Angallassinissamut pilersaarusiortoq

Timmisartup angalanissaanut pilersaarusiortoq / Air Greenlandimi Pre-flight Planning-itsinni Pre-flight PlannerSuliffeqarfimmi pissanganartumi, Kalaallit Nunaat tamakkerlugu sulerusuppit? Sineriak tamakkerlugu timmisartuutitsinnik ataqatigiissaarinermi suleqataarusuppit, aamma aallartussanik taamaatitsisoqartillugu aaqqiissutissanik ujartuisarneq suleqataaffigerusuppiuk? Taamaappat imaassinnaavoq illit Pre-flight Planner-itut nutaatut suleqatigileritsigit.

Immikkoortortaqarfik pilugu:

Pre-flight Planning Air Greenlandip Nuummi mittarfianiippoq, maannarpiarlu sulisut arfineq marluk sulisorineqarput.

Immikkoortortaqarfimmi angalanernut pilersaarutit, sullissisunik assigiinngitsunik nakkutilliineq, kiisalu angalanernik nakkutilliineq suliarineqarput. Aamma ulluni timmisartuussinerit pilersaarutaasut nikingasoorfiusuni naammassinninniartarpugut, taammalu angalasut tamarmik angalanermut pilersaarutinik nutaanik pissarsinissaat qulakkeertarlugu.

Piffissat suliffiusut nikerartarput, aammalu unnukkut, sapaatit akunnerisa naanerini nalliuttunilu pigaartuusarnerit ilaatinneqarput, taakkulu taarsiiffigineqartarput.

Immikkoortortaqarfimmi assigiinngisitaarnermik pingaartitsisorujussuuvugut, tamannalu aamma suleqatigiit ilutsinni, assigiinngitsunik tunuliaqutalinni piginnaaneqartunilu ersippoq.

Ujartugarput ilittut ittoq tassaavoq:

Uummaarissoq, namminersorsinnaasoq aaqqiinissamillu siunnerfeqartoq, mikisualunniit isiginiagaqarluartoq. Suliassanik ataqatigiissaarineq sungiusimavat, ulappunneq annertugaluarpalluunniit paasiniaanissamut pikkorissuuvutit, kiisalu ulluinnarni sullissivimmi aamma/imaluunniit mittarfimmi angallannerit ingerlanneqarnerinut atatillugu ileqqut suleriaatsillu ilisimaarilluarpatit.

Sullississutinik assigiinngitsunik paasinninnissaq ilikkarnissarlu ajornaatsippatit, aammalu kalaallisut, danskisut tuluttullu oqaatsit atorlugit attaveqaqateqarsinnaallutit.

Kinaavit?

• Ataqatigiissumik, mikisualunnik isiginiagaqarfiusumik sulianillu arlalinnik ataatsikkut ingerlatsiffiusumik sulisinnaavutit
• Akisussaaffimmik tigusisarputit aammalu namminersorlutit sulisinnaallutit, kisiannili aamma suleqatigiinnut ilaaneq nuannaralugu ingerlassinnaallugu
• Unammilligassanik pisoqartillugu aaqqiissutissanik nassaarniartarneq pikkoriffigaat
• Suliassanik ataqatigiissaarineq suliassatut taamaattussaannartut piginnaaneqarfigaat, aammalu suliat ingerlanerini immikkoortut tamaasa malinnaaffiginissaat qulakkeersinnaavat
• Kalaallisut, tuluttut danskisullu oqaatsit atorlugit pitsaasumik attaveqaqateqarsinnaavutit

Atorfimmi uku periarfissarissavatit:

• Siulliullutit suliniuteqarsinnaavutit, suliassanilu pisariusuni aaqqiissutissanik ujartuisinnaallutit
• Suliassanik ataqatigiissaarisinnaavutit
• Sullississutit suleriaatsillu atorlugit sulisinnaavutit
• Suleqataasinnaavutit, avatangiisinut suleqatigiiffiulluartunut tapiliussisinnaallutit

Suliassatit akisussaaffissatillu suussappat?

• Sullississutigut AIMS-imik aamma Altea-mik taaguutillit atorlugit angalanissanik pilersaarusiorneq
• Angalanerit tunisat sullississutinut malinnaanersut malinnaaffiginiarlugu nakkutilliineq
• Angalanissanut pilersaarutinik nikingasoortoqartillugu angalanissanut allanut nussuineq suliffeqarfiullu iluani paasissutissiisarneq
• Angalanissanut pilersaarutinik il.il. ataqatigiissaarineq

Neqeroorutigaavut:

Suliffeqarfik uummaarissoq pissanganartorlu, namminersorlutik, kisiannili aamma immikkoortortaqarfimmi sulisut allat suleqatigalugit sulinissamut periarfissaqarfigisat. Sullivimmi avatangiisit pitsaasut, suleqatigiinnermik suliatigullu ineriartornissamik, piffissat suliffiusut eqaatsumik aaqqinnissaannik aammalu aallarnisarnermi pikkorissarnernut assigiinngitsunut peqataanissamut aallussiffiusut.

Inunnut ataatsiakkaanut atugassarititaasut naapertorlugit atorfinitsitsisoqassaaq, tassanilu piginnaaneqarfitit, ilinniakkatit misilittakkatillu isiginiarneqassapput. Tamatuma saniatigut ilaqutariit ukiumoortumik sulinngiffeqarnermut atatillugu angalanerannut akiliunneqartarneq, soraarnerussutisiat, kiisalu sillimmasiissutit pilerinartut, ilaatigut piffissaq tamakkerlugu, ataatsimut inuunermut napparsimmavissuarmiinnermilu akiliunneqarnissamut sillimmasiissutinik ilaqartinneqartut ilaatinneqarput.

Soqutiginnippit?

Atorfik pillugu apeqqutissaqaruit Pre-flight Manager Felix Samo mail sds@airgreenland.gl aqqutigalugu attaveqarfigisinnaavat.

Qinnuteqarnissamut killissarititaasoq: apriilip 1.-at, 2025

Atorfik una qinnuteqarfigiuk