Allaffissornermut pisortaq aningaasaqarnermut allaffissornermullu misilittagalik

Perorsaanermik Ilinniarfik tunniusimasumik allaffissornermi pisortassarsiorpoq, aqutsisooqatigiinnut pisussaaffeqaqataasussamik, allaffissornerlu ingerlalluartoq annerusumik akisussaaffigissallugu. Allaffissornermi immikkoortortat ukua pineqarput: Aningasaaqarneq sulisoqarnerlu (HR), Ilinniartunut Ilinniartullu inaanni najugalinnut sullissinerit, IT-mi immikkoortortaqarfik kiisalu Café Nuka.

Allaffissornermi pisortatut qitiusumik inissisimallutit qularnaarinnittussaavutit, Perorsaanermi Ilinniarfimmi ingerlatsinermi, aningaasanik aqutsinermi allaffissornermilu ingerlatsinermi qaffasissumik ingerlatsisoqarnissaa.

Akisussaaffigisassat: 

• Allaffissornermi sulisut ingerlatsisuuffigalugit, qularnaarlugulu sullissinermi allaffissornerit pitsaasumik ingerlanneqarneri

• Immikkoortortaqarfiit assigiinngitsut eqaatsumik pitsaasumillu ingerlaaseqarnissaat ataqatigiissarnissaat qularnaarnaarnissaallu akisussaaffigalugu

• Aningaasaqarneq aqullugu, uani aningaasat atugassat naatsorsuusiorneri, naatsorsuuserinerit aningaasaqarnerlu pillugu nalunaarusiornerit

• Perorsaanermik Ilinniarfiup aningaasatigut inernerissaarnissaa anguniarlugu ineriartortitsinerit pitsaasumillu suleriutsinut atuutsitsilernerit aningaasaqarneq pillugu eqqarsarluartumik pilersaarusiornissaq

• Qularnaarlugu eqqortumik aningaasaqarniarnerup pilersaarusiornissaa malitseqartitsinissarlu, uani qaammammoortumik naatsorsuusiornerit ukiumoortumillu naatsorsuusiornerit eqqarsaatigalugit

• Sulisoqarneq pillugu suliassanik suliaqarnerit, sulisussarsiornerit, atorfininnermi isumaqatigiissutit suliarineri, sulinngiffeqarnermi nalunaarsuinerit, sulisunut tunngasunut apeqqutit suliarisarneri kiisalu sulisoqarneq pillugu politikkit periutsillu suliarineri atuutsilernerilu suliaralugit

• Perorsaanermi Ilinniarfimmi inatsisitigut piumasaqaatinut malinninnera qularnaarlugu, aningaasaqarnermi sulisoqarnermilu politikkit Perorsaanermi Ilinniarfiup iluani atugassat qularnaarnissaat

• Café Nuka pillugu aningaasanut atugassatut naatsorsuutit pitsaasumillu aningaasanik aqutsinissaq akisussaaffigalugu, uani ingerlatsineq, pisiniartarneq nioqqutissanillu uninngasuutinik nakkutiginninneq

• Avataaniik suleqatigisassanik suleqatiginnilluni qularnaarlugu aningaasaqarnermi pitsaasumik iliuusissanik ujartuisinnaaneq anguniarlugu

• Pitsaasumik sulinissamik piorsarsimassuseqarnissaq suleqatigiillunilu suliffeqarsinnaanissaq pillugu ineriartortitsinermi tunniussaqarsinnaanissaq sulissutigalugu

• Tatiginassuseqarluni akisussaassuseqarlunilu Perorsaanermi Ilinniarfimmi pisortaasut akornanni suleqataanissaq, tassani Forstanderi aammalu Ilinniartitaanermi Pisortaq peqatigalugit

• Allaffissornermi Pisortatut Forstanderip ataani sulissaatit

Pisinnaasassatut piumasaqaatit:

• Aningaasaqarnermut assigisaanilluunniit immikkoortortamut attuumassuteqartumik ilinniagaqarsimanissaq piumasaqaataavoq

• Aningaasanik aqutsinermi, aningaasanut atugassatut naatsorsuusiornernut, naatsorsuuserinernut kiisalu uppernarsaaserlugu sulisunik ingerlatsinermi team-inillu ataqatigiissaanerinermi misilittagaqarnissaq piumasaqaataavoq

• Sulisoqarnermi ingerlaatsit inatsiseqarnerlu pitsaalluinnartumik paasisimasaqarfiginissaat kissaataavoq

• Allaffissornermi suleriutsinik pitsanngorsaataasinnaasunik qaffassaasinnaaneq pisinnaasaqarfigalugu

• Sulinermi angusaqarusulluni peqataarusullunilu sulerusussuseqarnissaq kissaataalluni

• Eqqarsarluartumik aaqqissuussillaqqissumillu pisinnaasaqarnissaq nukittuffigalugu

• Attaveqaqatigiinnermi ajornartorsiutinillu qaangiiniarnermi iliuuseqarsinnaanermi pitsaasumik pisinnaasaqarnissaq kissaataalluni

• Piffissakilliorluni sulisinnaanissaq aammalu suliassat assigiinngitsut ataatsikkut suliarisinnaanissaat pisinnaaffiginissaat kissaataalluni

• Upperalugu sulisut tamarmik pingaaruteqarneri Perorsaanermik Ilinniarfiup pitsaasumik angusaqarnissaanut pingaaruteqarneri pillugit

• Aaqqissuussaaneq tamaat isigalugu suleqatikkuminartuunissaq attaveqaqatigiillaqqissuunissarlu takutissinnaasaariaqassammat

• Ilinnut iluaqutaalluinnassaaq kalaallisut danskisullu allannikkut oqalunnikkullu pisinnaasaqaruit

• Inussiarnersuunissat, tutsuiginartuunissat, aqutsisutullu ammasuunissat kissaataalluni

Atorfimmik pissannganartumik unammillernartumillu neqerooruteqarpugut ingerlaartuartumi ineriartorusuttumillu toqqammaveqarluni ilinniarfeqarfimmi. Tassani illit aningaasaqarnikkut, allaffissorluni periutsini sunneeqataasinnaanissat periarfissaalluni, suliffimmi toqqissisimanermik tatiginassuseqartumillu tunngaveqartumik pilersitseqataanissarnut.

Eqqortunik misilittagaqaruit, piginnaasaqarlutit inuttullu pisinnaasaqarlutit akuleriisilluarsinnasarnik, tusarfigerusuppatsigit.

Qinnuteqarfissaq kingulleq majip ulluisa 13-at 2025.

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2022 LR 36-mi akissarsiat imak isumaqagitiissutigineqarnikuupput qaamammut Kr. 47.777 ukiumullu Kr. 573.321

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk