HR-mi siunnersorti

Air Greenlandimi HR-imi siunnersortiAllaffimmi, kiffartuussilluarnissamik, peqqissaarnissamik suleqatigiilluarnissamillu pingaartitsiviusumi sulerusuppit? Taamaappat immaqa illit Air Greenlandimi HR-imi siunnersortitut tullinnguussinnaavutit.

Air Greenlandimi HR-imut immikkoortortaqarfimmi sulisussanik pitsaanerpaanik pileritsatsitsisarnitsigut ineriartortitsinitsigullu Kalaallit Nunaannik qaffatsitseqataanissarput takorluugaraarput.

Immikkoortortaqarfik:

HR-imut immikkoortortaqarfimmi siunnersortit pingasut immikkoortortaqarfimmilu pisortaq ataaseq, kiisalu immikkoortortaqarfimmi ilinniartut paarlakaallutik sulisut pingasut sulisoraagut.

HR-imi siunnersortitut ingerlatseqatigiiffimmi pisortat sulisunik atorfeqartitsinermi atugassarititaasunik eqqorluinnartunik ujartuineranni ikiortassavatit. Aamma sulisutigut ajornartorsiutit assigiinngitsut, ulluinnaat pissanganartut ingerlanerini pilersinnaasut pillugit ilitsersuisarnermi akisussaasuussaatit, tamatumalu peqatigisaanik sullississutsinnut nutaanut, kiisalu Air Greenlandimi GDPR-imik malinninnissamut akisussaasuussaatit.

Atorfik:

Akisussaaffeqarfissatit ilaatigut tassaassapput:

• Sulisut pillugit inatsisilerinerit, taakkununnga isumaqatigiissuteqarfiusunik aqutsineq aammalu pisortat peqatigalugit sulisunut kinguneqartitsisarnerit ilanngullugit
• Sulisunut aqutseriaatsinik ineriartortitsinermut malinnaatitsinermullu, aammalu suleriaatsinut naleqquttunik atortoqarnissatsinnut akisussaaqataaneq
• HR-imi sullississutitsinnut aammalu Air Greenlandimi GDPR-ip malinneqarnerinut akisussaaneq

Ilinnut tunngasut:

Peqqissaartuunerit sulianillu pitsaalluinnartunik tunniussisinnaanerit atorfigiligassanni pingaartippagut.

Taamaattumik naatsorsuutigaarput:

• Aaqqiinissamik siunnerfeqassasutit, pisortanut sulisunullu allakkianik misissoqqissaakkanik sukumiisunillu suliaqarsinnaassasutit
• Apeqqutit ilaanneeriarlutik pisariusinnaasut paasiniarnissaat piginnaaneqarfigissagit, tamatumunngalu atatillugu taakku aaqqinniarnerini paasissutissanik atorsinnaasunik misissuisinnaassuseqarluassasutit, taamaattumillu naammassineqanngitsunik tamanik katersuinissaq, sulianillu naammassinninnissaq piginnaaneqarfigissagit
• Aaqqissuussaanerit, sulisut pillugit inatsisilerinerup, allaffissornerup assigisaasaluunniit iluanni attuumassutilimmik tunuliaqutaqassasutit, tapiliussatullu sulianut attuumassutilinnik misilittagaqassasutit
• Sulianik tamanik – angisuunik mikisunilu – tulleriiaarisinnaassuseqassasutit, ataqatigiissitsisinnaassasutit eqqortunillu periaaseqassasutit
• Danskisut, ajornanngippallu kalaallisut tuluttullu oqalussinnaassasutit allassinnaassasutillu

Neqeroorutigaavut:

Atorfitsialak, nuannersunik suleqateqarfiusoq aammalu suliatigut inuttullu ineriartornissamut periarfissaqarluartoq.

Akissarsiat, qinnuteqartup piginnaasaqarfiinut atorfimmilu inunnut ataasiakkaanut piumasaqaatinut naleqquttut. Taakku saniatigut ukiumoortumik ilaqutariit sulinngiffeqarnermut atatillugu akiliussisarneq, soraarnerussutisiat, kiisalu sillimmasiissutit pilerinartut, ilaatigut sulisinnaajunnaarnermi annaasaqarnissamut, piffissaq tamakkerlugu ajutoornissamut, ataatsimut inuunermut, kiisalu napparsimmavissuarmiinnermut akiliunneqarnissamut sillimmasiissutinik ilaqartut ilaatinneqarput.

Isumaqatigiissuteqarneq malillugu atorfinitsitsisoqassaaq. Qinnuteqaatit tiguneqartarneri malillugit oqaloqateqartoqartassaaq. Paasissutissanik amerlanerusunik pissarserusukkuit HR Manager Kathrine Bødker på telefon +299 483417/ 343210-imut attaveqarfigalugu pissarsisinnaavutit.

Atorfik una qinnuteqarfigiuk