Aningaasaqarnermut siunnersorti Ineqarnermut Attaveqaasersuutinullu Naalakkersuisoqarfimmi Sanaartornermut immikkoortortaqarfimmut

Ineqarnermut suliassaqarfimmi tunngasunik suliaqarusuppit? Ineqarnermut atugassarititaasuni ineriartortitseqataarusuppit? Inuunermi atugassarititani qitiunerpaami pitsanngorsaaqataasinnaavutit, tassa ineqarneq.

Tamanna takorloorsinnaagukku Ineqarnermut Attaveqaasersuutinullu Naalakkersuisoqarfimmi, illuliortitsernermut aningaasalersuineq pillugu, aningaasaqarnermut siunnersortitut qinnuteqarnissat innersuutissavarput.

Sanaartornermut immikkoortortaqarfik siammasissumik suliaqarfiulluni ulluinnarni ulapaarfiummat, piumassusilimmik aningaasaqarnermut siunnersortissarsiorpugut. Inunnit, politikkikkullu eqqumaffigineqartunik Immikkoortortaqarfimmi arlalinnik akissussaaffeqartumi atorfik pineqarpoq.

Ineqarnermut Illuuteqarnermullu allaffeqarfik, Sanaatornermut immikkoortortaqarfiup ataaniippoq suliassaqarfiit inissisimaffiillu assigiinngitsut isumagisarai, ilanngullugu illuliortiternermut aningaasalersuinerup iluani aaqqissuussinerit assigiinngitsut iluanni inatsisit kiisalu taarsigassarsiarititat pisortat innuttaasunut taarsigassarsiarititaasa allaffissornikkut aqunneqarnerat.

Ilanngullugit allaffeqarfiup isumagisarai qullasinnerusumik periusissiornerit kiisalu illuutinik pisisarnermut tuniniaasarnermullu tunngatillugu Namminersorlutik Oqartussat piginnittutut inissisimanera, kiisalu Namminersorlutik Oqartussat inissiaatai taakkualu attartortinneqartarnerat. Tassunga allaffimmi isumagineqarput. Allaffimmi tassunga ilanngullugu ineqarnermut suliassaqarfimmi inatsisit nakkutilliinerlu ingerlatsivigineqarput.

Suliassatit pingaarnerit tassaassapput illuliortiternermut aningaasalersuisarnermi suliassanik allaffissornermut tunngasuussapput, taakkununngalu siusinaarluni akiliinissamut qinnuteqaatinik suliaqartarnerit, taakku pillugit aalajangiisarnerit, sulianut naatsorsuusiortarnerit toqqorterisarnerillu, aningaasartuutinik akiliisarnerit naligiissarnerilu ilaatinneqarput. Taakku saniatigut innuttaasunit, aningaasalersuinermi sullissiffinnit kiisalu oqartussaasunit allanit saaffiginnissutinut akissuteqarnerit suliarineqartarput. Taamatullu BSU-mit taarsigassarsilluni illulianik tunisinerit pillugit suliassanik sullissinerit aqutsinerillu, kiisalu aningaasaqarnermut tunngasut isumagisassavatit. Tunisinerni illunik tuniniaasartoq suleqatigineqartarpoq. Taakku saniatigut pigisanik pisinermi tunisinermilu suliani sullissisuusoq sulinngiffeqarnerani taarsertassavat.

Namminersorluni Oqartussani suleqatigiisitami peqataassaatit attartortitsinermut moduli nutaap atuutilernissaanut piareersaanermi, kiisalu pisortat pioreersunik Namminersorlutik Oqartussat attartortissimasaanik siunissamilu attartortitassaanik digitalinngortitsinermi suliaqassallutit.

Tassalu immikkoortortaqarfimmi suliassat assigiinngitsorpassuupput, aammalu aaqqiissutissat suleqataaffigisagut inuiaqatigiinnut, aammalu suliniuterpassuit ineriartortitsiffiusussat piviusunngortinneqarnissaannut, nunatsinnilu ineriartortitsinermi tamarmiusumi suliniutinut pingaaruteqarput.

