Ineqarnermut Illuutilinnullu suliassaqarfimmut nukissaqarluartumik tamatigoortumillu AC-fuldmægtigissarsiorpugut!

Ineqarnermut, Attaveqaasersuutinut Isorliunerusunullu Naalakkersuisoqarfimmi Ineqarnermut Illuutilinnullu suliassaqarfimmut AC-fuldmægtigi

Inissiaqarfinnik suliassaqarfimmi siunissami ineriartortitseqataarusuppit pitsanngorsaaqataarusullutillu? Taamaappat Ineqarnermut, Attaveqaasersuutinut Isorliunerusunullu Naalakkersuisoqarfimmi AC-fuldmægtigitut atorfimmut qinnuteqarit. Tassani innuttaasut inuunermi atugassarititaasa pingaarnerpaamut kivitseqataasinnaavutit, tassa ineqarnermi.

Ineqarnermut Illuutilinnullu suliassaqarfik Sanaartornermut Immikkoortortaqarfiup ataaniittoq ulluinnarni ulapaarfiuvoq siammasissunik suliassaatilik, taamaammat tunniusimasumik tamatigoortumillu AC-fuldmægtigissarsiorpugut. Atorfik immikkoortortaqarfimmi arlalinnik akisussaaffilimmik, inuit akornanni politikkillu tungaasigut assut eqqumaffiginninnissamik nuannarisalimmik inuttalerneqartussaq pineqarpoq.

Ineqarnermut Illuutilinnullu suliassaqarfiup ingerlatsineq tamakkiisoq, periusissamik suliaqarneq inissiaqarfinnullu suliassaqarfinnut inatsisiliorneq taassuma ataani ineqarnermut aningaasaliineq isumagivai. Tassunga atatillugu Namminersorlutik Oqartussat taarsigassarsiat tunniussaat aquttarpagut.

Taassuma saniatigut Namminersorlutik Oqartussat Ineqarnermut Illuutilinnullu suliassaqarfimmut piginnittuuneq isumagivaa tassa illunik pisineq tuniniaanerlu kiisalu Namminersorlutik Oqartussat inissiaataanik aqutsineq. Tassunga ilaatigut ilaapput INI A/S peqatigalugu Namminersorlutik Oqartussat inissiaataanik ineqarnermullu immikkoortortaqarfiup aningaasaqarnera pillugu aqutsineq ingerlatsinerlu pillugit isumaqatigiinnerit oqaloqatigiinnerillu. Namminersorlutik Oqartussat piginnittut peqatigiiffiini, piginneqatigiinnikkut inissialiani piginneqataassutai aamma isumagisarpagut. 

Ineqarnermut Illuutilinnullu suliassaqarfik amerlasuunik akisussaaffeqarpoq, taakkunani amerlanerpaartai inatsisinut sammiveqarlutik. Taakku aaqqiissutigisartakkagut inuiaqatigiinnut innuttaasunullu assut pingaaruteqarput.

AC-fuldmægtigitut Namminersorlutik Oqartussat inissiaataanut aqutsineq ingerlatsinerlu INI A/S peqatigalugu oqaloqatigiinnermi pingaarutilimmi inissisimassaatit, kiisalu inissiaqarfinnik suliaqarfimmi sulianik naliginnaasunik isumaginnittarlutit. Tassunga ilaatigut ilaapput isumaqatigiissutinik qulakkeerinninneq, saaffiginnissutinut akissuteqarneq politikkikkullu killiffiup tungaanut atortussatut toqqammavigineqartunik suliaqarneq. Inatsisinik nassuiaaneq inatsisillu naleqqussarneqarneranut sulianik piareersaanermut peqataaneq iserfigissavatit.

Ineqarnermut Illuutilinnullu suliassaqarfik maannakkut allaffimmi pisortaqarpoq pingasunillu sulisoqarluni.

Suliassatit pingaarnertut ukuussapput:

• Namminersorlutik Oqartussat inissiaatai pillugit aqutsineq ingerlatsinerlu pillugit INI A/S peqatigalugu oqaloqatigiinnerit. 

• INI A/S-ilu isumaqatigiinnerit nutartertarnissaat qulakkeerlugit.

• Namminersorlutik Oqartussat inissiaataannut ineriartortitsinermut, siunissamilu periusissamut aqutsinermullu peqataaneq.

• Ataatsimiinnissamut piareersarnerup pissusissamisoornissaanut aamma ataatsimeereernermi imaqarniliornerup qulakkeerneqarneri.

