Piginnaanngorsarnermut qitiusoqarfimmi Nuummiittumi sulisunik pissarsiortoqarpoq

Innuttaasunut immikkut pisariaqartitsisunut atugassarititaasunik pitsaasumik allanngueqataanissamut piumassuseqarpit?

Suliffeqarnermut Isumaginninnermullu Ingerlatsivik Piginnaanngorsarnermut qitiusoqarfimmi sulisunik pingasunik pissarsiortoqarpoq. Qitiusoqarfik nutaajuvoq pilersinneqaqqammersoq neqeroorutillu aallartisarnerani pingaarutilittut inissisimanissannut periarfissaqarputit.

Piginnaanngorsarnermut qitiusoqarfimmi innuttaasut immikkut pisariaqartitsisut, tassunga ilanngullugu inuit tarnikkut nappaatillit, autismespektrumforstyrrelsillit, ADHD-rtut imaluunniit allat eqqarsartaatsikkut inuttullu unammilligassallit 16-28-nik ukiullit sullinneqarput.

Atorfiit ulloq naallugu atorfiupput (sapaatip akunneranut 40 timit) ulluunerani pingaarnertut suliffiusut. Suleqatigiinni pingasut missaanniittuni aamma aqutsisoq ataaseq suleqatigilissavatit.

Siunertaq aamma takorluugaq:

Qitiusoqarfimmi siunertaavoq innuttaasut piginnaasaasa annertusarneritigut nammineersinnaallutik inuuneqalernissaannut periarfissat suliffeqalernissaannullu imaluunniit ilinniagaqalernissaannut periarfissat annertusarlugit najukkami neqerooruteqarnissaq takorluugaavoq. Ukioq ataaseq ingerlanneqartussamik neqerooruteqarnissaq takorluugaavoq, peqataasut inuiaqatigiinni peqataanerunissaannut sakkussanik pisariaqartitaasa ilaannik tunniussisoq.

Suliassat:

Piginnaanngorsarnermut qitiusoqarfimmi sulisutut suleqatitit aamma suleqatigisat allat qanimut suleqatigalugit innuttaasut ineriartorneranni tapersersussavatit.

Suliassatit pingaarnerit tassaapput:

·Innuttaasut inuttut aamma suliatigut piginnaasaannik patajaallisaataasut ilikkariartorfiusunik ingerlatsinernik aamma sammisanik pilersaarusiorneq ingerlatsinerlu.

·Innuttaasut inuiaqatigiinni tassunga ilanngullugu suliffissarsiornermi aamma ilinniagaqarnermi peqataanerunissaannut imminnut naleqartinnerannut piumassuseqarnerannullu patajaallisaanermik suliaqarneq.

·Innuttaasut ataasiakkaat pisariaqartitaannut unammilligassaannullu ingerlatanik naleqqussaaneq.

·Suliatigut piginnaasanik, ulluinnarni suliassat aamma piginnaasakillisimanerminnut atatillugu inuttut unammilligassaminnik aqutsilluarsinnaanissaannut ineriartortitsinermut tapersiineq.

·Suleqatinik suleqateqarneq aamma qitiusoqarfimmi periutsinut imarisaatalu ineriartortinnissaanut tapeeqataaneq.

Inuttut piginnaasat tunuliaqullu:

Makkuninnga piginnaasalimmik sulisussarsiorpugut:

·Perorsaasutut, ilinniartitsisutut imaluunniit sullitanut tunngasut iluanni attuumassutilimmik ilinniagalik.

·Sullitanik sullissinermik misilittagalik, ataasiakkaanut attaveqarniarninni naleqqussarsinnaasutit nutaaliorsinnaasutillu.

·Utaqqisinnaassuseqarputit, misiginneqatiginnittuuvutit aamma attaveqarnermik pilersitsinissamut piginnaaneqarluarputit.

·Suleqatigiinnermik sammiveqartutit, qanilaartoq aamma pisuni unamminartuni eqqissisimasutit.

·Suleqatigiinni aamma nammineerluni sulisinnaasoq, namminerlu suliassaminut akisussaaffimmik tigusisinnaasoq.

·Sulianni aaqqissuussisinnaasutit siunertaqartutillu.

·Marlunnik oqaaseqartuusutit (kalaallisut qallunaatullu) iluaqutaassaaq, tamannali piumasaqaataanngilaq.

Neqeroorutigaavut:

·Atorfik pissanganartoq aamma tamatigoortoq, annertuumillu sunniuteqarfiusinnaasoq.

·Suleqatinik allannguerusunninnut peqataarusuttunik tunniusimasunik qanimut suleqateqarneq.

·Ingerlaavartumik suliat pillugit siunersiueqatigiinneq aamma piginnaasanik ineriartortitsinissamut periarfissaqarneq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Malene Henningsen Jensen, oqarasuaat +299 52 01 32 imaluunniit e-mail: mahj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 164-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 10.-at, 2025

Atorfik una qinnuteqarfigiuk