Suliniutinik aqutsisut Sanaartornermut immikkoortortaqarfimmut

Suliniutinik aqutsisussanik pikkorissunik tunniusimasunillu, Kalaallit Nunaanni illuliortiternermut sanaartornermullu suliassaqarfiup inissisimaneranik ineriartortitseqataarusuttunik, maanilu pisortat sanaartornerinik ineriartortitseqataarusuttunik pissarsiorpugut.

Sanaartornermut Immikkoortortaqarfiup immikkoortut arlaqartut isumagisarai, matumani Namminersorlutik Oqartussani sanatitsisutut qitiusumik oqartussaaneq kiisalu inissianik allanillu sanaartornerni sanaartorneq, sananeqaatit, ilusilersuinerillu pillugit aalajangersakkat ilanngullugit isumagisaralugit. Tamatuma saniatigut sanaartornermi nutaaliorneq, ineriartortitsineq kiisalu pitsanngorsaanerit eqqarsaatigalugit pingaarnertut anguniakkat pillugit qitiusumik suliassat Sanaartornermut Immikkoortortaqarfiup isumagisarai.

Sanatitsisutut oqartussaanerup saniatigut Qitiusumik Sanaartornermut Oqartussaaneq, Namminersorlutik Oqartussani sanatitsisutut oqartussaaneq, Namminersorlutik Oqartussat inissiaataannik aqutsineq, Namminersorlutik Oqartussat illuutinik piginnittuunera, Namminersorlutik Oqartussat Sillimmasiissutaat, illuliortiternermi aningaasalersuisarnermik aqutsineq kiisalu naalakkersuisoqarfimmi Aningaasaqarnermut Sulisoqarnermullu allaffeqarfiit immikkoortortaqarfiup isumagisarai. Tassunga tunngatillugu Sanaartugassanut Iluarsagassanullu Aningaasaateqarfimmik aqutsineq immikkoortortaqarfiup isumagisaraa.

Sanaartornermut Immikkoortortaqarfimmi suliniutinut aqutsisoqatigiit, pingaartumik inissianut, ilinniartitaanermut peqqissutsimullu immikkoortortani nutaanik sanaartornissanik aqutsisut, suliniutinut aqutsisutut suleqatigissavatit. Imaappoq, avataani suleqatigisat suleqatigalugit suliniutit, neqeroortitsinissallu suliarineqarnissaasa ataqatigiissaarneqarnissaat, suleqatigisanut isumaqatigiissusiornerit, sanaartornerullu ingerlanerani malittarinninneq, nakkutilliinerlu suliassarissavatit.

Nunatsinni silap pissusaanut, sulinermilu atugassarititaasunut naapertuuttunik aaqqiissutissarsiorumalluta sanaartornerup iluani nutaaliorneq, ineriartortitsinerlu suliniutinik aqutsisoqatigiinni pingaartitaraarput.

Pingasunik suliniutinik aqutsisussarsiorpugut, Sisimiuni imaluunniit Nuummi atorfeqartussat.

Neqeroorutigaarput

Sanaartornermut Immikkoortortaqarfimmi sulineq avatangiisini pissanganartuni suliatigullu unammillernartuni, ineriartortitsinermut akisussaaffeqarnissamut suliatigullu ineriartornissamut periarfissaqarfiusuni ingerlanneqarpoq.

Suliffeqarfik nutaaliornissamik nutaamillu eqqarsarnissamik aallussiviusoq

• Naalakkersuisoqarfimmi politikkikkut aalajangiisarnerit qanillugit atorfik

• Sullivimmi avatangiisit pingaartorsiorfiunngitsut ammasullu, tunniusimasunik suleqateqarfiusut

• Inuttut suliatigullu unammilligassat, kiisalu ilinniaqqinnissamut periarfissat

Pissusilersortarneq pingaartorsiorfiunngilaq, aammalu ulluinnaat ulapaarfiusut isumagissaarfiupput, kisiannili aamma sulinerup ilaqutariittullu inuunerup ataqatigiinnissaat ataqqineqarluni.

