Avannaata Kommunia innuttaasunik suliffissaaleqisunik sulilersitseqqinnissaannik naliliiffigeqqinnissaannillu suliaqartartussamik peqqissutsikkut tunngasunik suliaqartartussamik sulisussarsiorpoq

Avannaata Kommunia suliffissaaleqisunik sulilersitsiniaasartussamik aammalu siusinaartumik soraarnerussutisiallit sulisinnaassusaannik naliliiffigeqqinnissaannik suliaqartartussamik peqqissutsikkut tunngasunik suliaqartartussamik sulisussarsiorpoq. Ulloq 15. juuni 2025 imaluunniit sukumiinerusumik isumaqatigiissuteqarnikkut atorfinitsitsisoqassaaq. Suliffissap inissisimanera Ilulissaniippoq, Majoriami aammalu Ilaqutareeqarnermut Ingerlatsiviup ataani Pisartagaqarnermut Immikkoortortaqarfimmi inissisimalluni.

Peqqissutsikkut ilinniarsimasumik misilittagaqartumik sulisussarsiorpugut, assersuutigalugu timimik sungiusaasumik, pillorissaasumik, peqqinnissamut ikiortimik imaluunniit peqqissaasumik assinganilluunniit ilinniagalimmik. Nappaatinut sulisinnaassutsimut sunniutaasinnaasunik ilisimasaqassaatit. Atorfimmi Ingerlatsivimmi suleqatinik qanimut suleqateqarnermik aammalu suliassaqarfik ulapaarfiulluartumi ineriartorfiusumilu peqataasarnissaq, matumani suliassat ilaat tassaasinnaassalluni politikkikkut ataatsimiititalianut siunnersuineq.

Atorfik Ilaqutareeqarnermut Ingerlatsivimmi Pisartagaqarnermut immikkoortortami pisortamut aammalu Avannaata Kommuniani Majoriami ataqatigiissaarisumut toqqaannartumik atassuteqassaaq. Peqqissutsikkut tunngasunik suliaqartartussaq innuttaasut piginnaasaannik qulaajaavigalugit Majoriami immikkoortortat aammalu Ilaqutareeqarnermut Ingerlatsivik ikiortassavai, tamatumunnga ilanngullugu Avannaata Kommuniani Ilaqutareeqarnermut Ingerlatsivimmi immikkoortuiniittunik suleqateqartassalluni.

Suliarisartagassatit:

• Innuttaasunik, tamatumunnga ilanngullugit suliffissaaleqisunik, siusinaartumik soraarnerussutisialinnik kiisalu inunnik innarluutilinnik sulilersitseqqinniaaneq aammalu sulisinnaassusaannik nalileeqqinnermik suliaqarneq
• Innuttaasut suliffeqarnissamut pisinnaasaannik piginnaasaannillu tunngasunik misissuisarnissaq uppernarsaasarnissarlu Taakkununnga ilanngullugu Suleqatigiinnermut Ataatsimiisitaliami innuttaasut pillugit suliassanut peqataasarnissaq saqqummiussisarnissarlu
• Avannaata Kommuniani Majoriap aammalu Ilaqutareeqarnermut Ingerlatsiviup suleqatiginissai
• Suliffimmik misiliinermut neqerooqataasarnissaq aammalu innuttaasut tulluartunik suliffittaarnissaannut tapersersornissaat
• Innuttaasut sulisitsisullu sulilersitseqqinnissamut tunngatillugu ilitsersornissaat tapersersornissaallu
• Sulisinnaassutsikkut misissuinernut atatillugu malitseqartitsinissamik ilitsersuisarnissamillu qulakkeerinnittarnissaq
• Innuttaasunik oqaloqateqartarnermut ilitsersuisarnermullu peqataasarnissaq

Suleqatissarput tassaassaaq:

• Peqqissutsikkut attuumassuteqartumik ilinniarsimasuussaaq (assersuutigalugu timimik sungiusaasoq, pillorissaasoq, peqqissaasoq, peqqissutsikkut ikiorti assinganilluunniit ilinniarsimasoq)
• Timikkut tarnikkullu nappaatilinnik, sulisinnaassutsikkut sunnertissimasunik sullitaqarnissamut misilittagaqartuussaaq
• Allanngortitsisinnaanermut piareeqqasassaaq aammalu ersarissumik attaveqarsinnaassuseqassaaq
• Oqartussanik, suleqatinik aammalu allatigut ilinniagalinnut suleqateqarsinnaassuseqassaaq
• Suliassaqarfiup iluani inatsisitigut tunngasunik ilisimasaqarnissaq
• Innuttaasunik sullissinermi aaqqissuussaasumik piumassuseqartitsinartumillu suleriaaseqassaaq
• Ajornanngippat marluinnik oqaaseqarneq piumasaqaataavoq: Kalaallisut danskisullu

Neqeroorutigaarput:

• Suliffik ulapaarfiulluni aaqqissuussami annertuumi ineriartortoq pissanganarlunilu unammillernartoq
• Ilinniaqqinnissamut ilinniakkatigullu inerisarnissamut periarfissaqarneq
• Akissarsiaqarnermi atorfeqartitaanermilu atugassarititaasut Naalakkersuisut aamma kattuffiup isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput
• Periarfissaavoq aaliagersimasunik atorfininnissaq imaluunnit minnerpaamik ukioq ataaseq sulisinnaanissaq
• Maleruagassat atuuttut naapertorlugit inissamik ikiorneqarnissaq atorfininnermullu atatillugu angalaneq periarfissaavoq
• Atorfinitsineq aatsaat pisinnaavoq meeqqanik innarliisimannginnermut uppernarsaat aammalu pinerluuteqarsimannginnermut uppernarsaat naammaginartoq pigineqarpata

Qinnuteqaat:

Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut attuumassuteqartut ilanngullugit nittartagarput aqqutigalugu kingusinnerpaamik 30. maaji 2025 nassiunneqassapput.

Paasissutissat annertunerusut Majoriami ataqatigiissaarisutut immikkoortortaqarfimmi aqutsisumut, Karen Marie Vilhemsenimut oqarasuaatikkut: 38 75 32/ 48 26 19 imalt. e.mail: kamw@avannaata.gl attaveqarnikkut piniarneqarsinnaapput.