Persosaasoq Ivaaraq imm. tungojortumut pissaseepungut

Meeqqat Angerlarsimaffiat Ivaaraq Qaqortumi inissisimasoq perorsaasumik sulisussarsiorpoq 

Meeqqat angerlarsimaffiat Ivaaraq nuna tamakkerlugu ulloq unnuarlu najugaqarfiuvoq meeqqanut inuusuttunut aammalu inersimasunut arlalinnik innarluuteqartunut. Katillugit 15-nit najugaqarsinnaapput taakkulu immikkoortunut marlunnut agguaanneqarsimallutik. 

Immikkoortortaqarfitsinnut TUNGUJORTUMUT perorsaasumik sulisussarsiorpugut, tassani qulinik ineqartuuteqarpugut. Ulluinnarni suliassat ukuupput, ineqartuutitta piginnaasaannik atajuartitsinissaq minnerunngitsumillu nukittorsaanissaq aammalu ineriartortitsineq. Ineriartornermut nalunaarusiaq aammalu sumut killinnermik nalunaarusiaq ineqartuutitsinnut ukiut tamaasa ingerlattarpagut. 

Ineqartuutitsinnut ilivitsumik isiginnittariaaseqarpugut. Ineqartuutigut assigiinngitsunik kinaassuseqarput tunuliaqutaqarlutillu, taamaattumik ataqqinnilluta tamannalu aallaavigalugu sulisarluta. Ornittagaaterput Orpigaq atorluartuuarput, tassani immikkoortortaqarfinni aqutsisut aaqqissugaannik ineqartuutigut assigiinngitsunik sammisassaqartinneqartarput.

Inuiaqatigiinni ikittuusuni takuneqarsinnaanissarput sulissutigisarparput, sumiiffimmilu sammisaqartitsisoqartillugu ajornanngikkaangat peqataasarluta. 

Nereroorutigaagut;

• Suliffik ineriartortuartoq, tassani immikkoortortaqarfiit akornanni suliassat annertuumik pingaartippagut.

• Suliffik pissanganartoq tamatigoortorlu. Sulinermilu avatangiisit pisortatigoortuunngitsut atorpagut.

• Suliamik ineriartortitsinissannik periarfissaqarpoq aammalu perorsaanermut tunngasunik suliffinni sunniuteqaqataasinnaavutit. 

Ujarparput;

• Perorsaasoq, ineriartortitserusuttoq ammasumillu sulinermi avatangiiseqarluni peqataarusuttoq

• Sulianik nikerartunik suliaqassalluni nuannarisalik

• Ulluni nikerartuni sulisinnaasoq, unnukkoorsinnaasoq, weekendillu allorarlugit sulisinnaasoq.

• Minnerunngitsumillu arlalinnik innarluuteqartunut sullissinissaminut soqutiginnittoq.

Ivaaraq Kalaallit Nunaanni kisiartaalluni arlariinnik innarluuteqartunut ulloq unnuarlu najugaqarfiuvoq. Ineqartuutigullu nunatsinni tamaneersuummata, pingaaruteqarluinnarpoq najugaqartuutitta angajoqqaavilu suleqatigiinnissarput. Taamaasilluta najugaqartut isumannaatsumik isumaqarluartumillu inuuneqartikkumallutigit. 

Suliffimmut tunngasumik apeqqutissaqaruit ivaaraq@ivaaraq.gl-mut allannissannut tikilluaqqusaavutit imaluunniit sianerfigaluta uunga: 64 21 13. Pisortamut tullersorti Malene Høegh- Olsen imaluunniit pisortaq Inge Kolby Pedersen.

Qinnuteqaateqarsimaguit atorfininnissamut oqaloqatiginninnissamut aggersarneqarumaarputit, tassani immikkoortortaqarfimmi aqutsisoq Naduk Brønlund aamma peqataassaaq. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk