Tasiilami Qanganitsad iddivanni peqqinnissamut ikiorti/assigisaalu.

Tasiilami Qanganitsad iddivanni peqqinnissamut ikiorti/assigisaalu.

Utoqqaat sullikkusuppigit, qanimut qanigisaat oqaloqatigisarlugit? Inuttut nukissaqarluartuullutillu nuannaartuuit, isumassuinermi paaqqutaqarnermilu tunniussinissaq sapernagu, taassuma saniatigut tamakkiisumik takunnissinnaassuseqarlutit ilinniagaqanngitsunut ilinniartitsisoorusussasutit / imaajaaffiorusussasutit, taamaappat Tasiilami Utoqqaat Najugaqatigiiffianni peqqinnissamut ikiortitut atorfik ilinnut periarfissatsialaavoq.

Tasiilami Qanganitsad iddivad pillugu

Anganitsad iddivad 18-inut inissaqarpoq. Qanganitsad iddivad 28-t miss. sulisoqarpoq, sulisullu ukuupput pisortaq, pisortap tullia, peqqinnissamut ikiortit, kantiinami ikiorti, meeqqerisoq, eqqiaasut pedeli kiisalu sulisut ilinniagaqanngitsut.

Atorfiup suliassartaa:

Peqqinnissamut ikiortimik qanilaartumik isumassuisumillu utoqqarnik paaqqutarinnissinnaasumik pissarsiorpugut. Isumassuineq paaqqutarinninnerlu pingaarnerpaatitaraarput taamaattumik pisariaqarpoq paaqqutarinnilluarnermi sinaakkutissanik ineriartortitsinissaq aamma aaqqiissutissanut ersarissumik tappiffeqarnissaq. Pisortaq suleqatillu allat suleqatigalugit ineriartortitsinermi annertuumik pingaaruteqartutut inissisimassaatit.

Naatsorsuutigaarput najugaqartut atugarisaannut pitsanngorsaataasussamik pisortaq suleqatigalugu suliassamik tigusissasusi sulisunullu ilinniagaqanngitsunut ilinniartitsillusilu inerisaassasusi.

Qanganitsad iddivad suli ineriartorpoq piginnaanngorsaaqqinneq, sulinermi nuannaarneq aalajaatsuunissarlu ukkataralutigit. Isumaqaratta najugaqartunut suleqatillumi atugarisaannut ajunngitsumik sunniuteqartartoq.

Naatsorsuutigaarput illit:

∙Peqqinnisamut ikiortitut ilinniarsimasuunissat

∙Utoqqarnik suliaqarfimmi sulerusussuseqarnissat

∙Aqutsinermi suliassanut peqataanissamut piginnaasaqarlutillu piumassuseqarnissat

∙Allanik suliaqarfinnik suleqateqarnissamut piginnaasaqarluartuunissat

∙Atuartunut ilinniartunullu suliffimmik misiliisunut ilitsersuisutut atuartitsinermik ingerlatsisinnaanissat

∙Suliffimmi avatangiisit toqqissisimanartumik isumassarsiorfiusumillu pilersinnissaannut peqataanissat

∙Nammineerlutit sulisinnaanissat, akisussaassuseqartoq sullissilluarusuttutillu

∙Ulloq ulapaarfiugaluarpalluunniit ukkatarinnilluarsinnaallutit ataqatigiissitsilluarsinnaallutit silisinnaanissat

∙Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit

∙Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

Neqeroorutigaavut:

∙Atorfik initaqarpoq

∙Annertuumik akisussaaffeqarlutillu aalajangeeqataasarneq

∙Suleqatit nuannersut qanimut suleqatigalugit

∙Suliat unamminartut

∙Inuttut suliamullu tunngasutigut ineriartorneq

∙Suliffiup ilagaa tunngaviusutut akunnerup naaneri allortarlugit kiisalu unnukkut- unnuarsiornerillu. (sap. akunneranut 2-3-riarluni)

∙Suliassat, suleqatit immikkoortortallu pitsaasumik ilisaritinneri

Nalunaaquttap akunneri 40-t suliffiusarput

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Gitte Kilime, oqarasuaat +299 36 77 25 imaluunniit e-mail: giki@sermersooq.gl

Imaluunniit, tullersorti, Dina Heilmann, oqarasuaat +299 36 78 18 imaluunniit e-mail: dinh @sermersooq.gl

Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 415-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 19.-at, 2025

Atorfik una qinnuteqarfigiuk