Suliniummut aqutsisoq uunga IT aamma Digitalinngortitsnineq

Suliniummut aqutsisoq uunga IT aamma Digitalinngortitsnineq

Kommuneqarfik Sermersooq IT aamma Digitalinngortitsinerlu Suliniummut aqutsisumik pikkorissumik tunniusimasumillu pissarsiorpoq.

Kommuneqarfik Sermersuumi IT aamma Digitalinngortitsinerlu ineriartortinnissaanut siunertaavoq kommunip digitalikkut ineriartorneranut, pitsaasuuneranut, tatiginartuuneranut IT-kkut atortulersuutit atoruminartuunissaat. Immikkoortortaqarfimmi suliniutaavoq kommunip kiffartuussineri digitaliserernissaa, suleriutsit pitsaanerulernissaai kiisalu innuttaasut sulisullu digitalimik periarfissaqarnerulernissaat.

Immikkoortortamiipput IT-mut Digitalinngortitsinermullu pisortaq aamma IT-mi immikkut siunnersorti.

Atorfik piffissaq tamakkerlugu suliffiuvoq, IT-mut Digitalinngortitsinermullu pisortaq qaninnertut sulisitsisorissallugu.

Atorfiup imarisaa:

Sulisumik, misilittagaqartuunissanik neriuutigaarput, IT-projektinik assigiinngitsunik aqutsisinnaasumik suliassanillu assigiinngitsunik suliaqarsinnaasumik, soorlu:

·IT-mik suliniutit assigiinngitsut, matumani pilersaarusiornerit, sulisunik aqutsinerit suliniutitullu siunertanik malitseqartitsinerit ilanngullugit atuutilersinneqartarnerinik ataqatigiissaarineq

·Suliniutit aporfeqanngitsumik ingerlanneqarneri qulakkeerniarlugit aqutsisunik soqutigisaqaqatigiinnillu allanik akulikitsumik attaveqaqateqartarneq

·Aarlerinartunik sumiissusersisarneq isumaginnittarnerlu kiisalu suliniutip ingerlanneqarnera tamaat atorlugu pitsaassutsimik qulakkeerineq

∙Suliarinasuarneqarsinnaasullu ilanngullugit (Ad hoc)

Suliassat IT aamma Digitilaiseringimi suleqatit ingerlatsiviillu/immikkoortortat kommunillu avataaniit suleqatit assigiinngitsut suleqatigalugit suliarineqartassapput.

Qinnuteqartunut naatsorsuutigisat:

·Minnerpaamik IT-p, suliniutinik aqutsinerup assingusulluunniit iluini ilinniagaqarsimanissaq

·IT-nut suliniutinik aqutsinikkut sivikinnerpaamik ukiuni pingasuni misilittagaqarnissaq, ajornanngippat pisortat allaffeqarfiini

·Suliniutinik aqutsinermi sakkussanik periutsinillu atuinissamik pikkoriffeqartoq; assersuutigalugu PRINCE2-mi allagartaq imaluunniit suliniutinik aqutsineq pitsaaqutaassaaq

·Ajornartorsiutinik aaqqiinissamut piginnaasaqarluartoq allanngortitsinissamullu aqutsinermik misilittagaqartoq

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq

∙Arlariinnik (kal/qal/tul) oqaasillit piumaneqarnerupput, piumasaqaataanngillalli.

Neqeroorutigaagut:

Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut. Taakku saniatigut uku neqeroorutigaagut:

·Kommuneqarfik Sermersuumi siunissami digitalinngortitsinerup annertuumik sunniuteqarfigineqaleraluttuinnarnerani pingaaruteqarluinnartumik atuuffeqarneq

·Suliniutinik aqutseriaatsini allagartaqalernissamut periarfissaqarneq

·Suliamut tunngasunik aammalu inuttut ineriartornermut periarfissat

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: IT og Digitalisering chef Johan Dam Davidsen oqarasuaat +299 36 75 09 imaluunniit e-mail: jdda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 231-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 27.-at, 2025

Atorfik una qinnuteqarfigiuk