Inoqatinut attaveqaatit qitiutillugit attaveqaqatigiinnermut sulisoq

Inoqatinut attaveqaatit qitiutillugit attaveqaqatigiinnermut sulisoq

Kommuneqarfik Sermersuumi attaveqaqatigiinnermut immikkoortortami suliassanik nutaanik pissanganartunillu suliaqalernissamut piareersimavit? Attaveqaqatigiinnermut sulisumik nutaaliorsinnaasumik pikkorissumillu juunip aallaqqaataani sulilersussamik pissarsiorpugut.

Attaveqaqatigiinnermut immikkoortortaq attaveqaqatigiinnermut tunngasunik assigiinngitsorpassuarnik suliaqarfiusarpoq, nunarsuarmi kommunit anginersaanni innuttaasunut assigiinngitsunut tunngasunik suliaqarfiusartoq, aammali politikkimut aaqqissuussaanermullu tunngasunik suliaqarfiusarluni.

Atorfik pillugu

Attaveqaqatigiinnermut sulisutut suliassatit assigiinngitsorpassuussapput. Pingaarnertut inoqatinut attaveqaatit suliaqartaraluarlutit suliassatit siammasissapput, aammalu ullormi ataatsimi aqqusinerni sulineq pillugu nalunaarutit suliarineriniit kommuneqarfimmi inoqatinut attaveqaatini maannakkorpiaq nutaarsiassanik nutartertarlugit, atuarfinnut paasissutissiissutinik suliaqartarlutit imaluunniit kommuneqarfimmi innuttaasunut tamanut attuumassuteqartumik periusissiamik suliaqarlutit.

Illit suliassatit ima eqikkarneqarsinnaapput:

·Kommuneqarfimmi inoqatigut attaveqaatit imarisassaanik suliaqarneq

·Tusagassiorfinnut kommuneqarfiup iluanut avataanullu tusagassiuutinut nalunaarutinik assigisaannillu suliaqarneq

·Attaveqaqatigiittarfinni tamani assigiissaakkamik ersarissumillu attaveqariaaseqarnissamik qulakkeerinnittarneq

·Suliniutit pissanganartut nammineq aallartitatit

Suliassat allat tassaapput:

·Kommuneqarfiup nittartagaanik nutarsaaneq ataavartitsinerlu

·Attaveqaqatigiittarfinnut assigiinngitsunut filmiliorneq assiliinerlu

·Paasititsiniutissanik aaqqissuussinissanillu, peqataanissamut kajumissaarutaasumik alapernaalersitsisumillu, pilersaarusiorneq ingerlatsinerlu

·Pitsaanerpaamik inoqatinut attaveqaatitigut oqariartuutiginiarneqartunik ingerlatitseqqiinissamik suleqatinik aqutsisunillu siunnersuineq

Naatsorsuutigaarput:

·Attaveqaqatigiinnerup, tusagassiuutilerinerup assigisaanilluunniit tunngasumik ilinniarsimanissat

·Kalaallisut qallunaatullu allattariarsorsinnaassaatit oqalussinnaallutillu iluaqutaassaaq, imaluunniit ilinniarusussinnaassavatit

·Qarasaasiaq atorlugu attaveqaqatigiinnermi misilittagalik aammalu inoqatinut attaveqatigiittarfiinik atuinerni ilisimasalik

·Ingerlatitseqqiinermi aamma allattariarsorluni piginnaasaqarluartoq

·Pinngorartitsisinnaasoq, aallartitsinissamut kajumissusilik aammalu nammineerluni sulisinnaasoq aamma suleqatit allat suleqatigalugit

·Politikkikkut suliallit aqutaanni suliffeqarfimmi suliaqarnermik misilittagaqartutit

·Pisortani allaffissornermi ilisimasaqartutit

Neqeroorutigaavut

·Suliffik aaqqissuussami annertuumi ineriartortoq pissanganarlunilu unammillernartoq

·Suliatigut inuttullu ineriartornissamut periarfissat pitsaasut

·Tunniusimasunik aammalu sullivimmi ilinniarsimasunik suleqateqarluni sulineq

·Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Rasmus Christiansen, oqarasuaat +299 367510 imaluunniit e-mail: rach@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 404-25 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 9.-at, 2025

Atorfik una qinnuteqarfigiuk