Tusass Suliniutinut aqutsisussarsiorpoq (programleder)

Tusass A/S Namminersorlutik Oqartussanit pigineqarpoq Nunatsinni oqarasuaateqarnikkut attaveqaqatigiinnermi assartuinermut ataqatigiissaarinermilu pilersuisuulluni, 340-inik pimoorussisunik piukkunnaateqarluartunillu sulisoqarpoq kiisalu DKK 795 mio.-inik kaaviaartitaqarluni. Nuummi qullersaqarfeqarpoq nunalu tamakkerlugu oqarasuaateqarnermi attaveqaqatigiinnermut kabelimik, ledningeqanngitsumik qaammataasakkullu atortorissaarusersuisuulluni, kiisalu allakkeriveqarnermi assartuinermut ataqatigiissaarinermik suliaqartuulluni. Tusassip suliassaasa pingaarnerit ilagaat atortulersuutinik piujuartitsisunik isumannaatsunillu ineriartortitsinissaq, inuiaqatigiinnilu digitalikkut pisariaqartitanik tapersiinissaq.

Suliassat qitiusut:

Tusassimi suliniutit

Suliniutinut aqutsisup Tusassip periusissiaanut tunngatillugu, suliniutinut anguniagaanut piviusunngortitsinissamut ilusilersuinikkut, pilersaarusiornikkut aammalu atuutitsilernermut ilaassaaq.

Carrier Grade Transmission

Carrier Grade Transmissionsprogrammi tassaavoq, Tusassip angorusutaanit mutimik nutaamik IP Service Provider net-mik pilersitsineq aammalu nunatta imaani nunanullu tamalaanut ass. Europamut aammalu USA-mut immap naqqatigut kaabilinik pitsaasunik/sillimmatissanik pilersitsinermut ataatsimoortitsivik.

Suliniutinut aqutsisutut akisussaaffiit naliginnaasut:Suliniutinut aqutsisutut akisussaaffiit pingaarnerit tassaapput, suliniutit aaqqissugaaneri, tamatumuunalu avaqqutassaanngitsumik ilaassaaq suliniutit tunniussassaannut pitsanngorsaanermut tunngatillugu ataqatigiissaarinermut akuliunneq aalajangiisarnerlu.

Suliniutinut aqutsisoq Carrier Grade Transmissions atuutinneqarnerani aqutsisoqarfimmi siulittaasumut nalunaartassaaq.

Suliniutinut aqutsisutut akisussaaffiit:

• Aqutsineq aammalu Suliniutinut aqutsisunut ilitsersuineq.
• Suliniutit tunniuttagaasa maleruussaata, tunniuttakkallu imminnut maleruuttarnerata ataatsimut isigisinnaanngornissaannut aaqqissuussamik takussutissarsiorneq.
• Suliniutinut pilersaarusiorneq aammalu aqutsineq.
• Suliniutinut aqutsinermut atortuanik nassuiaaneq.
• Suliniutit pissarsiffigalugit angusaqarfissaanut Suliniutip tunniussaanik qulakkeerineq.
• Suliniutaasut akornganni isumaluutinut aammalu piginnaasanik atuilluarsinnaaneq qulakkeernera.

Suliniutinut aqutsisuttaaq akisussaaffigaa suliniummi aqutsisoqarfimmi siulittaasoq qanimut ilagalugu ullormiit ullormut aqutsineq

• Suliniutinut missingersuutinik aqutsineq.
• Pilersuisut pilersuinerannit tunniussat aqutsineq.
• Soqutigisaqaqatigiinnut attaveqaqatigiinnermi aqutsineq.
• Suliniutaasut akornganni maleruunnerit aammalu naqqannittarfiit qulakkeerinninneq.
• Suliniutaasunut ajornakusoornartuusinnaasunut aamma ajornartorsiutinik aqutsineq, aammalu suliniutaasunut innarligassaannginnissaannut ikiuutissatut suliniutinik aallartitsineq ajornartorsiutaasunullu aaqqiineq.
• Allannguutinik aqutsineq.
• Aqutsisoqarfimmi siulittaasutut suliniutit.
• Suliniutaasut iluanni tunniussuinermi salliussineq, ataqatigiissaarineq aammalu iliuuseqartitsineq.
• Aqutsisoqarfimmi siulittaasumut nalunaarusiorneq aammalu aalajangiissutinik saqqummiineq.
• Suliniummut ingerlatsisoq aammalu suliamut tunngatillugu sulialinnut avitseqatigiinneq.
• Qitiusumik pilersaarummik pilersitsineq, ataatsimoortumik qulakkeerinninneq.
• Suliniummut allaffimmut takussutissiineq aammalu nalunaarusiorneq.
• Pitsaassutsimik- allannguinermillu aqutsineq.
• Aqutsisoqatigiinnut ataatsimiinnernik pilersitsineq.

Suliassat allat

Sulianut assigiinngitsunut ingerlatsinermut tunngatillugu Suliniummut ingerlatsisunut avitseqataasarneq, suleqatigiilluarnermik pilersitsineq aammalu pilersaarusiornerup ingerlalluarneranik qulakkeerinninneq.

Suliniutinut aqutsisoq suliniutinut naliginnaasunuttaaq aqutsinikkut akisussaasunngorsinnaavoq.

Periusissiamiik inerisaaneq aammalu suliniummi allakkanut pooqattanut pilersaarusiorneq.

Suliamut tunngatillugu piukkunnaatitit

• Kandidatitut ilinniarsimaneq
• Suliniutinut angisuunut ajornakusoornartunullu, avataanit illup iluaniillu soqutigisaqaqatigiinnik suleqateqarfiusimasunik misilittagaqarneq
• Soqutigisaqaqatigiinnut pitsaasumik aqutsineq, suleqateqarluarsinnaanermillu ajornanngitsumik takutitsisinnaaneq
• Iliuuseqarumatuneq, orniguttarneq aaqqissuussaasumillu suliaqartarneq ajornartorsiutinillu aaqiagiissinnaassuseqarneq
• Attaveqaasersuinermut suliffeqarfimmi sulisimanermik misilittagaqarneq iluaqutaassaaq piumasaqaataanngilarli

Piukkunnaatitit

• Asialuttoq inussiarnersorlu
• Uummaarissoq qiimmaarissorlu
• Isumagissaartoq ajornartorsiutinillu aaqqiiniarnermi isumalluartoq
• Suliumatooq angusaqarusuttorlu
• Aaqqissuussamik suliaqartartoq
• Aaqqissuussamik ingerlatsinermilu suliassanik suliaqarluarsinnaasoq
• Niuernermut ilisimasalik

Apeqqutissaqarpit?

Atorfik soqutigigukku apeqqutissaqarlutillu, immikkoortortaqarfimmi aqutsisoq Johannes Husum Terkildsen attavigiuk oqa. +299 482441. 

Qinnuteqarneq oqaloqatiginninnerlu: 

Qarasaasiakkut maana qinnuteqaatit, CV aammalu allagaatit allat attuumassuteqarsinnaasut ilanngullugit piaarnerpaamik atorfimmut qinnuteqarit. Tusassip qinnuteqaatit takkuttut tulleriaarlugit suliariumaarpaat, tassanngaanniillu ingerlaavartumik oqaloqatigiinnerit pilersaarusiorneqarumaarlutik.

Tusass

Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Nunarput tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.

Uani paasisaqarnerusinnaavutit:

Qinnuteqaat nassiuguk