Fakta
Stillingstype: Nakkutilliisoq
Virksomhed: GFJK / Grønlands Fiskeri og Jagt Kontrol
Ansøgningsfrist: 11. marts 2025
Kontakt: Johan Frederik Lennert, attavigisinnaavat toqqaannaq normumut 345428 imal. mail-imut jefl@nanoq.gl
Immikkoortortaqarfitsinni Qeqqani, Sisimiuniittumi inissisimagallartussamik KANUAPNA Aalisarnermik piniarnermillu nakkutilliisumik inuttassarsiuivugut.
Aalisarnermut Piniarnermullu Nakkutilliisup suliassaraa aalisarnermut, piniarnermut aallaaniarnermullu inatsisit malittarisassallu eqquutsinneqarnersut misissussallugit.
Atorfik Immikkoortortami Qeqqani, Sisimiuni inissisimagallarpoq KANUAPNA-p ataani. Sulilertussaq aalisarnermik piniarnermillu nakkutilliinermik misilittagaqarnissaa kissaatiginarpoq.
Suliassat
Piniarnermik aalisarnermillu nakkutilliisoq aalisarnermik, piniarnermik aallaaniarnermillu nakkutilliinermi peqataasassaaq kiisalu sumiiffiit eqaloqarfiillu eqqissisimatitat nakkutiginerinut, tassani akuersissutinik, qassutinik, atortunik, piniarnermi allagartanik piniarnermilu atortunik nakkutilliinerit ilanngullugit.
Piniarnermik aalisarnermillu nakkutilliisup aalisartut, piniartut aallaaniartullu kiisalu kommunemi oqartussat suliaqarfimmi inatsisit malittarisassallu pillugit ilisimatissavai kiisalu KANUAPNA-mut allaaserinnilluni nalunaarusiornernik suliaqartassalluni tunniussillunilu.
Piniarnermik aalisarnermillu nakkutilliisoq nakkutilliinermut atatillugu atortunik aserfallatsaaliinermut aamma peqataasassaaq kiisalu angalanerit nakkutilliinermilu pulaarnerit assigiinngitsut pilersaarusiorneranni akisussaasutut inissisimasassalluni.
Kalaallit Nunaanni paasisitsiniaanerit assigiinngitsut suliaralugit angalasarnissaq naatsorsuutigineqassaaq.
Piniarnermik aalisarnermillu nakkutilliisup piginnaasassai
Qinnuteqartoq piniarnermut aalisarnermullu inatsisinut ilisimasaqassaaq. Iluaqutaassaaq qinnuteqartoq nakkutilliinermi suliaqarnermik misilittagaqareerpat, aammalu ukiuni marlunni nakkutilliisutut ilinniagaqarsimaguni.
Qinnuteqartup kommuninut inuiaqatigiinnullu inatsisit pillugit paasissutissiissutinik siammarterisinnaasariaqarpoq.
Qinnuteqartoq qarasaasialerinermut ilisimasaqassaaq aamma ilinniaqqinnermut pikkorissartinneqarsinnaaneq piareersimaffigissavaa.
Oqaatsit pillugit piginnaasat: kalaallisut qallunaatullu allassinnaallunilu oqalussinnaaneq. Iluaqutaassaaq aamma tuluttut allassinnaagaanni oqalussinnaagaannilu.
Qinnuteqartup uppernarsassavaa pinerluuteqarsimannginnermut allagartaqarluni.
Inuttut piginnaasat
Qinnuteqartoq aalajaatsuussaaq, eqqissisimasuulluni suleqatigiuminartuullunilu.
Aammattaaq timikkut tarnikkullu nukittuujunissaq aalajaatsuunissarlu piumasaqaataapput.
Qinnuteqartoq namminersorluni sulisinnaasariaqarpoq iluaqutaassaarlu qinnuteqartoq angalanermik sungiussisimasuuppat.
Qinnuteqartunik ataavartumik oqaloqatiginninneq ingerlanneqassaaq.
Aningaasarsiatigut atorfinitsitaanermilu atugassarititaasut
Isumaqatigiissut Naalakkersuisut aamma Aalisarnermik Piniarnermillu Nakkutilliinermik Suliaqartut Peqatigiiffiata akornanni aalisarnermut nakkutilliisut, aalisarnermut akuersissutinik nakkutilliisut, piniarnermik aalisarnermullu nakkutilliisut aammalu piniarnermik aalisarnermullu nakkutilliisut ikiortaat, Namminersornerullutik Oqartussani aammalu Kommuunini sulisut.
Atorfininnissaq
Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.
Soqutiginnippit?
Atorfimmut tunngasumik paasisaqarnerorusukkuit Stationsleder, Region Qeqqa Johan Frederik Lennert, attavigisinnaavat toqqaannaq normumut 345428 imal. mail-imut jefl@nanoq.gl
KANUAPNA pillugu:
KANUAPNA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarpoq.
Qullersaqarfimmi sulisut 16-iupput taakkulu immikkoortortani ukunani aaqqissugaallutik: Sulisoqarnermut immikkoortortaqarfik, Allaffissornermut Aningaasaqarnermullu immikkoortortaqarfik, It-mut Nunat tamat suleqatigiinnerannut immikkoortortaqarfik taavalu Nakkutilliinermut immikkoortortaqarfik, aalisarnermik alapernaarsuisunik sulisunik aamma nunap immikkoortuini allaffiit aalisarnermik piniarnermillu nakkutilliisunik aqqanilinnik piniarnermillu nakkutilliisunik sulisullit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk