Air Greenland Groups-ip Nittarsaassinernut immikkoortortaqarfiani Pilerisaarinernut Siunnersorti

Air Greenland Group-ip nuisitsinernut immikkoortortaqarfiani ussassaarisarnermut siunnersortiNuisitsinernut immikkut ilisimasaqarlutit takornariaqarnermik siuarsaanissaq tunniusimaffigilluarlugu nassaarsiullaqqippit? Suleqatigiinni uummaarissuni qitiusumik inissisimallutit tuniniaanermi ussassaarisarnermilu nutaaliornermi, nunaqavissunut nunanilu tamalaaneersunut allannguisussani qitiusumik inissisimallutit tapiliussisarnissamut piareersimavit?

Air Greenlandimi Nuisitsisarnermut Pisortaq qullersarissavaat, aammalu sulisut tallimat ilinniartullu pingasut, imminnut qanillutik suleqatigiittut suleqatigilissallugit. Tamatuma saniatigut suliffeqarfissuarmi ingerlatseqatigiiffinni allani nuisitsinermut immikkoortortaqarfiit avataaniillu pilersuisut arlallit suleqatigilissavatit. Nuisitsinerit pillugit sulisugut suleqatigiit tunniusimasuupput, isumassarsianullu nutaanut ammallutik, assigiinngisitaarnerlu tamannarpiaq malitassanut ataatsimoorluta ineriartortitatsinnut nukiuvoq.

Akisussaaffeqarfissatit:

• Suliffeqarfissuarmut tuniniaanernik pilerisaarisarnernillu sunniuteqarsinnaasunik ineriartortitsinerit atulersitsisarnerillu.
• Siunissami niuerfimmi periusissianik pitsanngorsaajuarnissaq anguniarlugu niuerfimmi paasissutissanik pilerisaarisarnerillu inernerinik misissueqqissaartarneq.
• Pilerisaarisarnermut missingersuutinik aqutsineq aamma taakkuninnga pitsaasumik atuinissamik qulakkeerisarneq.
• Siunissami pilerisaarisarnerit ilusilerniarlugit niuerfiup ineriartornerinut atuisullu atugannaavinut malinnaaneq
• Suleqatinik isumaginninneq, ilaatigut Visit Greenland suleqatigalugu.
• Pilerisaarinerit attuumassutillit pillugit najukkani inuiaqatigiinnut aamma Kalaallit Nunaanni aaqqissuussaanernut atassuteqarnernik inerisaanerit.
• Nuisitsisarnerni sulianik ataqatigiissaarineq, taakkununnga nuisitsinerit, misigisaqartitsisarnerit aningaasaliisarnerillu ilanngullugit.
• Suliffeqarfissuarni tuniniaanermut immikkoortortaqarfinnut tallimaasunut siunnersuisarnerit suleqateqartarnerillu.

Suliatigut piginnaasaqarfiit:

• Nuisitsisarnernut tunniusimasoq, pilerisaarutinik pilersaarusiornermik saqqummiisarnermillu misilittagalik.
• Inuk sullivimmi ulapaarfiusunik avatangiiseqarluni sulinermik nuannarisalik, aammalu suleqatigiit suliffeqarfissuarmilu ingerlatseqatigiiffiit akimorlugit suleqateqarsinnaasoq.
• Attuumassutilimmik ilinniagalik (soorlu nuisitsisarnermut, tuniniaanermut imaluunniit attaveqaqatigiinnermut bachelori).
• Sivikinnerpaamik ukiuni arfineq pingasuni nuisitsisarnermi, sulianik aqutsinermi imaluunniit suliffeqarfissuarmik ineriartortitsinermi assingusunik suliaqarnermik misilittagalik.
• Misissueqqissaarsinnaassuseqarluartoq aamma paasissutissanik misissueqqissaarnermut sakkunik misilittagalik.
• Atortut digitaliusut atorlugit nuisitsinermik, SEO/SEM-imik, inuit attaveqaqatigiittarfiinik, e-mail-ikkut pilerisaarinernik aamma online-kkut paasititsiniaanernik misilittagalik.
• Attaveqaqateqarnissamut pikkorilluinnartoq – allakkatigut oqaluinnarnikkullu.

Inuttut piginnaasaqarfiit: Inummik siulliusinnaasumik, pinngorartitsisinnaasumik namminersorsinnaasumillu, nutaanik isumassarsiaqarnermini eqqarsarnissamut misileraanissamullu piareersimasumik suleqatissarsiorpugut. Pilerisaarutinik ineriartortitsinermi angusaqarnissat siunnerfigisarpat, ataatsimoortitsisarputit pinngorartitsisinnaassuseqarlutillu – aammalu nuannisarnissat nuannarilluinnarpat.

Neqeroorutigaavut:

• Atorfik unammillernartoq pissanganartorlu, suliatigut inuttullu ineriartornissamut periarfissaqarfiusoq.
• Atorfeqarnermi atugassarititaasut pilerinartut, atorfimmi inunnut ataasiakkaanut piumasaqaatit naapertorlugit akissarsiaqartitsiviusut.
• Ilaqutariit ukiumoortumik sulinngiffeqarlutik angalanerinut akiliussisarneq, soraarnerussutisiassat, kiisalu sillimmasiissutit annertuut, piffissaq tamakkerlugu ajutoorsinnaanermut, ataatsimut inuunermut peqqissutsimullu sillimmasiissutinik ilaqartut.

Annertunerusumik paasisaqarusukkuit Suliffeqarfissuarmi nuisitsisarnernut pisortaq Katja Vahl mobil +299 58 92 59-imut imaluunniit e-mail kvh@airgreenland.gl aqqutigalugu attaveqarfigisinnaavat.

Qinnuteqaatit uppernarsaatillu attuumassutillit kingusinnerpaamik 31. marsi 2025-mi Air Greenlandip nittartagaatigut nassiuguk.

Qinnuteqarnissamut killissarititaasoq: marsip 31.-at, 2025

Atorfik una qinnuteqarfigiuk