqatigiissinnaanermut annertuumik piumasaqaateqarfiuvoq, taamaattumillu attaveqarluarsinnaanissaq ilinnut nalinginnaasuussasoq pingaaruteqarluni.

Digitalinut tunngasunik ilisimasaqarneq soqutigisaqarnerlu iluaqutaassaaq.

Pikkoriffiit soorlu: misissueqqissaariaaseq, attaveqariaaseq ataqatigiissaareriaaserlu – nalinginnaasumik tunngaviusumik ilinniagartuutut piginnaasarisat, atorfimmi uani atorneqarumaarput.

Ilaatigut suliassatit ukuussapput:

• Qarasaasianut tunngasunut projektini aqutsineq aamma qarasaasiatigut ineriartortitsineq

• Qarasaasiatigut neqeroortitsisarnernut peqataaneq

• Suleqatigiit assigiinngitsut kommunillu akornini ataqatigiissaarinerup iluani qulakkeerineq, pisortat akornini suleqatigiinneq pitsanngorsarniarlugu

• Misissueqqissaarnerni naammassinninneq pisariaqartitanillu tunniussuineq

• Qarasaasiatigut systemitigullu ineriartortitseqataaneq atorunnaartitsinerlu

• Pilersuisunik nunatsinneersunik allaneersunillu attaveqarneq

Sulinermi piginnaasatit:

• Naleqquttumik qarasaasialerinerup iluani Projektinik aqutsinermik ilinniagaqarsimaneq

• Projektini aqutsinermi ingerlaartitsinermilu misilittagaqarneq

• Microsoft-mi atortutigut atuisinnaaneq

• ITIL imaluunniit Prince2-mi allagartaqarneq imaluunniit pisinnaasaqarneq

• Kalaallisut, qallunaatut tuluttullu oqalussinnaaneq allassinnaanerlu

Qarasaasialerinermi suleqatigiinni IT-projeklederissarput:

• Aaqqissuilluarsinnaasuussaaq ajornartorsiutaasinnaasunullu aaqqiiniallaqqissuulluni

• Naammassinnilluarnissaq anguniarlugu akisussaaffimmik tigusisinnaassaaq

• Assigiinngitsunik suleqatiginnilluarsinnaassaaq

• Ulapaarfimmi sulisinnaaneq nuannarissavaa

• Nammineerluni suleqateqarlunilu sulilluarsinnaassaaq

• Kulturitsinnut inuiaqatigiinnullu tunngasunik ilisimasaqassaaq

• Pinerlussimannginnermut uppernarsaarteqassaatit

Uagut pilluta

Digitalinngortitsinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Digitalinngortitsinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.

Digitalinngortitsinermut Aqutsisoqarfik Naalakkersuisut Siulittaasoqarfiata Naalakkersuisoqarfianut atavoq, sulisullu 35-t sulisorineqarsinnaallutik. Digitalimik.gl iserfigalugu paasisaqarnerusinnaavutit.

Neqeroorutigaarput

Suliffik eqaatsoq, namminersorfiusoq unamminartoq, inuttut suliffitsigullu ineriartorfiusoq. Atorfik soqutiginartoq sunniuteqarnissamut periarfissaqarluartoq, imarisaanut aaqqiissutigisassanullu sunniilluarsinnaavutit.

Digitalinngortitsinermut Aqutsisoqarfimmi atorfinissaatit, toqqaannartumillu IT-qarnermi pisortamut attaveqartassallutit. Nuannersumik qeratanngitsumillu sulisut akornanni sulilissaatit, sulisullu tunniusimasut suleqatigissallugit.

Digitalimik Ingerlatsinermik Aqutsisoqarfimmi suleqatigiit akornanni pingaartipparput, suliat tungaasigut avitseqatigiissinnaaneq, pingaarnerpaavorli suleqatinnut maligassiuisuussaallutit aqutsisoqarfimmi anguniagarineqartut siunnerfiilu pingaartitaani takutitsilluarsinnaasutit ukuusuni: Sullarissuseq, suleqatigiissinnaaneq, akisussaaffimmik tigusisinnaaneq ilisimasanillu avitseqatigiissinnaaneq.

Sukumiinerusumik paasissutissat

Atorfik pillugu sukumiinerusumik paasissutissat IT-qarnermut pisortamut saaffiginnissutigineqassapput:

Aputsiaq Gudbrand Petersen:

Mail: apu@nanoq.gl

Oqarasuaat +299 345887

Qinnuteqaatit ingerlaavartumik suliarineqassapput, killigititarli tikitsinnagu tigoreersimassallutigit.

Digitalimik Aqutsisoqarfik Naalakkersuisut siulittaasuata allattoqarfiata ataani inissisimavoq.

Uagut pilluta paasisaqarnerorusukkuit digitalimik.gl alakkarsinnaavat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk