KNR Radio-mi pisortaq

Kalaallit Nunaata Radio-ani ineriartortitsinermi siuttoorusuppit?

KNR pimoorussisumik nukittuumillu radiomi pisortassarsiorpoq. 

Ulluni ineriartorfiusuni piumasaqaatinut qaffasissunut, suliarilluakkamillu pilersitsisinnaasumik aammalu ineriartortitsinermik ingerlatsisinnaasumik.

Atorfik

Pisortaq radiomut immikkoortortaqarfimmi ulluinnarni aqutsinermut ineriartortitsinermullu akisussaavoq KNR-imilu aqutsisunut ilaalluni. Aammattaaq periusissiami anguniagassanut akisussaasuussaaq aammalu qulakkiissallugu immikkoortortaqarfiup siammarteriviit assigiinngitsut aqqutigalugit aallakaatitsisarneranut aaqqissuisoqarnikkut aallakaatitassiortarnikkullu qullersatut akisussaasuulluni. Pisortap KNR-ip aallakaatitassiaata tamatigoortuullutillu soqutigisaqaqatigiiffiit aalajangersimasut soqutigisaannut attuumassuseqannginnissaat kiisalu ileqqorissaarnikkut illersorneqarsinnaanissaat qulakkeertussaavaa.

Pisortap pingaarnertut akisussaaffii:

• Aaqqissuisoqarfinnik nukittuunik nutaaliaasunillu pilersitsisinnaasoq suliatigut nutaaliornikkullu qaffasissumik periuseqarnikkut
• Radiomut immikkoortortaqarfiup erseqqissunik anguniagaqarfiullunilu piumasaqaateqarluni suliffittut ingerlalluarnissaanik qulakkeerinnissinnaasoq
• Sulisut akornanni atugarissaarnissamik kajumissusermillu qaffasissumik qulakkeerinnissinnaasoq

Piginnaasat:

• Naleqquttumik ilinniagaqarneq, aqutsinermillu misilittagaqarneq pilersaarusiornermullu tunngatillugu paasisimasaqarneq
• Siammarterivinni tamani tusagassiornermik tusagassiuutitigullu nutaaliaasumik aallakaatitassiornermik siammasissumik misilittagaqarneq
• Suleqatigiilluarsinnaaneq, attaveqaqatigiilluarsinnaaneq sulisullu akornanni atugarissaarnissamik kajumissusermillu qaffasissumik qulakkeerinnissinnaaneq
• Kalaallit oqaasiinik allattariarsornikkut oqaluttariarsornikkullu qaffasissumik piginnaasaqarneq, aammalu danskisut tuluttullu oqalussinnaaneq.
• Radiomut immikkoortortaqarfiup aallakaatittagaanik ineriartortitsillunilu pitsanngorsaasinnaasoq

Akissarsiatigut atorfeqarnermilu pissutsit

Atorfik akissaateqarfimmi LR 38-mi maanna inissisimavoq/akissarsiatigut aalajangersagaavoq.

LR 38-mi akissarsiat tapit aalajangersimasut ilanngullugit apriilip aallaqqaataani 2022-mi qaammammut Kr. 59.906-iupput ukiumoortumillu Kr. 718.872-iullutik. 

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq. Qinnuteqartorlu tjenestemanditut atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu inissaqartitsisoqanngilaq.

Qinnuteqartoq maanna atorfigisaminut atatillugu Namminersorlutik Oqartussat ataanni ineqareersimappat taanna tigummiinnarneqarsinnaavoq. Atorfimmut atatillugu ineqaraanni suliffimmit soraarnermi inigisaq qimanneqartussaavoq.

Attaveqarfissat paasissutissallu amerlanerusut

Paasissutissat amerlanerusut pisariaqartikkukkit pisortaanerugallartumut Bjørk Lange Olsen-imut saafiginnissinnaavutit, oqarasuaatikkut 36 45 69-imut sianerfigineqarsinnaavoq imaluunniit mailikkut blo@knr.gl-imut allaffigineqarsinnaalluni.

Ulloq qinnuteqarfissaq kingulleq 8. maj 2025

Qinnuteqarnissamut killissarititaasoq: maajip 8.-at, 2025

Atorfik una qinnuteqarfigiuk