Mobil Core Specialisti

Oqarasuaatitigut angallattakkatigut attaveqaasersuinerit soorlu 2G, 3G, 4G aamma 5G nuannaraagit? Taava uffa immaqa illit suleqatissarigitsigit!

Atorfik pillugu

Mobil Core Specialistitut ingerlatsinermi, aseruatsaaliuinermi aammalu mobil core-attaveqaasersuinermi inerisaanermi pingaartutut inissisimaqataalersinnaavutit. Attaveqaasersuinitsinni aalajaatsumik pitsaasumillu naammassinnissinnaanitsinnut aammalu pitsanngorsaanermut kukkunersiuinermullu ilaassaatit, taamatullu atuisugut pitsaanerpaamik misigisaqartissinnaallugit.

Atortorissaarutit pioreersut aammalu nutaaliaat suliarissavatit, siunissamilu attaveqaasersuisinnaanermut immikkoortortanit assigiinngitsunut suleqatitit pikkorissut ilagalugit sunneeqataassuseqarlutit.

Suliassatit ilaatigut ukuussapput:

Ingerlatsineq aserfallatsaaliuinerlu

• 2G, 3G, 4G aamma 5G core-attaveqaasersuinermi atortorissaarutit attaveqarsinnaanerat aammalu piginnaasaat pitsaasumiinnissaat qulakkeerneri.
• MSC, HLR, HSS, MME, SGW, PGW, 5GC, IMS il.il. nakkutigineqarneri allattorneqarnerilu.
• Voicemail-inik (VMS) aammalu SMS-inik ingerlatsineq.

Kukkunersiorneq pitsanngorsaanerlu

• Circuit-switched aamma packet-switched-ini ajornartorsiutinik ujaasineq aammalu aaqqiineq.
• VoLTE, VoWiFi, Voicemail aamma SMS-ini atuisuuffinni kukkunersiuineq.
• Teknikikkut aammalu niuernermi suleqatinik allanik qanimut suleqateqarneq.

Atuutitsilerneq ineriartortitsinerlu

• Suliniutini ilaaneq aammalu oqarasuaatit angallattakkatigut attaveqaasersuinermi teknologinik nutaanik atuutitsilerneq.

Isumannaallisaaneq aammalu compliance

• Malittarisassatigut malinninneq qulakkeerneqarnera (GDPR, 3GPP il.il.).
• Attaveqaatinut, saqqummiivinnut aammalu atuisuuffinnut siooranartunik saassussinernullu pinaveersaartitsinermut qulakkeerinninneq.
• QoS aamma attaveqaatip piginnaasaanik, paasissutissat misissuinerillu aalaaviaqalugit pitsanngorsaaniarneq.

Illit – naatsorsuutigaarput illit:

• Oqarasuaatinut angallattakkanut attaveqaasersuinermi, attaveqaatersuutinut allaniluunniit assingusuni – ass. ingeniøritut tekniskimik ilinniagaqarsimasutit.
• Mobil core-attaveqaatinut (2G, 3G, 4G, 5G), Voicemail aammalu SMS-systeminut ilisimasaqartutit.
• SIP, Diameter, SCTP ilisimasaqarfigigitit.
• Atortorissaarutit Ericsson, Cisco imaluunniit Juniper ilisimasaqarfigigitit.
• Circuit-switched aamma packet-switched teknologiit (MSC, HLR, EPC, 5GC, IMS) nalunngikkitit suuneri.
• Tuluttut oqalussinnaallutillu allassinnaasutit – qallunaatut kalaallisullu piginnaasaqaruit iluaqutaassaaq.

Pingaartipparput illit:

• Nalilersueriaaseqarlutit aaqqissuussasumik ingerlariuuseqartutit.
• Suliaqarfinni assigiinngitsuni suleqateqarsinnaassuseqartutit.
• Teknologinut nutaanut ineriartortitsinermullu aalajangiusimallutit alapernaatsuusutit.

Neqeroorutigaarput:

• Atorfik pikkunartoq sunneeqataalluarsinnaasorlu.
• Suliamut tunngatillugu ilisimasaqqortuunik suleqateqarfik.
• Suliamut tunngatillugu ineriartorfissaqarluartoq.
• Akunnerit suliffiit nikerartut aammalu suleqatigiinneq nuannersoq.

Apeqqutissaqarpit?

Qinnuteqaatit e-mailikkut tiguneq ajorpagut. Qarasaasiakkut maana qinnuteqaatit, CV aammalu allagaatit allat attuumassuteqarsinnaasut ilanngullugit piaarnerpaamik atorfimmut qinnuteqarit.

Tusassip qinnuteqaatit takkuttut tulleriaarlugit suliariumaarpaat, tassanngaanniillu ingerlaavartumik oqaloqatigiinnerit pilersaarusiorneqarumaarlutik.

Atorfiup imarisaanut apeqqutit Tusassimi immikkoortortaqarfimmi pisortamut Kim Hammond Zinck-imut emailikkut khz@tusass.gl attaviginikkut apeqqutigineqarsinnaapput. Tusarfiginissat qilanaaraarput.

Atorfik una qinnuteqarfigiuk