Timimik Sungiusaasoq

Innarluutilinnut paaqqinnittarfik Meeqqat Angerlarsimaffiat Ivaaraq Timimik sungiusaasumik assigiinngitsunik suliaqarnissamut piumassuseqartumik sulisussarsiorpoq. 

1. april 2025 aallartittussamik imaluunniit isumaqatigiinnikkut. 

Meeqqat Angerlarsimaffiat Ivaaraq kujataani inissisimasuuvoq. Meeqqanut inersimasunullu nuna tamakkerlugu ulloq unnuarlu paaqqinnittarfiulluni. Arlalinnik innarluuteqartunut 15-nut inissaqarpoq. Tassani pineqarput meeqqat, inuusuttut inersimasullu. 

Suliffeqarfik marlunnik immikkoortortaqarpoq, taakku immikkut illutaqarlutik. Timimik sungiusaasoq immikkut illup aappaani initaqassaaq. Taamaakkaluartoq immikkoortuni marluusuni suliassaqartassaaq, tassanilu immikkoortuni qanimut suleqateqartassaaq ornittagaq Orpigaq ilanngullugu. 

Ineqartuutigut sutigut tamatigut pisariaqartitsisuupput. Assigiinngitsunik sullissisunik sulisoqarpugut perorsaasut, isumaginninnermik ikiortit, ilinniagaqanngitsut, pediili, igaffimmiut asaasullu. Pisortaq peqqissaasutut ilinniarsimasuuvoq, pisortap tullersortaa perorsaasutut ilinniarsimasuulluni. Illillu timimik sungiusaasutut pisariaqartippatsigit. 

Suliffeqarfiuvugut suliassaqarfinnut arlalinnut pingaartitsisut. Timimik sungiusaasutut sulininni kommunimi sumiiffinnilu napparsimaviani timimik sungiusaasoqatitit suliassanut tunngasunik avitseqatigisassavatit.

Naatsorsuutigaarput: 

• Timimik sungiusaasutut ukiualunni sulereersimassasutit

• Namminersorlutit assigiinngitsunillu sulinissat nuannarisuussavat

• Innarluutilinnik sullissinermik misilittagaqassasutit, piumasaqaataanngilarli

Neqeroorutigaarput:

• Suliffeqarfik ineriartortuartoq

• Ullut suliffiit assigiinngiiaartut

• Suliffimmi sunniuteqaqataasinnaanermut periarfissaqassaatit

Suliassappit makku ilagissavaat: 

• Ineqartunut sungiusarneq- asiunaveersaarinermullu programminik suliarinninneq 

• Sungiusarnissamut programminik suliffimmi suleqatinut ilinniartitsineq, aammali sulinermi eqqortumik inissisimanissamut ilinniartitsineq

• Pisortaq peqatigalugu ikiuutissanik/issiavinnik assakaasulinnik qinnuteqarnerit pisiniarnerillu

• Timikkut innarluutilinnut iluaqusersuusiortunut, kamippaliortunut, meeqqallu nakorsaanut takkunnerni peqataaneq. Taakku ukiumut marloriarlutik pisarput 

• Suleqatit peqatigalugit ineqartunut sammisassanik nuannersunik imaqarluartunillu aallartisaaneq

• Immikkoortortaqarfiit ataatsimiinnerini, suleqatigiit akornganni ataatsimiinnerni, kommunimi allaniluunniit ataatsimiinnerni peqataaneq

Sinniisutut sulinissat eqqarsaatigigukku suli tusarnissat kissaatigaara, taamaattorli minnerpaamik qaammatini arfinilinni sinniisutut sulisinnaanissat uani pineqarpoq.

Sukumiinerusumik paasisaqarnerorusukkuit aqutsisoq Inge Kolby Pedersen attavigisinnaavat mail: Forstander@ivaaraq.gl imaluunniit uunga sianerlutit: +299 64 21 13 (DK nalunaaqutaat malikkukku ullup qeqqata kingorna)

Paasisaqarnerorusukkuit www.kujalleq.gl alakkaruk imaluunniit peqqinnissaq pillugu kattuffiit nittartagaa www.ppk.gl 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk