PAASISSUTISSAT
Atorfiup suussusaa: Allagarsiuteqqitaq, Aalisarnermut Piniarnermullu inatsisileritooq
Suliffeqarfik: Aalisarnermut Piniarnermullu Naalakkersuisoqarfik
Qinnuteqarfissamut killigititaq: 10. apriili
Attavissaq: Thomas Rassing saaffigisinnaavat ugguuna thra@nanoq.gl, oqa. 00299 555333 imaluunniit HR-imi immikkoortortaqarfimmi pisortaq, Max Heilmann mxhl@nanoq.gl, oqa. 00299 345212.
Ilaquttannut, sunngiffimmut aalisarnermullu piffissaqarnerorusuppit? Ulapaarfiusumi ulluinnarnilu suliffimmi allanngorarfiusumi namminersorluni suliassanik suliaqarneq nuannaraajuk, Kalaallit Nunaannilu naalakkersuinikkut aqunneqartumi ulappuffiusumi allanngueqataarusuppit?
Imaassinnaavoq illiusoq kalaallit nunaata iluani tunniusimallutit pikkorillutillu inuiaqatigiinnut iluaqutaasumik aalisarnermut piniarnermullu suliassaqarfitta iluani pisuussutigut uumassusillit ingerlanneqarneranni suleqatiginiarlugu ujartugarput. Politikikkullu aqunneqartumik sukkasuumik suliaqarneq nuannarigukku, tunniussiffissat sivikitsut, tusagassiortunit malinnaavigineqarluartut suleqatitullu suleqatinnerpalaartut soqutigigukkit, imaassinnaavoq una suliffik ilinnoortoq.
Suliassat
Naalakkersuisoqarfimmi inatsisilerituutut assiginngitsorpassuarnik suliassaqassaatit - naalakkersuisoqarfimmi inatsisilerituut allat suleqatigalugit - inatsisit nalunaarutillu suliarinissai nutarternissaalu akisussaaffigissavat, inatsisitigut allakkiat aamma Inatsisartut Ombudsmandianit saaffiginnissutit isumagalugit. Saniatigut aamma naalakkersuisunik sullissineq, Inatsisartut ilaasortaannit ataatsimiititaliamillu apeqqutigineqartut akillugit, inatsisinik ingerlatsinermi naalakkersuisuni sulisut ilitsersuullugit aamma inatsisinik nassuiaaneq pitsaasumillu qulakkeerinninneq isumagissavatit, aammalu piujuartitsinikkut ingerlatsinermi pinngortitami pisuussutinik politikikkut ilusilerseqataallutit. Kiisalu aamma nunani tamalaani aalisarneq pillugu isumaqatiginninniarnerni peqataanissamut tamatumalu inernisssaanik sunneeqataanissamut periarfissaqarluni.
Illit piginnaasatit
- Inatsisilerituutut ilinniarsimaneq.
- Oqaatsit ersarissut atorlugit ajornartorsiutinik imaannaanngitsunik ingerlatitsillaqqissuunermik allattariarsornermi oqaluttariarsornermilu piginnaasaqarneq.
- Suleqatikkuminartuuneq, eqinnaatsuuneq attaveqaqatigiinnikkullu piginnaasaqarluarneq.
- Politikikkut aqunneqartumi sulissutini sulineq ulapittumilu sulinissaq soqutigigaanni.
- Namminersorsinnaaneq
Kalaallit Nunaanni Namminersorlutik Oqartussani suliffimmi qaffassaanermut periarfissat
Sulinerit allaffissornerinnaajunnanngilaq. Kalaallit nunaanni pinngortitaq alutornartoq kulturikkullu kingornussaq tupinnartoq misiginissaanut periarfissaqarumaarputit. Namminersorlutik Oqartussani sulinermi misilittagaqartitsiinnarneq ajorpoq, inuttulli aamma ineriartornarpoq. Nuup illoqarfittaani pissanganartumi pingortitamit uumasunillu avatangiiseqartumi najugaqassaatit, sunngiffimmilu sammisassat arlallit soorlu sangusaarfissat, ataarfissat, umiartorneq, aalisarneq, piniarneq, pisuttuarneq timersorneq allarpassuillu periarfissarissavatit. Inuit ataqatigiipput, inuiaqatigiinnilu pisuujusumi ilaajumaarputit.
Atorfiup inuttut suliassatigullu misilittagaqalersissavaatit, Danmarkimilu unamminartumik sulinissamut ujaasiguit sulinermi qaffakkiartornissamut periarfissat ammassapput.
Ulloq atorfiniffissaq
Ulloq 1. maj 2025 imaluunniit isumaqatigiissuteqarnikkut
Paasissutissat annertunerusut
Atorfik pillugu paasisaqarnerorusukkuit inatsisilerituuni immikkoortortaqarfimmi immikkoortortami pisortaq Thomas Rassing saaffigisinnaavat ugguuna thra@nanoq.gl, oqa. 00299 555333 imaluunniit HR-imi immikkoortortaqarfimmi pisortaq, Max Heilmann mxhl@nanoq.gl, oqa. 00299 345212.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