Ineqarnermut Illuuteqarnermullu allaffeqarfik maannakkut sulisui tassaapput, allaffimmi pisortaq kiisalu sulisut marluk.

Qinnuteqartoq naleqquttoq

Qinnuteqartoq naleqquttoq allaffissornermut/aningaasaqarnermut ilinniagaqarpoq, kiisalu Namminersornermi naalakkersuinikkut allaffissornikkullu aalajangiisarnerit ingerlasarnerinik paasisimaarinnittuuvoq misilittagaqarlunilu. Pisortat aamma/imaluunniit naalakkersuinikkut suliassaqarfiit allaffeqarfiini misilittagaqarneq iluaqutaassaaq, tamannali piumasaqaataanngilluinnarpoq.

• XAL-imi sulineq misilittagaqarfigaat

• Pisortat taarsigassarsiaannik suliaqarnermik allaffissornermillu misilittagaqarputit

• Excel atorlugu sulisinnaavutit

• cBrain F2 atorlugu sulinermik misilittagaqarputit

• Tulleriiaarilluarlutit sulisinnaavutit, ilisimasassanik katersuisinnaavutit aammalu najoqqutassanik paasiuminartumik ingerlatitseqqissinnaavutit

• Anguniagaqarusuttuuvutit – akisussaaffimmik tigusinissaq suliniuteqarnissarlu kajumissuseqarfigaatit piginnaaneqarfigalugillu

• Namminersorlutit sulisinnaavutit, kisiannili aamma qaqugukkut immikkoortortaqarfimmi suleqatiginissaat ilisimaaraat.

• Marlunnik oqaaseqartuussaatit, kalaallisut qallunaatullu

• Kalaallit Nunaata inuiaqatigiivinut, kulturiannullu ilisimasaqarluassaatit

Suliatigut qaffasissunik piginnaaneqarnissap saniatigut inuttut piginnaasaqarfinnik arlalinnik peqarnissat naatsorsuutigaarput, tassunga ilanngullugu paasisimaarisassat annertuut aamma immikkoortukkaanik paasinnissinnaanerup saniatigut oqimaaqatigiissitsisinnaavutit, namminersornikkut ataatsimoorlunilu pilersitsisinnaanerit akuleriissinnerinut iluaqutissanik takunnissinnaavutit, kiisalu ullup suliffiup ingerlanerani ileqqorissarneq, pingaartorsiunnginneq illarnerlu atorsinnaavatit.

Neqeroorutigaavut

Sanaartornermut Immikkoortortaqarfimmi sulineq avatangiisini pissanganartuni suliatigullu unammillernartuni ingerlanneqarpoq, tassanilu sulinermik nuannarinninneq akisussaaffeqarnerlu angusassanik pitsaasunik angusaqarfiusarpoq, aammalu ineriartortitsinissamut akisussaaffeqarnermut suliatigullu ineriartortitseqqinnissamut periarfissaqarfiulluarluni.

• Suliffeqarfik nutaaliornermik nutaanillu eqqarsarnermik aallussiffiusoq

• Naalakkersuisoqarfimmi naalakkersuinikkut aalajangiisarnernik qanitaqarfiulluni suliffik

• Sullivimmi avatangiisit pingaartorsiorfiunngitsut ammasullu, tunniusimasunik suleqateqarfiusut

• Inuttut suliatigullu unammilligassat pissanganartut

Ulluinnarni ulapaarfiusuni pissuseq pingaartorsiorfiunngilaq isumagissaarfiullunilu, kisiannili aamma sulinerup ilaqutariittullu inuunerup ataqatigiinnissaat ataqqineqarpoq.

Ulloq atorfiniffissaq

Martsip ulluisa 15-iat imaluunniit ullumik isumaqatigiissuteqarnikkut.

Soqutiginnippit?

Apeqqutissaqaruit allaffimmi pisortaq Steve Sandgreen attaveqarfigisinnaavat, stsa@nanoq.gl.

Atorfinitsitsinissamut oqaloqatiginninnerit ataavartumik ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk