Cand merc, cand. merc. aud. imaluunniit assingusumik ilinniagaqarsimasoq aamma aningaasaqarnermik naatsorsuutinillu soqutigisalik

Excelilerillaqqippit paasissutissanullu suliaqarneq pikkoriffigalugu? Immikkoortortaqarfimmi suliassaqarfinni assigiinngitsuni naatsorsuuserinermut pisortap qanimut suleqatigineratigut kisitsisitigut misissueqqissaarnermullu piginnaasaqartumik suliassanik pissanganartunik suliaqartussamik Qitiusumik Naatsorsuuserivik (DcR) suleqatissarsiorpoq.

Suliffimmi imaannaanngitsumik aaqqissugaasumi nakkutilliinermik aningaasaqarnermillu aqutsinermik soqutigisalimmik tunniussimasumillu siunnersortit pisortassarsiorpugut. Aaqqissuussaasumik sulisinnaasariaqassaatit, sullarissaatit, namminersorsinnaassaatit suliffeqarfimmilu sullissinermik suleqatigiinnermillu pingaartitsiffiusumi sulerusussuseqassaatit.

Atorfik pillugu

Atorfimmut atatillugu suliassat assigiinngiiaarput illillu piginnaasaqarfigisannut soqutigisannullu tulluarsarneqarsinnaallutik. Naatsorsuutigaarput Kalaallit Nunaanni Namminersorlutik Oqartussat aningaasaqarnermut nalunaarusiornerannut pingaarnertut suliaqartassasutit, ilaatigut uku ilanngullugit:

• Namminersorlutik Oqartussani qaammatit pingasukkaarlugit missingersuutinik malitseqartitsisarneq.
• Nunatta karsiata naatsorsuutaanik suliarinnittarneq.

Tamatuma saniatigut susassaqarfinni ukunani aamma suliaqartarnissat naatsorsuutigissavat:

• Aningaasaqarnermut Sulisoqarnermullu immikkoortortaqarfiani aningaasaqarnikkut misissueqqissaarinermut kisitsisilerinernullu suleqataaneq.
• Nakkutilliineq aamma Namminersorlutik Oqartussani nakkutilliinermut ineriartortitsineq.
• Ineriartortitsinermik aamma misissueqqissaarnermik nalunaarusiortarnermut atortulersuutit naleqqussarnerannut attuumassuteqartunik suliassat.
• Namminersorlutik Oqartussani taarsigassarsisitsisarnermi atortup nutaap atuutilersinneqarnera.

Suliatigut piginnaasassatit

Naatsorsuutigaarput:

• Aningaasaqarnermut, inuiaqatigiilerinermut, pisortani allaffissornermut, naatsorsuusiornermut assigisaanulluunniit tunngasumik sivisuumik ilinniagaqarsimassasutit.
• Nalilersuilluni misissuisarnermut piginnaasaqarluassasutit kisitsisilerillaqqillutillu.
• Immikkut ilisimasaqanngitsunut suliat pillugit nassuiaalluarsinnaasutit.
• Excelip atornissaanut pitsaasunik piginnaasaqartutit.
• IT-mik suleriutsinut soqutigisaqartutit piginnaasaqarlutillu.
• Paasissutissanik kisitsisinillu suliarinninnermik misilittagaqartutit.
• Atorfimmut naapertuuttumik minnerpaamik ukiuni arfinilinni misilittagaqartutit.

Inuttut piginnaasassatit

Suleqatissarsiorpugut:

• Akisussaaffimminik ilisimannilluartoq nammineerlunilu sulisinnaassuseqartoq.
• Aaqqissuussaasumik sulisinnaasoq tamakkiisumillu isiginnillaqqittoq.
• Inuit assigiinngitsunik tunuliaqutallinnik sulialinnillu suleqateqarnissamut piumassuseqarluartoq.
• Akuersaartoq aamma suliffiup iluani avataaniillu atassuteqarfinnik pilersitsisinnaassuseqartoq.

Ilinnut neqeroorutigisinnaasavut:

• Suliassat pissanganartut unammillernartullu.
• Suleqatit nuannersut persuarsiorpalaanngitsumik attaveqatigiittartut.
• Suleqatit sulerusussuseqarluartut.
• Suliffeqarfik suliassatigut ilisimasaqarfiulluartoq qaffasissumillu akisussaaffeqarfiusoq.
• Akisussaaffilimmik kiffaanngissuseqarneq.

Kalaallisut oqalussinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassaaq piumasaqaataananili.

Ulloq atorfiniffissaq

1. maj 2025 isumaqatigiissuteqarnikkulluunniit.

Sukumiinerusumik paasissutissat

Atorfik pillugu apeqqutissaqaruit naatsorsuuserinermut pisortaq, Egon Skindhøjimut, +299 54 64 26-mut sianerlutit imaluunniit egsk@nanoq.gl-imut allallutit attaveqarsinnaavutit.

DcR pillugu

Qitiusumik naatsorsuuseriffik (DCR) Aningaasaqarnermut Sulisoqarnermullu Aqutsisoqarfiup ataani inissisimavoq, pingaarnertullu Nunatta Karsianut akisussaasuulluni. Immikkoortortaq 40-t missaannik sulisoqarpoq allaffeqarfinnut tallimanut agguagaasunik. Akiligassaqarfigisanik aamma Akiligassalinnik Naatsorsuuseriffik, Aningaasaqarnermut Tunngasunik aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik kiisalu Nakkutilliisarneq missingersuutinillu malitseqartitsisarneq.

ASA pillugu

Kalaallit Nunaanni Namminersorlutik Oqartussat Aningaasaqarnermut Sulisoqarnermullu Aqutsisoqarfik ataatsimoorussamik kiffartuussinermut sullissivigaat. ASA 110-t missaannik sulisoqarpoq ilaatigut naatsorsuutit saqqummiunneqartarnerannut, pisiortornermi, isumaqatiginninniarnernut tunngasunut, aningaasarsiaqarnermut sulisoqarnermullu politikimut, nutserisoqarnermut kiisalu illuutit ingerlanneqarnerannut akisussaasuulluni.

Aningaasaqarnermut Sulisoqarnermullu Aqutsisoqarfik pillugu aammalu pingaartitavut pillugit uani atuarsinnaavutit: www.asa.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk