Royal Arctic Line A/S Business Controller-imik sulisussarsiorpoq

Aningaasaqarnermut immikkoortortaqarfitsinni suleqatigilertigut aningaasaqarnikkullu aqutsineq nukittooq suleqataaffigalugu. 

Tunniusimalluartumik misissueqqissaarillaqqissumillu, aningaasaqarnermillu aqutsinermik naleqalersitsisussamik qulakkeerinneqataasinnaasumik Business Controllerissarsiorppugut. Nalunaaruteqartarnermut, missingersuutinik suliaqarnermut, ingerlatsinermi malitseqartitsisarnermut suliffeqarfiullu aningaasaqarneranut paasissutissanik misissueqqissaarinermik suliaqarnermut tunngatillugu pingaarutilimmik inissisimassaatit, aammalu suliffeqarfiup iluani niuernikkut ingerlatsisarnernik pitsanngorsaanerit suleqataaffigissallugit.

Uagut pilluta

Namminersorlutik Oqartussat Royal Arctic Line A/S kisimiitillugu sullissisussatut isumaqatigiissuteqarfigaa Kalaallit Nunaannut tassanngaanniillu aamma Kalaallit Nunaanni illoqarfiit nunaqarfiillu akornanni nassiussanik assartuineq imaatigut ingerlanneqartoq tamakkerlugu isumagisassaralugu. Sullissinissamik isumaqatigiissutip malitsigisaanik tikittarnerup akulikissusianut, qanoq annertutigisumik assartuisinnaassuseqarnissamut aamma illoqarfinnik tamanik Kitaani aamma Tunumi pilersuinermik qulakkeerinninnissamut arlalinnik piumasaqaateqarpoq. Taamaattumik umiarsuaatileqatigiiffik inuiaqatigiit kalaallit inuuniarneranni qitiulluinnarpoq, tassa nuna tamakkerlugu pilersuinissamik qulakkeerisuugami.

Royal Arctic Linep aningaasaqarnermut immikkoortortaqarfia suliffeqarfiup aningaasaqarnikkut patajaatsumik sunniuteqarluartumillu ingerlanissaata qulakkeernissaanut qitiusumik inissisimavoq. Periusissiatigut aalajangikkat ikorfartorniarlugit aningaasaqarnermik aqutsineq eqqoqqissaartoq paassissutissanillu tunngaveqartoq aqqutigalugit aaqqissuussaaneq akimorlugu sulisarpugut. Digitalinngortiterineq sulianillu isumaminik ingerlasussanngorsaaneq annertuumik ukkataraarput, taamaaliornikkut immikkoortortaqarfiit allat naleqalersitsinissaminnik suliaqarfigisaminnillu nukittorsaanissaminnik ukkataqarsinnaaqqullugit.

Akisussaaffeqarfigisassatit:

· Aqutsisoqatigiinnut nalunaarusianik misissueqqissaarnernillu aningaasaqarnermut tunngasunik suliaqarneq

· Missingersuusiorneq, forecastiliorneq aamma aningaasaqarnikkut kisitsisinik najoqqutassanik malitseqartitsineq

· Aningaasaqarnikkut ingerlaatsinik pitsanngorsaaneq pitsaassutsimillu qularnaarineq namminerlu nakkutilliineq

· Qaammammoortumik, kvartalimoortumik ukiumoortumillu naammassinninnerit suleqataaffigineri

· Aqutsisunut paasissutissiisarnermik ineriartortitsineq, tassungalu ilanngullugu aaqqissuussaaneq suleqatigalugu dashboardinik aningaasaqarnermut tungasunik ineriartortitsineq

· Nikingassuteqartoqarneranik misissueqqissaarneq pitsanngorsaatissatullu inassuteqaatinik suliaqarneq

· Ingerlatsinermi suleriaatsini ammasumik suleriaaseqarnissaq paasissutissallu pitsaassusaannik qularnaarinissaq qulakkeerniarlugu immikkoortortaqarfinnik allanik suleqateqarneq

Illit pillutit:

· Aningaasaqarnermut, naatsorsuusiornermut aningaasalersuinermulluunniit tunngasumik naleqquttumik ilinniagaqarputit

· Nakkutilliineq, naatsorsuusiorneq aningaasaqarnermilluunniit aqutsineq misilittagaqarfigivat – ajornanngippat aaqqissuussaanermi anginerusumi

· Misissueqqissaarillaqqissuuvutit paasissutissallu tunngavigalugit suliaqarneq sungiusimallugu

· Power BI sakkussallu allat misilittagaqarfigivatit

· Aaqqissuulluakkamik eqeersimaartumillu suleriaaseqarputit immikkuualuttullu tappiffigalugit ataatsimut isiginnissinnaallutit

· Attaveqaqateqallaqqissuuvutit soqutigisaqaqatinillu assigiinngitsunik suleqateqarsinnaallutik

· Naleqarnerulersitsinissaq anguniarlugu suleriaatsinik pisariillisaaneq pitsanngorsaanerlu nuannarivatit

Neqeroorutigaavut:

· Suliffeqarfimmi Nunatsinni inuiaqatigiinnut annertuumik pingaarutilimmi atorfik soqutiginartoq.

· Aningaasaqarnikkut ajornartorsiutinik pisariusunik suliaqarnissamut suliatigullu piginnaasanik ineriartortitsinissamut periarfissaqarneq.

· Suliffeqarfik allanngorartoq ineriartortitsinermik, nutaaliornermik suliatigut siunersiueqatigiinnissamik ukkataqarfiusoq

· Sulinermi pissutsit eqaatsut suleqatigiillu ataqatigiilluartut ilisimasaminnik avitseqateqarnissamik suleqatigiinnissamillu ukkataqartut.

Paasissutissat sukumiinerusut

Atorfik pillugu paasisaqarnerorusukkuit Aqutsisoq Business Proces-imi Uiloq Schmidt 34 91 37-imut imaluunniit mailikkut uisc@ral.gl-imut attaveqarfigineqarsinnaavoq.

E-mailikkut qinnuteqaatinik tigusineq ajorpugut.

 Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput

Qinnuteqarfissaq kingulleq: Martsip 28-iani 2025

Oqaloqatiginninnerit: Oqaloqatiginninnerit ingerlaavartumik ingerlanneqassapput.

Atorfik una qinnuteqarfigiuk