PAASISSUTISSAT
Atorfiup suussusaa: koordinatori
Suliffeqarfik: Royal Arctic Line
Qinnuteqarfissamut killigititaq: 30. april 2025
Attavissaq: Tinna Bragenholt, mailikkut tbb@ral.dk imut imaluunniit oqarasuaatikkut +45 51 77 94 40-mut saaffigineqarsinnaavoq
Nuummi ataqatigiissaarisutut Royal Arctic Linemi suleqataalerit
Shippingip iluani suliffeqarnikkut ingerlaqqinnissannut piareersimavit? Royal Arctic Line ataqatigiissaarisussamik pikkorissumik eqiingalluartumillu Nuummi suleqatigiinnut pissarsiorpoq. Nunani tamalaani shippingip iluani suliaqarnissannut, Nunattalu aamma nunani tamalaani tikittakkatta akornanni assartuussisarnermi suleqataaffiginissaanut periarfissaqassaatit.
Ataqatigiissaarisutut suliassatit:
Suleqatigiinni qitiusumik inissisimallutit nunani tamalaani umiarsualiviit akimorlugit assartugalerinerup uppernarsaasiornerullu eqqortumik ingerlanneqartarnissaat akisussaaqataaffigalugu suleqataaffisissavat. Usinik nakkutiginninneq aamma umiarsuit, umiarsualiviit quersuillu akornanni ataqatigiissaarisarnerup kukkunertaqanngitsumik ingerlanneqarnissaa aamma isumagiussavat. Aaqqissuulluakkamik eqiingasumillu suleriuseqarnerit allanngueqataassaaq, ingerlatsinikkut naammassisartakkatsinnut tunngatillugu, aammali sullitatta naammagisimaarinninnissaannut tunngatillugu.
Pingaarnertut suliassannut ilaapput:
- Umiarsuit aqqusaannginnerini uppernarsaasiornerit tamaasa piareersimanissaannik qulakkeerinninnissaq suleriaatsinillu ingerlaavartumik pitsanngorsaanissaq.
- Assartukkanik suliarinnittarnerup eqaannerusumik sunniuteqarluarnerusumillu ingerlanneqartarnissaanut suleriaatsinik ineriartortitsineq pitsanngorsaanerlu.
- Suliffeqarfiup avataani suleqatigisartakkatta pitsaasumik attaveqarfiginissaannik qulakkeerinninnissaq.
- piareersimasuunermi aaqqissuussinermi suleqataaneq, pinartunik pisoqartillugu akisussaaffimmik tigusinissamut periarfissinneqassallutit.
Kinaavit?
- Shippingimut tunngatillugu alapernaatsuuvutit ineriartorusullutillu.
- Danskisut tuluttullu oqallorissuullutillu allallaqqissuuvutit.
- Officemeersunik atuineq sungiusimalluarpat.
- Inuuvutit angusaqarusussuseqartoq unammilligassanullu tunuarsimaartuunngitsoq.
- Pitsaassutsimik pingaartitsilluarputit sulianillu qaffasissumik pitsaassusilinnik tunniussinissaq pingaartillugu.
Neqeroorutigaarput:
- Sullivik allanngorarfiusoq soqutiginartorlu aammalu aallussilluartunik suleqateqarfiusoq, ullormillu siullermit akisussaaffimmik tunineqassallutit.
- Suliatsinnut tunngasunut qanimut ilinniartinneqassuutit suliat iluanni misilittagartuunngoornissamut periarfissinneqarlutit.
- Piginnaasannut naapertuuttumik unammillersinnaasumik akissarsiaqartitsineq.
- Aaqqissuussaanermi sulisut atugarissaarnissaannik siuariartornissaannillu pingaartitsiffiusumi inuttut suliatigullu ineriartornissamut periarfissinneqarneq.
Maanna qinnuteqarit
Qinnuteqaatit ingerlaavartumik suliarineqassapput, taamaattumik qinnuteqaativit nassiunnissaa utaqqisittariaqanngilat. Atorfik pillugu apeqqutissaqaruit Teamlederi Tinna Bragenholt, mailikkut tbb@ral.dk imut imaluunniit oqarasuaatikkut +45 51 77 94 40-mut saaffigineqarsinnaavoq. Maluginiarneqassaaq qinnuteqartut tamarmik pinerlussimannginnermut allagartamik naammaginartumik takutitsisinnaassammata.
Qinnuteqarnissamut killissarititaasoq: apriilip 30.-at, 2025
Atorfik una qinnuteqarfigiuk