Suliassaqarfiit

Sanaartukkat aallartinneriniit naammassinissaannut suliniuteqarnermut aqutsisutut aqutsineq isumagisarissavat. Tassunga assersuutigalugu ilaapput:

• Pilersaarutinik aamma pilersaarusiassat suliarineqarnerinik imaluunniit pilersaarutinut tunngaviusunik allanik isumaginninneq

• Sulianut najoqqutassanik ingerlaavartumik malinnaaneq pitsaassutsimillu qulakkeerinnittarneq

• Pisortat allat suleqatigalugit neqerooruteqartitsisarneq aamma suliariumannittussarsiuussinerit inernerinut isummertarneq

• Ulluinnarni aningaasaqarnermik aqutsinermut akisussaaffeqarneq, tassanilu akileeqqusissutit, akiligassat, qularnaveeqqusiissutit il.il.

• Attaveqaqatigiinnermik isumagisaqarneq, soorlu pisortat suleqatigalugit entreprenørinut pilersuisunullu isumaqatigiissuteqarnissamut isumaqatiginninniarnerni

• Suliap immikkoortuini tamani Namminersorlutik Oqartussat sinnerlugit sanatitsisutut sulineq kiisalu sanaartukkani ulluinnarni suliniutinik aqutsineq

Suliassatit sanaartukkanut tunngatillugu politikkikkut aalajangiinerni anguniakkat piviusunngortinnissaannut attuumassuteqassapput, kisiannili immikkoortortaqarfiugatta mikisunnguaq suliassat akimorlugit suleqatigiinnissaq eqaatsumillu aaqqiisinnaanissaq pisariaqarpoq.

Atorfimmut atatillugu angalangaatsiartarnissaq naatsorsuutigineqassaaq.

Qinnuteqartoq piukkunnaatilik

Qinnuteqartoq piukkunnaatilik bygningskonstruktøritut, issittumi ingeniøritut, assigisaanilluunniit ilinniagaqarsimassaaq. Sanaartorneq assigisaaluunniit ilanngullugit misilittagaqarneq iluaqutaassaaq, piumasaqaataanngilarli.

• Ilinniakkaminnik naammassinnerlaat qinnuteqarnissaannik aamma kaammattorneqarput. Allakkatigut oqaasiinnartigullu attaveqaqatigiinnissamut pikkorissuussaaq

• Suleqateqarnissamik siunnerfeqassaatit, misissueqqissaarsinnaassaatit aammalu suleriaatsinni anguniagaqartuussallutit

• Pimoorussisuussaatit – akisussaaffimmik tigusinissamut suliniuteqarnissamullu piumassuseqassaatit piginnaaneqassallutillu

• Suleqataasinnaassaatit, pingaarnertullu nammineerlutit sanaartukkap immikkoortuini tamani pitsaassutsimik siumukarnermillu qulakkeerisinnaassaatit

Atorfimmi ilinnut piginnaasannullu annertuunik piumasaqartoqartarnera misigisussaavat. Suliatigut annertuunik piginnaaneqarnerpit saniatigut inuttut arlalinnik piginnaasaqarnissat naatsorsuutigaarput, taakkununngalu sulianik annertuumik paasisimaarinninnerup aammalu immikkoortunut paasisimaarinninnerup akornanni oqimaaqatigiissitsisinnaanissat, namminersornerup ataatsimullu pilersitsisinnaanerup akuleriissinneqarnerini iluaqutissanik takunnissinnaanissat, kiisalu ileqqorissaarlutit, pingaartorsiornak qiimallutillu sulisinnaanissat – ilaanneeriarluni – ulluni ulapaarfiusuni.

Kalaallisut oqaatsinik inuiaqatigiinnillu ilisimasaqaruit iluaqutaassaaq.

Pingaarnertut pisortat sanaartorneranni sulinitsinni malunniuteqarnissamut sunniuteqarluarnissamullu piumassuseqassaatit. Ulluinnarni ulapaarfiusuni toqqissisimasinnaassaatit, paasisimaarinnillutit isumassarsiat iliuuseqarnermik kinguneqartissinnaassallugit.

Paasissutissat annertunerusut

Apeqqutissaqaruit allaffimmi pisortaq Robert Høegh, roho@nanoq.gl, attaveqarfigisinnaavat.

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk