Qarasaasialerinermi aamma Digitalinngorsaanermi sullissisoq

Kommuneqarfik Sermersooq Qarasaasialerinermi aamma Digitalinngorsaanermi sullissisumik pikkorissumik tunniusimasumillu pissarsiorpoq 01.05.2025 atorfinittussamik imaluunniit tamatuma kingorna piaartumik.

Kommuneqarfik Sermersuumi Qarasaasialerinermi Digitalinngorsaanermilu sullissinerup siunertaraa kommunip digitalimik ineriartornerata ikorfartornissaa qarasaasiakkullu sullissinerup pitsaasumik, isumannaatsumik atoruminartumillu ineriartortinnissaata qulakkeernissaa. Immikkoortortami sulissutigineqarput kommunip digitalikkut sullissinerit siuarsarnissaat, suleriaatsit pitsanngorsarnissaat innuttaasut sulisullu digitalikkut sullissinerannik annertusaanissaq.

Immikkoortoq maanna marlunnik sulisoqarpoq; qarasaasialerinermi pisortaq aamma qarasaasialerinermi siunnersorti.

Atorfik piffissaq suliffiusussaq tamakkerlugu suliffiuvoq, qarasaasialerinermi pisortamut attuumassuteqarluni.

Atorfiup imaa:

Qarasaasialerinermi tunngasunik sulisumik – misilittagaqarluarsinnaasumik – suliassanik suleqataasussamik aamma suliassanik arlalinnik uku ataanni suliaqartussamik pissarsiorpugut:

∙Kommuneqarfik Sermersuumi ikorfartuisunik sulisunik innuttaasunillu sullissinermi ilusilersueqataaneq ingerlatsinerlu.

∙Atortunik passussineq

∙Qarasaasiamik toqqorsivitsinnik aqutsineq

∙Sullississutinik sullississutinillu allannguinernik uppernarsaaneq

∙Qarasaasiamik pilersuisutsinnik aaqqissuussaanermi sullissinermilu pingaarutilimmik attaveqaataaneq

∙Suliarinasuarneqarsinnaasunik sullissineq

Suliassat qarasaasialerinermik suliaqartut aamma Digitalinngorsaanermik suleqataasut kommunimilu ingerlatsiviit/immikkoortut avataanillu suleqatit suleqatigilluinnarlugit suliarineqartarput.

Qinnuteqartunut naatsorsuutigisat:

∙Qarasaasialerinermik imaluunniit suliffimmit assingusumik ilinniagaqarputit

∙Qarasaasialerinermik sullissisutut assigisaanilluunniit minnerpaamik ukiuni pingasuni misilittagaqarputit

∙Office365-imik misilittagaqarputit

∙Apple-mik atortut misilittagaqarfigaatit

Pingaartipparputtaaq:

∙Aalajaatsoq, pitsaassutsimik ilisimasaqarluartoq immikkuualuttunillu maluginiaasinnaasoq

∙Tamakkiisumik takunnissinnaalluni ataatsikkut arlalinnik suliaqarsinnaasoq

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Suliassat agguataarneqarnerisa ingerlaavartumik allanngortiterneqarneranni eqaatsumik periaasilik

∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

∙Tatitooq, pilersitsisinnaasoq, nukissaqarluartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Siammasissumik suleqateqarluarsinnaasoq

∙Marluinnik oqaaseqarneq (kal/dk) piumaneqarneruvoq, tuluttut oqalussinnaaneq iluaqutaassaaq

Neqeroorutigaavut:

Suliffik unammillernartoq, imarisaanut sunniuteqarnissaq periarfissaqarpoq suliffeqarfimmilu ineriartortumi allanngoriartorfiusumilu immikkut akisussaaffik angisooq pineqassaaq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Qarasaasialerineq qarasaasiatigullu atortunut ikaarsaarneq IT-lerinermi pisortaq Jóhan H. Dam-Davidsen, oqarasuaat +299 52 91 02 imaluunniit e-mail: jdda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 271-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 9.-at, 2025

Atorfik una qinnuteqarfigiuk