Tusagassiortoq KNR-TV-mut
KNR TV ataatsimik tusagassiortussarsiorpoq april-ip aallaqqaataani 2025 isumaqatigiissuteqarnikkulluunniit atorfinittussanik. KNR TV nutaanik TV-kkut aallakaatitassiornernik inerisaavoq. Nunatsinni isiginnaartartunik peqataatitsisarnissarput taavalu nunatsinni inuit ataasiakkaat oqaluttuaannik inuiaqatigiinnullu tunngasunik isiginnaagassiortarnissarput pingaartipparput.
Nunatsinni kulturi pillugu TV-kkut isiginnaagassiarput nuannarineqarluartoq Illeq sapaatit akunnerannut marloriarluta aallakaatittarparput. Tamatuma saniatigut aamma takisuunik isiginnaagassiortarpugut, taamaammallu suliavut pissanganartuupput. Kajumissuseqarpit, nammineersinnaalluarpit uummaarissuuninnillu kajumissisitsillaqqippit? Taamaappat suleqatitaarerusuppatsigit.
Kalaallisut oqaasilerillaqqipputit, oqaluttuareqqiillaqqipputit ullutsinnilu pisunut malinnaallutit. Qaamammut ikinnerpaamik marloriarlutit TV-kkut aallakaatitsisartussaassagavit qaammammut ikinnerpaamik marloriarlutit unnukkoortarnissat naatsorsuutigissavat.
TV-kkut aallakaatitsinermik misilittagaqarnivit saniatigut teknikkilerineq piginnaaneqarfigigukku inoqatinullu attaveqaatilerinissamik sapiissuseqaruit iluarissavarput.
Suliffik ulapaarfiusoq aamma nutaaliorsinnaanermik, suliat pitsaalluinnartumik naammassineqarnissaannik pingaartitsiffiusoq nuannersunillu suleqateqarfiusoq neqeroorutigaarput.
Aningaarsiatigut atorfinitsitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik oqartussat kattuffiullu isumaqatigiinniartussaatitaasup attuumassuteqafigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Ini atorfeqarnermut tunngavoq atorfeqarnerullu unitsinnerani qimanneqassalluni. Sukumiinerusumik paasissutissanik perusukkaanni mailikkut TV-mi pisortaq Mathias Davidsen-mut mail. mda@knr.gl imaluunniit aaqqissuisoq Nûno Pedersen mail nis@knr.gl -mut saaffiginnittoqarsinnaavoq.
Qinnuteqaat ilinniarsimanermut allagartat suliffigisimasaniillu oqaaseqaatinik ilallugit nassiunneqassapput kingusinnerpaammik:
Ulloq qinnuteqarfissaq kingulleq: 14. februar 2025.
KNR aamma Nuuk Illoqarfia pillugu
Kalaallit Nunaata Radioa “KNR” – Kalaallit Nunaanni nuna tamakkerlugu tamanut tusagassiivik – pilersinneqarpoq 1958-imi taamanimiillu nunami tusagassiuteqarnikkut qitiulluinnarluni inissisimajuarluni. KNR Kalaallit Nunaanni illoqarfimmi pingaarnermi, Nuummi 23.994-it missaannik inoqartumi, inissisimavoq. Nuuk illoqarfiuvoq uummaarissoq, atortorissaarutit nutaaliaalluinnartut pinngortitarsuullu naliitsup akuleriiffigisaat. Maani niuertarfiit alutornartut alakkarterneqarsinnaapput, kulturip illorsua Katuaq isersimaarfigineqarsinnaavoq, katersugaasivimmi eqqumiitsuliat alutorsaatigineqarsinnaallutik illoqarfiulluunniit filmertarfiani filmimik isiginnaartoqarsinnaalluni.
Pinngortitaq avatangiiserisaq Nuummi inuunermut ilaalluinnarpoq. Illoqarfik qaqqarsuarnik kangerlunnillu qinngortuunik avatangiiseqarpoq, ukiullu kaajallakkiartortarnera ersarissumik malunnaateqartarluni – misigisaq kalaallinik nunamut atassuteqalersitsisoq. Ilutigisaanik Nuummi sutorniartarfiit eqqissisimaarfiusinnaapput kissartumik kaffisorfiullutik mamarluinnartunilluunniit neriffiullutik, illoqarfimmilu inooriaaseq inuttut kialaarnermik allanngujuissutsimillu ilisarnaquteqarluni. Nuuk illoqarfiuvoq ileqqutoqqat nutaaliornerullu naapiffigisaat, timimut tarnimullu uummaarinnartumik.