Godthåb Bådeforening puttasuni akisussaasussamik piaartumik sulilersussamik pissarsiorpoq

Peqatigiiffik ineriartupiloorpoq sulisullu aamma aningaasaqarneq ilaasortavut sinnerlugit peqatigiiffimmi angisuumi 1000-inik ilaasortaqartumi isumagineqartariaqarput. Ilaasortat pisariaqartitaat kissaataallu sapinngisaq naapertorlugu isumagineqartussaallutik.

Taamaattumik puttasuni nakkutilliisumik sulisunut ilaasortanullu iluaqutaasumik peqatigiiffiup ineriartortinneqarnissaanut peqataasinnaasumik ujaasivugut.

Atorfinitsikkusutarput makkuninnga piginnaasaqassaaq:

● Inoqatinut ammasuuneq, ikiuiumatuneq, tatiginnilersitsisinnaaneq, eqiasuitsuuneq, unneqqarissuuneq, angusaqarluarsinnaaneq, pilersaarusiullaqqissuseq, sulianik aqutsillaqqissuuneq, torersumik suleriaaseqarneq, suleqatiginnissinnaaneq, akisussaassuseqarneq, aningaasanik paasisimasaqarneq, aaqqissuussaasumik ingerlatsisinnaaneq, imminut ineriartortikkusunneq suleqatinillu ineriartortitsinissamut piumassuseqarneq piginnaaneqarnerlu.

● Officemik atuisinnaaneq ilisimasaqarfigissavat aamma inoqatinut attaveqaqatigiittarfiit nittartagarlu isumagisinnaassavatit.

Pingaarnertut suliassat

Puttasuni aqutsisup puttasut ulluinnarni ingerlanneqarnerat isumannaallisaanerlu akisussaaffigai, , malittarisassallu malinneqarnerat qitiutillugu.

Siulersuisut isumaqatigiissutaat naapertorlugit puttasut, ukiuunerani qaqitsisarfiit, allaffeqarfik atortussanillu pisineq pilersaarusiortassavatit aserfallatsaalillugillu.

Suleqatit marluk ulloq naallugu sulisartut aamma arlallit puttasut aqqarneranni qaqinneqarnerannilu ikiortit nalunaaquttap akunnermusiallit akisussaaffigaatsit.

Peqatigiiffiup siulittaasuanut ulluinnarni attaveqartassaatit aamma Peqatigiiffiup siulersuisuinut ilaasortanut ataatsimeersuarnermi qinerneqartartunut. 

Peqatigiiffiup naatsorsuutigaa:

- Siulersuisinnaassasutit suliassanillu arlalinnik ataatsikkut isumaginnissinnaassasutit

- Siulersuisinnaasoq malunnaateqarluartoq

- Assassornikkut/umiartortutut sulinermik misilittagaqarluartoq

- Kiffartuussinermik pingaartitsisuusariaqarlutillu attaveqaqateqarluarsinnaassaatit

- Aasap ingerlanerani piffissami allanngorarsinnaasumi sulisinnaassallutit

Akissarsiat atorfinitsitsinermilu atugassarititaasut piukkunnartut naapertorlugit isumaqatigiissutigineqartarput. Sapaatip akunneranut ulloq naallugu nalunaaquttap akunneri 40-t sulisariaqarputit, piffissallu ingerlanerani suliassat piffissarlu apeqqutaatillugit sulisarnermut naleqqussarsinnaanissaq piumasaqaataavoq.

Paasisaqarnerorusukkuit peqatigiiffiup siulittaasua Ujarak Heilmann saaffigisinnaavat oqarasuaat 55 42 38-mut imaluunniit mail: formand@ghb.gl

Qinnuteqarnissamut killigititaq: 31/3-2025