Isumaginninnermut Aqutsisoqarfik ulloq unnuarlu- Inissitsiterinermullu immikkoortortaqarfimmut Isumaginninnermik siunnersortimik Erninermut paarlatsimi pissarsiorpoq atorfinittussamik
Isumaginninnermut Aqutsisoqarfiup ataani immikkoortortaqarfiit arfineq marluupput: Pinaveersaartitsinermut immikkoortortaqarfik Paarisa, Meeqqat ineriartornerinut immikkoortortaqarfik, Aningaasaqarnermut immikkoortortaqarfik, Ulloq Unnuarlu Inissitsiterinermullu immikkoortortaqarfik, Sullissisunik Siunnersuisarfik, Innuttaasunut immikkoortortaqarfik aamma Allattoqarfik.
Ulloq unnuarlu Inissitsiterinermullu immikkoortortaqarfiup suliassarivaa nuna tamakkerlugu meeqqanut inuusuttunullu paqqinnifiit Namminersorlutik Oqartussanit ingerlanneqartut, ataatsimut aqunneqarnerat ataqatigiissarnerat ingerlanneqarnerallu. Ulloq unnuarlu- Inissitsiterisarnermullu immikkoortortaqarfiup suliassaraattaaq suliassat paqqinnifiit ineriartortinnissaannut aamma nutaaliorfigineqarnissaannut tunngasut.
Suliassatit:
Ulloq unnuarlu paaqqinniffiinut inissiinissamut sullissineq, innersuussineq, inatsisinillu siunnersuineq
Ulloq unnuarlu angerlarsimaffinnut isumaginninnikkut siunnersuineq
Komuuninut isumaginninnikkut siunnersuineq, ilitsersuinerlu.
Namminersorullutik Oqartussat ulloq unnuralu paaqqinniffiutaannut tunngasunik siunertaanik allaaserinninneq, sullissinermilu nalunaarutinik suliaqarneq.
Immikkoortortaqarfimmi ulloq unnuarlu paaqqinniffiit pillugit ineriartortitseqataanissaq
Ulloq unnuarlu paaqqinniffiinut innersuussisarnermi maleruagassaliorneq ilitsersuusiornernilu peqataaneq.
Forstanderit isumasioqatigiinnissaanut aaqqiissuussinermi peqataanissaq
Suliassat assigiinngitsut takkussuuttunik suliaqartarnissaq.
Piginnaasatit:
Inunnik isumaginninnermut siunnersortitut allagartalik.
Isumaginninnermut suliassaqarfimmut tunngasuni suliaqarnermi ilisimasaqarluartutit, nunatsinnilu isumaginninnikkut inatsisit ilisimaaralugillu sulininni toqqammavigisarsimallugit.
Isumaginninnermi sullissinermi ilisimaqarluarnissat.
Akisussaaffimmik tigusillutit, sungiussiasoq, aaqqiissutissanillu ujartuisinnaanissat.
Allattariarsornermi oqalunnermillu kalaallisut qallunaatullu pikkorissoq
Suleqatigiiaarnermi aammalu attaveqaqatigiinnermi piginnaanilik.
Isumaginninnikkut aqutsisoqarfik suliassaataanik aaqqiiniarnermi akisussaaffimmik tigusisinnaasoq.
Ilinniakkat akimorlugit avatangiisini - ataasiakkaat ataatsimut isiginnilersitsinermut peqataaffigisaanni sulineq kajungernisaa
Ulapaarfiusunik ineriartorfiusunillu avatangiiseqarluni sulineq kajungernisaa ataatsikkullu arlalinnik suliaqarsinnaanissaa.
Angalallattaasarnissat naatsorsuutigissavat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Atorfiniffissaq:
1. april 2025 imaluunniit isumaqatigiissuteqarnikkut.
Paasissutissat allat:
Atorfik pillugu annertunerusumik paasisaqarusukkuit allaffimmi pisortaq Nivikka Witjes, oqar. +299 34 69 56 imal. E-mail:nivw@nanoq.gl aqqutigalugit attaveqarfigisinnaavat.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.