Isumaginninnermut Aqutsisoqarfimmi Paarisa ilinniartumik ikiortimik attaveqatigiinnermut tunngasumik nukittuffilimmik pissarsiorpoq.

Ilinniartuuit attaveqatigiinnermullu tunngasumik nukittuffeqarpit? Soorlu inuit attaveqatigiittarfiini aammalu pitsaaliuinermik suliaqarnermi? Allaanerusumik takutitsinermik imalimmik pilersitseqataarusuppit? Taava suliffik Paarisamiittoq ilinnut tulluarsimassaaq.

Suliamut tunngasoq:

Attaveqatigiinnermut sulinermi inuillu qarasaasiakkut naapittarfiini nukittorsaaqataasussamik ilinniartumik ikiortimik pissarsiorpugut. Pitsaaliuinermi peqqissutsimullu tunngasunik siammasissumik suliaqarnikkut annertuumik periarfissinneqassaatit.

Makkuninnga suliaqassaatit: 

• Paarisap qarasaasiakkut inoqatinut attaveqaataata quppernerata ineriartortinnissaa (allaaserisat, assit, videollu)

• Pilersaarusiornermut SoMe-milu paasititsiniaanernut suleqataassaatit

• Immikkoortortaqarfiup sinnera suleqatigalugu allaffissornikkut sulianut annikitsumik ikiuunnerit.

• Suleqatinut sinerissamiittunut poortukkat allallu nassiussassat isumagalugit

• Ataatsimiinnerni pingaarutilinni peqataaneq ilaatigut allatsitut peqataanerit

• Allaffissornernut tapertaallutit, soorlu aaqqissuussinerni, workshopertitsinerni imaluunniit isumasioqatigiinnerni suleqataallutit

• Ad hoc-mut tunngasut suliassat

Paarisa pillugu:

Paarisap immikkoortortaani suleqatigiiaat sisamaapput, tamarmik assigiinngitsunik pitsaaliuinermut peqqissutsimullu tunngasunik kivitsiniarlutik suliaqartuupput, taakkulu sisamat tassaapput:

- Killiliisa

- Imminut toqunnermut pinaveersaartitsineq

- Atoqatigiinnikkut kajungissutsikkullu peqqissuseq

- Ataatsimoorneq

Taakku sisamat tamaasa peqataaffigisassavatit kisianni imminut toqunnermik pinaveersaartitsinermi sulineq salliutissallugu.

Ilinni naatsorsuutigaarput:

• Bachelorimut attuumassutilimmik imaluunniit kandidatitut ilinniartuuvutit

• Pitsaaliuinermut peqqinnerulernermullu tunngasunik suliaqarnissat anersaaqarfigissagit

• Namminersorsinnaassaatit

• Aalaakkaasuussaatit piffissarlu eqqorlugu takkuttassallutit

• Pilersitsisinnaassusermik peqassaatit soorlu pilersitaqarniarnermi

• Sulinikkut misilittagaqarusussuseqassaatit, aammalu pitsaaliuinermut tunngasumik misilittagaqarsimassallutit

• Allannermi oqalunnermilu attaveqallaqqissuussaatit

Sapaatip-akunneranut akunnerni 15-20 -ni sulisassaatit, pisariaqartitsinerli apeqqutaalluni nikerarsinnaavoq.

Ilinnut neqeroorutigisinnaasagut:

• Suliffik aalajaatsoq suleqatigiit nuannersut, atugarissaarnissamik sunniuteqarsinnaanermillu sulinerminni ukkataqartut

• Tamatigoortumik anguniagaqarneq tamalaanik suliaqarfiusoq, aqutsisoqarfimmilu piginnaasatit naleqartillugillu pisariaqartinneqarput

Sulilerfissap ullua:

1. april, 2025 kingorna, isumaqatigiissuteqarnikkulluunniit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Annertunerusumik paasisaqarusukkuit:

Atorfimmut tunngasumik itinerusumik paasisaqarusukkuit uunga saaffigissinnaavutit: AC Fuldmægtig Paarisami, Ivaana Olsen mailikkut: ivon@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk