FAKTA
Atorfiup suussusaa: Ilinniartitaanermut Aqutsisoqarfik GUX-team-imut aningaasaqarnermut siunnersortimik sulisussarsiorpoq
Suliffeqarfik: Ilinniartitaanermut Aqutsisoqarfik
Qinnuteqarfissamut killigititaq: 2. maaji
Attavissaq: Salik Schmidt oqarasuaatikkut (+299) 34 64 77 imaluunniit emailikkut sach@nanoq.gl imaluunniit Brita Toft Hyldgaard oqarasuaatikkut (+299) 34 62 18 imaluunniit emailikkut brth@nanoq.gl
Ilinniartitaanermut Aqutsisoqarfik GUX-team-eqarfitsinnut aningaasaqarnermut siunnersortimik sulisussarsiorpoq. GUX-imik ingerlatsiviup ingerlatsinermi suliassat assigiinngitsut suliarisarpai. Atorfik
allaffissornermut, nakkutilliinermut naalakkersuinikkullu sullissinermut immikkoortortaqarfiup ataaniippoq, immikkoortortaqarfimmilu pisortamut akisussaaffeqarluni. Piaarnerpaamik imaluunniit isumaqatigiissuteqarnikkut atorfinittoqassaaq.
Ilinniartitaanermut Aqutsisoqarfik suleqatissaminik, sulianik pitsaalluartunik tunniussimasumik aammalu team-imi suleqatigiittumi ineriartortitsinermik annertuumik pingaartitaqartumi suleqataarusuttumik kajumissuseqartumillu ujarlerpoq. Illit sulianik pitsaalluartunik tunniussaqarnissannik pingaartitaqartutit, aammalu suliassannik aaqqissugaasumik ingerlataqartartutit ujarpatsigit.
Suliassat ilaatigut ukuupput:
GUX-team-imi ulluinnarni allaffissornikkut suliassat aammalu immikkoortortaqarfiup ingerlanneqarnera
ilaatigut ilinniagaqarfiit peqatigalugit GUX-imi soraarummeernissat pilersaarusiugaanerisa ataqatigiissaarneqarnerat
Namminersorlutik Oqartussat aningaasaqarnermik aqutsiviisa iluini GUX-eqarfiup aningaasaqarneranik aqutsineq
GUX-eqarfimmi suliassat ad hoc-iusut.
Illit pillutit
Sulisoq suliassanut tunngatillugu sullarissoq ujartorparput, makkuninnga piginnaasaqarfilik:
allaffissornikkut niuernikkullu tulluartumik ilinniagalik
IT-mik piginnaasaqarluartoq, tassunga ilanngullugit programmit aningaasaqarnermut aqutsissutit ilisimasaqarfigineri
aningaasaqarnermik sulianik aningaasanillu aqutsinermik ilisimasaqarluartoq
namminersorsinnaasoq tulluarsarsinnaasorlu
aaqqissugaasumik suliaqartartoq, akisussaaffimminik ilisimaarisaqartoq aaqqiissutissanillu ujartuisartoq
oqaatsitigut attaveqaqatigiinnikkullu pitsaasunik piginnaasaqarfeqartoq
team-ini suleqateqarluarsinnaasoq, namminersorluarsinnaasoq piffissakilliorlunilu sulisinnaasoq.
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmik aammalu politikkerinik sullissisoq kiisalu inerisaanermik saqqummersitsinernillu suliaqartoq.
Suliffeqarfiuvugut assigiinngitsorpassuarnik suliaqarfiulluta; aqutsisoqarfiit suliaasa atuutereersut saniatigut ilaatigut aamma saqqummersitsiveqarpugut, naqiteriveqarpugut aammalu paasititsiniaanermut atorniartarfimmillu immikkoortortaqarfeqarluta. Aqutsisoqarfiup tunngaviusumik atuarfiit, efterskolit friskolit aammalu GUX-eqarfik suliaqarfigivai. Suleqatigiit 45-it missaanniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.
Akissarsiat atorfeqarnermilu atukkat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissaq, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.
Qinnuteqaat
Qinnuteqaat, ilinniagarisimasat siusinnerusukkullu atorfigisimasat pillugit paasissutissanik ilaqartoq, soraarummeersimanermut uppernarsaatit, kursusersimanernut uppernarsaatit, innersuussinerit il.il. kopiivi ilanngullugit, kiisalu CV nutartigaasoq link-i ataaniittoq aqqutigalugu nassiunneqassaaq.
Ulloq atorfiniffik: Piaarnerpaamik imaluunniit isumaqatigiissuteqarnikkut.
Qinnuteqarfissaq kingulleq: 2. maj 2025.
Paasissutissat annertunerusut
Atorfik pillugu paasissutissat annertunerusut GUX-team-imi teamlederiugallartumut Salik Schmidtimut saaffiginninnikkut pissarsiarineqarsinnaapput, telefon (+299) 34 64 77 imaluunniit mail sach@nanoq.gl – imaluunniit immikkoortortaqarfimmi pisortamut Brita Toft Hyldgaard-imut, telefon (+299) 34 62 18 imaluunniit mail brth@nanoq.gl
Kalaallit Nunaat Namminersorlutillu Oqartussat pillugit annertunerusumik paasisaqarusukkuit www.nanoq.gl, “Atorfiit inuttassarsiussat” iserfigalugu paasisaqarsinnaavutit.
Ilinniartitaanermut Aqutsisoqarfik mail-ikkut qinnuteqaatinik tigusineq ajorpoq.
Qinnuteqaat nassiuguk
