Sanarfinermut Avatangiisinullu immikkoortortaq, allaffissornermi sulisussarsiorpoq

Kalaallit Nunaanni inuussutissarsiornikkut pingaaruteqarnerpaaq uummateqarfigaajuk? Pisoqarfiusuni ineriartornermut sunniuteqaqataarusuppit?

Taamaappat Sanarfinermut Avatangiisinullu Immikkoortortami piniarnermut aalisarnermullu immikkoortortami allaffissornermi sulisoq ilinnut soqutiginassaaq!

Kommuneqarfik Sermersuup Sanarfinermut Avatangiisinullu Ingerlatsiviani, Ingerlatsinermut Avatangiisinullu Immikkoortortaqarfik eqeersimaartumik piniarnermut aalisarnermullu immikkoortortami allaffissornermi sulisussarsiorpoq. Inummik sungiussiasumik piniarnermut aalisarnermullu immikkoortortami malittarisassanik ilisimasaqarluartumik pissarsiortoqarpoq. Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Allaffissornermi sulisumik aalisarnerup piniarnerullu iluani malittarisassanut inatsimmullu ilisimasalimmik pissarsiorpugut.Aalisartunut piniartunullu tapiissuteqarnissamut periarfissanik aningaasalersuinissaq pillugu ilisimasaqassaatit. Suliassat assigiinngiiaartuussapput.

Aalisarnermut piniarnermullu siunnersortitut ilaatigut suliassanik ukuninnga suliassaqassaatit:

∙Kommuneqarfik Sermersuumi imaani pisuussutit uumassusilinnik immikkoortumi aqutsineq

∙Aalisartunut, piniartunut, sunngiffimmi pinialuttartunut, aalisarnermut kattuffinnut Namminersorlutik Oqartussanullu attaveqarneq

∙Piniarneq aalisarnerlu pillugit qinnuteqaatinik suliaqarneq

∙Pinianermut aalisarnermullu akuersissutinik sullissineq

∙Angallatinik Søfartstyrelsen-imut nalunaarsuineq

∙Aalisartut quiinik aqutsineq

∙Suleqatit suleqatigalugit tusarniaanernik assigiinngitsunik akissuteqarneq

∙Aalisarnermik piniarnernillu inuussutissarsiuteqarnermik ineriartortitsineq

∙Inuussutissarsiorfiup iluani inatsimmut ilisimasaqarneq

∙Illuatungeriinnik akuutinneqartunik akimortumik suleqateqarneq

∙Suliassat takkussuuttut nalinginnaasut

Piginnaasaqarfigisassatit:

∙Tassunga assingusumik suliffeqareersimaninnit allaffissornikkut misilittagaqarluarneq

∙Suliatigut tunniusimasoq siuttuusorlu

∙Namminersorluni, akisussaassuseqarluni kiffartuussisinnaallunilu sulisinnaasoq

∙Pitsaasumik ingerlatitseqqissinnaasoq

∙Qarasaasiamik atuinissamik ilisimasaqartutit

∙Aalajaatsoq, tatiginartoq qiimasorlu

∙Tulleriiaarisinnaassuseqarneq, aaqqissuussaasumillu sulisinnaaneq

∙Qallunaatut kalaallisullu oqaatsitigut allattariarsornikkullu pitsaasumik piginnaasalik

Neqeroorutigisinnaavarput:

∙Suliffik soqutiginartoq, aamma assigiinngiiaartunik namminersorluni piginnaasatigut ingerlatsineq, aamma akisussaaffilik.

∙Ingerlatsivimmi immikkoortut allat suleqatigalugit

∙Pikkorissunik piumassuseqarluartunillu suleqateqarlutit suliffimmi suleqatigiilluarneq.

∙Suliatigut inuttullu ineriartornissamut periarfissat pitsaasut.

∙Kommunimi annertuumik ineriartortinneqartumi atorfik unamminiarnartulik

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Margrethe Rosing Hegelund, oqarasuaat +299 34 74 13 imaluunniit e-mail: mroh@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 352-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 30.-at, 2025

Atorfik una qinnuteqarfigiuk