• Allakkiorneq aamma aqutsinermut tunngatillugu isummernissamut tunngavissiamik politikkikkullu iliuuseqartoqarnissaanut suliaqarneq.

• Ingerlaavartumik suliassaqarfimmut Naalakkersuisumut kiffartuussineq, taassuma ataani innuttaasut saaffiginnissutaanut akissuteqarnerit, ataatsimiititalianik sullissineq aamma inatsisinik piareersaanermik sulineq.

• Immikkoortortaqarfinni suliassaqarfiup iluani tusarniaanermi akissutit

• Inissiaqarfinnik suliaqarfimmi inatsisinik suliaqarneq qulakkeerinninnerlu.

• Suliassaqarfimmi akisussaaffiusuni pisariaqarfiusuni allaffissornikkut suliassat assigiinngitsut

• Pitsanngorsaanermut aaqqiissutissanillu siunnersuuteqarluni pisariillisaaneq.

Qinnuteqaateqartoq eqqortoq

Attuumassutilimmik bacheloritut kandidatitulluunniit ilinniagaqarsimassaatit. Pisortatigut politikkikkulluunniit aqutsinermi misilittagaqaraanni iluaqutaassaaq, piumasaqaataanngilarli.

• Ajornanngippat marluinnik kalaallisut danskisullu oqaaseqarputit

• Kalaallit Nunaanni inuiaqatigiinnut tunngasunut kulturimullu ilisimasaqarluartutit

• cBrain F2-mut ilisimasaqaruit iluaqutaassaaq.

• Aaqqissugaalluagaasumik sulisarputit, ilisimasanik katersillaqqipputit aamma ajornartorsiutinik oqaatsit paasinarluartut atorlugit paasititsillaqqillutit. Attaveqatigiinnerup tungaasigut piginnaasatit assut pingaaruteqarput.

• Siammasissumik tamakkiisumik takunnissinnaanerup immikkuualuttunullu paasisimasaqarnerup qeqqani inissisimasuuvutit

• Suleqatiginnikkusuttuuvutit, misissueqqissaartartoq suleriaatsinnilu angorusutaqartuullutit.

• Nukissaqartuuvutit, angusaqarusuttoq - akisussaaffimmik tiguserusuttuuvutit suliniuteqarnissamullu piginnaasaqarlutit.

• Suleqataallaqqissuuvutit, kisianni pingaarnerpaatut namminersorlutit pitsaassuseq suliassanilu siuariartornissaq qulakkeersinnaavatit.

• Namminersorlutit sulisinnaavutit, nalunngilalli qaqugukkut immikkoortortaqarfimmi suleqatitit isumasioqatigissanerlugit.

Sulianut ilisimasaqarluarnerup saniatigut naatsorsuutigaarput nammineq inuttut piginnaasaqassasutit, soorlu pissuserissaartuunissat, persuarsiortuunnginnissat ullorlu suliffiusumi illarluartarnissamut ammasuunissat.

Uagut neqeroorutigaavut

Ineqarnermut Illuutilinnullu suliassaqarfiup iluani sulineq avatangiisini pissanganartuni suliassatigullu unammillerfiusuni ingerlanissaa, sulinissamut kajumissuseqarneq akisussaaffillu ataqatigiinnissaat taakkulu kusanartumik inerneqartitsinissaat aamma ineriartortitsinissamut akisussaaffik suliatigullu ineriartortitsinissamut periarfissaqarluartitsineq.

• Suliffik nutaaliornermik nutaamillu eqqarsarnermik aallussisoq

• Naalakkersuisoqarfimmi naalakkersuinikkut aalajangiisartunut qanimut suliffiusoq

• Persuarsiorfiunngitsumik ammasumillu sulinermi avatangiiseqarneq soqutiginnittunillu suleqateqarneq.

• Inuttut suliatigullu unammilligassat.

Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq.

Atorfinitsitsinermut atatillugu oqaloqatigiinnerit qinnuteqarfiup piffissarititaata qaangiunneranit ingerlaavartumik ingerlanneqassapput ingerlanneqassapput.

Ulloq atorfininnissaq 1. juni 2025 imaluunniit piffissamik isumaqatigiissuteqarnikkut.

Soqutiginnippit?

Atorfik pillugu apeqqutissaqaruit Allaffimmi pisortaq Steve Sandgreen, stsa@nanoq.gl, oqarasuaat +299 34 54 81-imut attavigisinnaavat.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk