Isumaginninnermut aqutsisoqarfiup meeqqat ineriartornerannut immikkoortortaqarfia, meeqqanut 0-init 6-nut ukiullinut perorsaanikkut isiginnittariaatsimik aallusserusussusilimmik siunnersortissarsiorpoq

Meeqqat suli atualinngitsut atugaannik allannguinissamut peqartaarusuppit aamma meeqqat ineriartornernut ulluuneranilu neqeroorutini pitsaassuseq aallussivigisarpigit?

Taamaassimappat atorfik pissanganartoq taakkunanngarpiaq sammisalik ataaseq pigivarput.

Atorfik pillugu:

Suli atualinngitsunut siunnersortit aamma suliniutinut aqutsisut eqimattatut sulinerannut atorfik ilaavoq, taakkua ulluunerani neqeroorutini meeqqat akornanni unamminartunik ujartuinermik siunnersuillutillu aqqutissiuussisarlutik piginnaanngorsaaneq pingaarnertut suliaraat. Suli atualinngitsut pillugit siunnersuisartut ingerlatsivinnik tamanik qanimut suleqateqarsinnaanissaat aallaavigalugu tunngaviusumik pilersinneqarnikuupput.

 Ulluinnarni suleqatigiinneq pingaaruteqartunut ilaasoq siunnersortitut isiginninnissamik tamanna piumasaqaatitaqarpoq.

Suliassatit ilaatigut makkuupput:

Perorsaariaatsit ineriartuutaasartut pillugit ulluunerani neqeroorutini sulisunik siunnersuineq aamma atuartitsineq, avatangiisit atorlugit ilinniarfiusartunik pitsanngorsaanerit kiisalu angajoqqaanik suleqateqarneq.

 Taakkua saniatigut ulluunerani neqerooruteqarfimmi sulisut suliinnartinnissaat siunertaralugu, sulianik aqutsinermut tunngasutigut ulluunerani neqeroorutini aqutsisut aamma aqqutissiuunneqartarput.

 Taamaattumik illit immikkoortortaqarfimmi siunnersortitut siunnersortit allat marluk qanimut suleqatigissavatit, ilaatigut digitali atorlugu siusissukkut paasiniaasarneq suliarisassallugit.

Taakkua saniatigut immikkoortortaqarfimmi suliniutit aamma suliat assigiinngitsut pillugit suleqatigiinnissamik aallussisisoqartarpoq.

Suliassatit ilaatigut makkuussapput:

• Suli atualinngitsunut siunnersortit allat qanimut suleqatigalugit ulluunerani neqeroorutini sulisunik piginnaanngorsaaneq

• Ulluunerani neqeroorutini piginnaasanik qaffassaanermi inerisaanermik suliaqarneq

• Suli atualinngitsunut suliaqarfinnut tunngasumi Kommunit ingerlatsiviinik suleqateqarneq

• Misissuilluni atortunik UBUS 3-mik aamma UBUS 5-imik atuinissamik ilinniartitsineq

• Meeqqap mappianik atuinissamik ilinniartitsineq, matumani atukkanik uuttuut ilanngullugu

• Ingerlatsiviit sulianut pisortaasa aamma persorsaanikkut siunnersortaasa ukiumoortumik isumasioqatigiinnissaannik ataqatigiissaarinermi aaqqissuunnerinilu aallussisumik suliaqarneq

Meeqqanik inerisaanermut immikkoortortaqarfik pillugu:

Meeqqat ineriartornerannut immikkoortortaqarfik immikkoortortaavoq nutaajukannersoq, 0-init 6-nut ukiullinnut suliaqarfimmi pinaveersaartitsinermik suliniutinik pingaarnernik pingasunik ilaqartoq. Immikkoortortaqarfiup kommunit suliaqarfinni pingasuni ukunani tapersortarpai;

- Suliaqarfik suli atualinngitsut, tassani ulluunnerani neqeroorutini sulisut piginnaanngorsarneqarneri pingaarnertut suliarineqartarpoq

- MANU, angajoqqaatut piareersartitsineq suliarineqartarpoq.

- Ilaqutariit sanngiitsutut inissisimasunut suliniuteqarnermi illoqarfinni nunaqarfinnilu Siusissukkut iliuuseqartartoqatigiinnik siunnersuineq tapersersuinerlu.

Naatsorsuutigaarput illit tassaasutit:

• Perorsaasutut ilinniagaqartutit kiisalu perorsaanerup, aqutsinerup imaluunniit pingaaruteqartumik inuiaqatigiilerinermut suliassaqarfimmut allanut tunngasutigut

• Perorsaanermik imaluunniit inuiaqatigiinnut attuumassutilimmik allatut imaluunniit isumaginninnermut suliaqarfik pillugu ilisimatusarsimaneq

• Ulluunerani neqeroorutini sunniuteqaqataanissamut peqataarusussuseqartutit

• Pinaveersaartitsinermik soqutigisaqartutit

• Kalaallit Nunaanni suli atualinngitsunut suliasaqarfimmut, tassanilu kulturimut inuiaqatigiinnullu allanngorartuusunut ilisimasaqartutit, matumani najukkami pissutsinik ilisimasaqarneq ilanngullugu

• Suliffeqarfimmi namminermi aamma suleqatigisartakkanut avataaneersunut akuersaartumik pissuseqartutit

• Ulluunerani neqeroorutinut suliassaqarfimmi sulinermik misilittagaqarluartutit kiisalu ulluunerani neqeroorutini sulisunik siunnersuineq ilitsersuinerlu pillugit ilisimasaqartutit aamma/imaluunniit misilittagaqartutit.

• Aaqqissuussamik suleriuseqartutit, akisussaassuseqartutit aamma aaqqiissutissanik ilisimasaqartutit

• Kalaallisut danskisullu oqaatsit allatallu atorlugit attaveqarluarsinnaasutit pitsaasumillu paasissutissiisinnaasutit

• Suleqatigiinnik suleqateqallaqqissutit aamma namminersorlutit sulisinnaasutit piffissallu ilaani piffissap sivikitsup iluani suleriallaqqissuusutit

• Aqqutissiuussisutut isumasioqatigineqarsinnaasutullu inissisinnaasutit

Uku ilinnut neqeroorutigisinnaavavut:

• Suliffeqarfik pitsaasoq patajaatsoq suleqatigiilluartunik sulisulik, ilorrisimaarnissamik sammisaqartoq aamma nammineq sulinermi sinaakkutit sunniuteqarfiginissaannut periarfissaqartitsisoq

• Atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq

• Meeqqanut inuusuttunullu suliassaqarfimmi naalakkersuinermik suliallit suliniutaannik assut paasisimasaqarneq

Ulloq atorfiniffissaq:

1.april 2025 isumaqatigiissuteqarnikkulluunniit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut:

Atorfik pillugu sukumiinerusumik paasisaqarusukkuit, Meeqqat ineriartornerannut immikkoortortaqarfimmi pisortaq Maliina Junge Jørgensen uunga allaffigalugu; maju@nanoq.gl imaluunniit oqarasuaammut uunga sianerlutit attavigisinnaavat: 523286 Imaluunniit suliatigut pisortaq Naja Hougaard; nahod@nanoq.gl 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk