PAASISSUTISSAT
Atorfiup suussusaa: Meeqqat Toqqissillutik Ornittagaat Sisimiuniittoq (MTO) pisortassarsiorpoq
Suliffeqarfik: Meeqqat Toqqissillutik Ornittagaat
Qinnuteqarfissamut killigititaq: 18. maaji
Attavissaq: Laura Thatt oqarasuaatikkut +45 4223 9340 imaluunniit Signe Schwencke +299 520137
Sisimiuni meeqqanik inuusuttunillu
katerittarfissamik sammisassaqartitsivissamillu ineriartortitseqataarusuppit?
MTO katerittarfissatut sammisassaqartitsivissatullu
inerisarneqaleruttorpoq. MTO-p ineriartortinneqalernera ingerlanneqarnissaalu
inissiaatileqatigiiffiup INI-p Qeqqatalu Kommunia qallunaallu peqatigiiffiat agguaassinertalimmik
siunnertallip Østifterne suleqatigiillutik ingerlassaraat. Isumassarsiaq
Sisimiuni Meeqqat demokratimik ingerlassisut isumassarsiarisimavaat,
illoqarfiup meerartaasa inuusuttaasalu toqqissisimaffissamissut
ornitagassaannik pilersitsinissaminnik kissaateqarsimammata.
Ornittakkami, siammasissumik meeqqat
pillugit ilisimasaliullutillu toqqammivissatullu naleqartitassatigut taamattaaq
ilisimasaliussallutik. Illumi naleqartitanut toqqammaviussapput
sunniuteqaqataasinnaaneq, aaliangersaaqataasinnaaneq, ataatsimoorneq tamallu
oqartussaaqataanerat. Illumi sammisassat tamarmik meeqqat inuusuttullu
kissaataannik aallaaveqartassapput. Meeqqat inuusuttullu illumut tunngasunik
aaliangigassanut akuutinneqartassapput.
Pisortanngortussamut tunngatillugu
takorloorparput, akuulluarluni, pimoorussilluni, alapernaaserluni,
soqutiginnilluni ataqqinnillunilu MTO-mi sulisuminik aqutsissasoq.
Pisortanngortussaq, meeqqanik
inuusuttunillu sullisserusuttuussaaq meeqqat inuusuttullu ilikkagassaannik,
atugarissaarutissaannik ineriartorfissaannillu periarfissanik
takunnissinnaasuussasoq.
Pisortatut nukittuujussaatit
iliuuseqarsinnaasuussallutillu, illumilu atuisut meeqqat inuusuttut
sullissisullu peqatigalugit sammisassaqartitsinikkut periarfissanik
nassaassarsiullaqqissuussallutit.
Meeqqat inuusuttullu pilersitserusupput,
angerlarsimaffippalaartumik toqqissisimaffiusumillu. Attaveqaqatigiinneq
qanilaartoq piusoq unnukkorsioqateqartarnerlu ataatsimoorfiusoq.
Piffissami ungasissumi takorluugaavoq
meeqqat inuusuttullu unnuititsisinnaalernissaq, angerlarsimaffimminni
toqqissiviilliortunut.
Pingaartippagut pimoorussineq,
aalajaatsuuneq ataavartitsinerlu.
Naleqartitatsinnik meeqqanillu isiginneriaatsitsinnik
nittarsaassissuussaatit: Isumaqaratta meeqqat inuusuttullu naligalugit
suleqatigalugit naapinniarneqartassasut pingaartillugu inuunermut
akersuussinnaanissaannut unammillerumaagassaannillu
akersuussinnaasunngornissaat.
Pingaartipparput, meeqqat inuusuttullu,
unamminartunik atukkamikkut inissisimasunik, sullisserusullutit kissaateqassasutit
piumassuseqarfigisarnik.
Avatangiisinik pilersitsissaatit, meeqqat,
tarnimikkut toqqissisimaffigisinnaasassaannik. Taamaattumik pingaaruteqarpoq pisortanngortussap
ilisimasaqarfigissagaa kalaallit meerartaminnik periuseqartarneri.
Pingaaruteqarpoq, kalaallisut
oqaaseqartuunissat saniatigullu qallunaatut tuluttullu
oqalussinnaasuussallutit.
Neqeroorutigaarput
Illumut pilersinniarneqartumut
pisortaalernissat, naleqassutsit, inunnut isiginnittariaatsit
ataatsimoortitsisinnaanissarlu ukisiffigalugit, meeqqat inuusuttullu
suleqatigalugit.
Meerarpassuit inuusuttorpassuillu,
tikilluaqqunissarnut qilanaarput, ilisarisimalernissarnullu.
Atorfilittanik suleqatigisassanillu
suleqatiginnilluartarnissaq.
Ataatsimoorfik, meeqqanik inuusuttunillu
sullissinissamut piumassuseqarluartut.
Atorfigisassami atugassarititat:
Qilanaarisinnaavat tatiginninneq tunngavigalugu
suliffeqarfik ingerlasoq iserfigissallugu, uummateqarfigalugu aallunneqartoq. Pingaaruteqarpoq
ulluinnarmi ulapaarfiusumi eqaallutit ataatsikkut nuannisaatigalutit
atuisussinnillu ornigarneqarluartumiillutit.
Suliffigiligassat INI-p Kalaallit Nunaanni Sisimiuni qitiusumik
allaffeqarfissuaniippoq, MTO-p inissisimaffiani.
Atorfigisassavit allaffisoornertaa INI-p pisortaata
ataani inissisimavoq suliallu sammisassartaa Østifterit pilersaarusiornikkut
pisortaanik qullersaqarfeqassaaq.
Atorfik sulinermi tamakkiisumik pisortaaffigissavat,
sulinerit ulloq, unnuk unnuarlu ilanngullugumoortuussaaq.
Akissarsiassatit atorfinitsinneqarnissallu piginnaasarnik
aallaaveqassaaq immikkut isumaqatigiissutinngorlugu suliarineqassaaq.
Atorfininnernut tunngatillugu angalanissartaa pequtivillu
tikisinneqarnissaat ilaareerpoq.
Sisimiuni inissiamik atorfimmut tunngasumik tunineqassaatit
maleruagassat naliginnaasut iluini atugassarititalimmik.
Atorfinitsinneqarnissat:
Juunip ulluisa
aallaqqaataat imaluunniit immikkut isumaqatigiissuteqarnermi.
Suliffik soqutigaajuk?
Atorfik soqutigigukku paasisaqarfiginerorusullugulu
ukununnga saaffiginninnissarnut tikilluaqqusaavutit Østifterini
pilersaarusiornikkut pisortamut Laura Thatt-imut +45 4223 9340-mut imaluunniit pilersaarusiorlugu
sammisassaqartitsinikkut ataqatigiissaarisumut Signe Schwenckemut +299 520137-mut
sianerlutit.
Tusarfiginissat soqutigaarput!
Qinnuteqaativit
tigunissaa qilanaaraarput CV-t ilanngullugu allagartatillu tassunga
tunngasinnaasut kiisalu pillagaasimannginnermut allagartat mailikkut
allakkerivikkulluunniit nassiussisinnaavutit kingusinnerpaamik Maajip ulluisa
18-at 2025. Atorfinitsitsineq pitinnagu aamma meeqqanik pinerliisimannginnermut
allagartaq piniarneqassaaq.
INI
Sulisoqarnermut immikkoortortaqarfik
Postboks 1020
3911 Sisimiut
E-mail: job@ini.gl
