Aaqqissuussinermik ataqatigiissaarisumik paarlattaasussamik, Taqqisuut

Aaqqissuussinermik ataqatigiissaarisoq, Taqqissuut

Kommuneqarfik Sermersooq pikkorissumik tunniusimasumillu Taqqissuummi ernininermut tunngatillugu paarlattaasumik ataqatigiissaarisumik aqutsisussarsiorpoq.

Peqqinneq, sunngiffik kulturimilu suleqatissatsinnik pissarsiorpugut, suliniut Paamiut asasara aallarteqqinnerani ataqatigiissaarisussamik. Atorfik Taqqissuummi aqutsisutut imaqarpoq, innuttasunullu sammisassaqartitsinermik pikialaartitsinermik aammalu ataqatigiissaarinermik imaqarluni.

Immikkoortortaq maannakkuugallartoq marlunnik sulisoqarpoq, immikkoortortamilu arfinilinnut siammaqqavugut ataqatigiittumilli suleqatigiilluta.

Suliassat assigiinngitsuupput soorluttaaq ullut suliffiit taamaattut - taamaattumik naleqqussarsinnaassaatit ammasuullutillu.

Paamiuni suliffeqarfinnik assigiinngitsunik qanimut suleqateqarpugut soorlu: Atuarfik Tuiisaq, najukkami pitsaaliuinermik suliaqarfiusoq - sunngiffimmi ornittagaq klubbi Kalaaleq – timersortarfik – Sannavik – Paamiut Katersugaasivia – ilaqutariinnut sullissivik Tilioq, tassani inuusuttunut siunnersorteqarpoq. Paamiuni Peqqinneq, sammisassaqartitsivik kultureqarnermullu Immikkoortortaqarfiup aqutsisua pisortarissavat.

Atorfiup imarisaa:

Nutaaliorsinnaasumik aaqqissuussinermut ataqatigiissaarisumik Taqqissuummi aqutsisussarsiorpugut ataanilu makkunannga suliaqarluarsinnaasumik pissarsiorpugut:

Aaqqissuussinermi ataqatigiissaarineq

∙Katersortarfiup Taqqissuup illutaa isumaginissaa,

∙Paamiut asasara 2 ataqatigiissarlugu peqatigiiffinnut attaveqaataaneq

∙Sammisassat pisussallu assigiinngitsut aaqqissuussinerit

∙Attartortut sullinneri

∙Suliarinasuarneqarsinnaasullu ilanngullugit (Ad hoc)

∙Game suliniummut playmakerinullu ataqatigiissaarineq

Suliassat immikkoortortaqarfitsinni sulisut allat kiisalu Katersortarfimmi suleqatit peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

∙Nutaaliorsinnaassuseqarluartoq

∙Suliat aaqqissuussinerillu sammisassanillu pinngorartitsisinnaasoq

∙Avammut attaveqarluarsinnaasoq

∙Suleqatikkuminartoq

∙Ataqatigiissaarilluarsinnaasoq

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Kisitsisilerillaqqissoq

∙Atituumik suleqateqarluarsinnaasoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqoroorutigaavut:

Suliffik pinngorartitsiffiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Områdeleder Dorthe-Marie Mogensen Fontain oqarasuaat +299 36 76 54 imaluunniit e-mail: dtmf@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 238-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 28.-at, 2025

Atorfik una qinnuteqarfigiuk