Immikkut siunnersortimik Tusass sulisussarsiorpoq

Nunatta qarasaasiatigut attaveqaasersorsimaneranik suliffeqarfimmik suliniutinik aaqqissuussanik ingerlatsinermik sulialimmik aammalu inuiaqatigiinnut annertuumik pingaarutilimmik sunneeqataarusuppit? Immikkut siunnersortimik maanna pissarsiorpugut, taassuma CFO aammalu aningaasaqanermut immikkoortortaqarfimmi ingerlatsinermut, aaqqissuussaasumik pilersaarusiornermut aammalu ineriartortitsinermut suliniutinik piviusunngortitsisinnaasumik ikorfartuilluarsinnaasumik pissarsiorpugut.

Suliassat qitiusut

• CFO-mut toqqaannartumik ulluinnarni sulianut aammalu aaqqissuussanik suliniutinut ikorfartuineq.
• Periusissiamit suliniutinik pilersaarusiorneq atuutitsinerlu, tamatumanilu ataqatigiissaarineq aammalu aalajangiussanut malitseqartitsineq.
• Aningaasaqarnermut immikkoortortaqarfimmi aammalu suliffeqarfiup iluani suleqatigiinnermik pilersitsineq.
• Suliffeqarfiup aningaasatigut aaqqissuineranut tunngatillugu nalunaarusianik misissueqqissaarnernillu suliaqarneq.
• Periutsinut nutaanut ataqatigiissaarisuuneq aammalu suliniutit piffissaq eqqorlugu naammassinissaannut qulakkeerinninneq.

Inuttut piginnaasat

• Aaqqiissuussamik suliaqarneq pilersaarusiornerlu: Aaqqiissuussamik pitsaasumik suleriuuseqarputit, suliniutinillu piffissamik eqquilluni naammassinninnissamut anngussiniarsinnaajumallutit pingaartorsiullaqqillutit. Suliniutit arlallit ataatsimut suliarisinnaavatit, tamakkiisumillu isiginnissinnaallutit suliami immikkuualuttunik takunnissinnaavutit.
• Ajornartorsiutinik aaqqiineq: Nalilersuillaqqipputit ajornartorsiutinullu aaqqiissutissarsiullaqqillutit, sukkasuumik ajornartorsiutaasinnaasumik nassaallaqqillutit aammalu tassunga aaqqiissutissarsiupallaqqillutit. Eqqarsariallaqqinerit aammalu ataqatigiissaakkamik suleriaaseqarnerpit aningaasalerinermi immikkoortortaqarfimmi suleqatitut isumalluutaalluassaatit.
• Attaveqarneq: Allattagiarsornikkut oqaatsitigullu piginnaasanik pitsaasunik peqassaatit, nalunaarusianik,saqqummiinernik aalajangiinernullu saqqummiinernik suliaqartartussaagavit. Paasissutissanillu ajornakusoornartunik pitsaasumik paasinartumillu saqqumiissinaavutit, suliffeqarfiullu iluani pitsaasunik atassuteqalersinnaallutit.
• Suleqatigiinneq eqaatsuunerlu: Namminersorlutit sulisinnaavutit, taamaattorli immikkoortortalinni arlalinni suleqateqarluarsinnaallutit. Suliffeqarfimmi aalassarissumi akuusinnaanermik pitsaasumik periuseqarlutillu pingaartorsiornernillu nikeriasaartunut qisuariallaqqillutit.
• Suliniutinik aqutsineq: Suliniutinik aqutsisimanermut misilittagaqarneq iluaqutaassaaq, suliniutaasussat pilersaarusiornissaannut, atuutsilersinneqarneri aammalu piffissaq naapertorlugu malitseqarfigineqarnissaat qulakkeertussaassagakkit. Taamaammallu aaqqiissuussamik suliaqarsinnaaneq suliniutinilu siuariartitsisinnaaneq piginnaasaqarfigaat.

Piukkunnaatit

• Ilinniarsimanikkut attuumassutilimmik ilinniarsimaneq (aningaaserineq, allaffissorneq imal. assinganik). Atorfilikkaatut inissisimasimaneq iluaqutaassaaq.
•  Pitsaasumik attaveqarnikkut piginnaasaqarneq (allannikkut oqaatsitigullu).
• Aaqqiissuussaasumik pilersaarusiorsinnaaneq, suliniutinik aqutsisuusimaneq atuutsitsilersimanerlu
•  Suliffeqarfinni imaannaanngitsuni ingerlaarsinnaaneq aammalu pitsaasumik suleqatiginnissinnaaneq.

Neqeroorutigaarput

• Sunniisinnaaneq aaqqissuussamillu suliaqarneq: Aningaaserinermut immikkoortortaqarfimmi pisortani akuunermi, aaqqissuussaasumik aalajangiisarnernut aammalu tamakkununnga sunniuteqarsinnaanermut ilaassaatit.
• Inuttut suliassatigutllu ineriartorneq: Sulisutsinnut inerisaaqataarusuppugut, tamakkununnga pikkorissarnerit, suleqatigiisitsinerni aammalu ilinniarfiusinaasutigut piginnaasannik inerisaaqataasinnaavugut.
•  Suliffeqarfik aalaaluttoq: Suleqatigiinni suliaqarusussusilinni suliniutinillu sulialinnik inississaatit, tassuunalu nunatsinnut qarasaasiatigut ineriartornermut allanngueqataallutit.
•  CFO qanimut suleqatigalugu: Atorfimmi qitiusumik CFO qanimut suleqatigineratigut aammalu aningaaserinermi sulialinnik pingaarutilinnik qanimut suleqateqassaatit, taamatullu suliffeqarfimmi immikkoortortarqarfiit arlallit suleqatigiumaarlugit.
• Suleqatigiinneq nukittooq aammalu suleqatikkuminassuseq: Sulerusussuseq aammalu tunniusimanerit qujaruttarpagut, taamaasillutalu suliffimmik eqaatsumik neqeroorluta, tassuunalu suliffeqarfiup ineriartorneranuttaaq sunneeqataasinnaanerit misigissavat.

Qinnuteqarneq

Ingerlaavartumik oqaloqatigiinnerit pilersaarusiorneqarumaarput, atorfiullu inuttassaanik tulluuttumik nassaartoqariarpat inuttalerneqarumaarluni. Qinnuteqarnissamut ulloq killigititaq: 07. april 2025.

Apeqqutissaqarpit? Atorfik pillugu apeqqutissaqassaguit, CFO Line Mika Skov oqa. +299 584255 / lms@tusass.gl imaluunnit Sulisoqarnermut Immikkoortortaqarfik oqa. +299 341255 / hr@tusass.gl attaviginikkut apeqquteqarsinnaavutit.

Qarasaasiakkut maana qinnuteqaatit, CV aammalu allagaatit allat attuumassuteqarsinnaasut ilanngullugit piaarnerpaamik atorfimmut qinnuteqarit.

Tusarfiginissat qilanaaralugu.

Tusass 

Tusass Namminersorlutik Oqartussanit pigineqarpoq, nunatsinnilu attaveqaasersuinermi aammalu assartuinermut ataqatigiissaarinermut pisortorfiulluni, suliffeqarfimmilu sulisut 360-t missaanniittut suleqatigiillutik aammalu ~DKK 800 mio-nik isertitaqarluni. Nuummi qullersaqarfeqarluni Nunarput tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaa.

Uani paasisaqarnerusinnaavutit: www.tusass.gl

Uani qinnuteqarit