Neqerooruteqartitsinermut Isumaqatigiissutinullu immikkut siunnersorti

Kommuneqarfik Sermersuumi neqerooruteqartitsinermut isumaqatigiissutinillu aqutsinermi pingaaruteqartumik sulialinnut suleqataalissaatit

Neqeroortitsisarneq, isumaqatigiissutit aamma sillimmatit ilisimasaqarfigilluarpigit? Imaluunniit taakkuninnga suliaqarneq pilerigissagaluarpiuk? Kommuneqarfimmilu piuartitsinermik akisussaassuseqartumillu pisiortortarnermik pingaartitsisumi sulinissat kissaatigaajuk? Taava illiusimassaaq ujartugarput!

Atorfik pillugu

Suleqataasinnaasumik pikkorissumik tunniusimasumillu pisiniartarnermut neqeroortitsisarnermullu suliassanik aallartinneraniit naammassinissaanut suliaqarsinnaasumik pissarsiorpugut. Akisussaaffigissavatit:

·Nioqqutissanut kiffartuussinernillu neqeroortitsinermik suliaqarnissamut pilersaarusiorneq ingerlatsinerlu

·Isumaqatigiissutinik sillimmatinillu aqutsineq

·Pisiortorfigisartakkanik misissuineq pitsaanerulernissaannillu suliaqarneq

·Neqeroortitsisarneq pillugu siunnersuineq aamma isumaqatigiissutit pitsaassusaannik qulakkeerinninnermik suliaqarneq.

·Kommuneqarfimmi ingerlatsivinnik assigiinngitsunik sulianik siunersiueqatigiittarneq

·Aaqqissuussinermut Pisiniartarnermilu pisortamik isumasiueqateqarluni aningaasatigut iluanaaruteqarsinnaaneq pitsaassuserlu ukkataralugit neqeroortitsinermik aamma isumaqatigiissusiornermik qulakkeerinneqataaneq

·Pisiortortarfitsinnut isumaqatigiissuteqarnitta kiisalu piujuartitsisumik pisiniartarnitsinnut ineriartortitsinitsinni tamakkiisumik iluaqutigisarnissaasa aqunneqarnerannut qulakkeerinniffigineqarnerannullu suleqataaneq

Ilinnut tunngasut

Suleqatissarput tassaassaaq:

·Sivisuumik ilisimatusarnermi ilinniagartuutut ilinniagaqarsimasoq

·Akisussaaffeqarnermik iluarisimaarinnittoq suliassanillu piumasaqaatitalinnik aqutsisinnaasoq

·Neqeroortitsinermik, isumaqatigiissutinik aqutsinermik isumaqatiginninniartarnernillu misilittagaqartoq

·Misissueqqissaarillaqqissoq, aaqqissuussaasumik suliaqartartoq aamma attaveqaatinik nutaanik pissarsiaqallaqqissoq

·Ersarissumik attaveqaqatiginnittariaasilik aamma suliassaqarfiit assigiinngitsut akornanni suleqateqarsinnaasoq

·Danskisut oqaaseqartuusutit sapinngisamillu (kalaallisut iluaqutaassapput, piumasaqaataanngilarli)

Neqeroorutigaavut

·Kommuneqarfimmi pimoorullugu anguniagalimmi allanngueqataanissamut periarfissaqarpoq

·Suleqatigiit imminnut tapersersortarlutillu siunersiueqatigiittartut

·Ulluinnarni unammilligassat pissanganartut allanngorartullu

·Sulinermut atatillugu inissaqartitsisoqassaaq

Suliatigut qaffasissumik inissisimasunik, piujuartitsinissamut aaqqiissutinik qulakkeerinnittarluta, suleqataalissaatit. Atorfimmi Aaqqissuussinermut Pisiniartarnermilu pisortaq qaninnerpaatut pisortarineqassaaq. Aaqqissuussinermut Pisiniartarnermilu Suliffeqarfiup iluani Kiffartuussivimmut ilaapput, tassanilu suliaqarfiit arlallit ilaallutik.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aaqqissuussinermut Pisiniartarnermilu pisortamut Kristine Lange Lyberth, oqarasuaat +299 36 72 27 imaluunniit e-mail: klly@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 361-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 2.-at, 2025

Atorfik una qinnuteqarfigiuk