Majoriaq Nuuk Siunnersortissarsiorpoq

Majoriaq Nuuk Siunnersortissarsiorpoq

Majoriaq Nuuk suliffeqarfiuvoq ineriartortoq. Ukiuni kingullerni Majoriaq Nuuk pingaarnertut suliassat eqaannerulersinnissaannut suliniuteqarnikuuvoq, kisianni aamma innuttaasut pisariaqartitaat naapigiarnissaat. Maani pingaarnertut suliassaraarput inuusuttut inersimasullu ilinniarnissaannut aamma imaluunniit sulilernissaannut siunnersuinissaq. Majoriaq siunnersuisarfiullunilu inersimasunut piginnaanngorsaqqiffiummat iluaqutaassaaq inersimasunut atuartitsinermi qulaajaanernik ingerlatsinernilu piginnaasaqarnissaq misilittagaqarnissarlu, aammattaaq qujanassaaq siunnersuinissamut tunngaviusumik ilinniagaqarsimanissaq.

Majoriami siunnersortitut sulilissaatit, tassanilu pingaarnertut suliassarissavat FA-mi atuartunut qinnuteqartunullu siunnersuineq, kisianni aamma inuusuttut inersimasullu qulaajaanermik sungiussiniarnermillu ingerlatsineranni ilinnialernissaanut piareersarnissaanut atuartillugit kajumissaarlugillu.

Naatsorsuutigaarput uku piginnaaneqarfigissagitit atuartitsissutigisinnaallugillu:

∙Siunnersuineq

∙Inersimasunik atuartitsineq

Immikkoortortaqarfimmi siunnersuinertaa FA-mut qinnuteqartunut atuartunullu tunngavoq. Siunnersuisut marluk suleqatigissavatit, tassani siunnersuinermi pingaarnertut suliassaavoq atuartut kajumissaarnissai, qinnuteqartut qulaajaanissamut ingerlatseqatiginissaat, kisiannili aamma siunnersuinermi qitiusumik suliaqarneq.

Siunnersuisoq skemanik nalunaarsuineq allallu suliassarai, aamma atuartunik ikorfartuinermut tunngasunik suliaqarneq.

Majoriaq Nuuk sungiussiniarnermik qulaajaanermillu ingerlatsinerani inuttut ineriartornermut tunngasut assigiinngitsut atorlugit pikkorissaaneq, sammisaqarluni atuartitseriaaseq atorlugu ingerlanneqartarpoq. Iluaqutaassaaq sammisaqartitsilluni ilinniartitsineq soqutigisarissagit, taamatut Majoriami atuartut ilinniartitsineq kajungernartutut, isumalittut qanilaarfiusutullu misigisarniassammassuk.

Iluaqutaassaaq aamma Lectio ilisimasaqarfigigukku, IT-mullu tunngasunik suliaqarnermi atortunik assigiinngitsunik ilisimasaqarluaruit.

Atuartitsinissamik pilersaarusiorneq ilinniartitsisut siunnersuisartullu allat ilagalugit ingerlasarpoq, tassanilu aajuku piumasaqaatit:

∙Sulianik ilisimasaqarneq

∙Namminersorsinnaaneq

∙Aaqqissuusilluarsinnaaneq

∙Suleqatikkuminartuuneq

∙Nassaarsiorsinnaaneq

∙Inunnik immikkut pisariaqartitsisunik paasinnissinnaaneq

Naatsorsuutigaarput:

∙Siunnersuinermik ilinniagaqartuunissat

∙Oqaluttariarsornermi allattariarsornermilu piginnaasaqarluarnissat

∙Inersimasunut atuartitsinermik assigisaannulluuniit misilittagaqarnissat

∙Atuarfiup ineriartorneranut sunneeqqataannissannut sapiissuseqarlutillu kajumissuseqassasutit

∙IT-mik atuisinnaassasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Majoriami atuarfiup aqutsisua Ivalo Heilmann oqarasuaat +299 368140 imaluunniit e-mail: iohn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 400-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 16.-at, 2025

Atorfik una qinnuteqarfigiuk