Qaqortumi ilanngaaserisoq

Namminersorlutik Oqartussat

Akileraartarnermut Aqutsisoqarfik

Ilanngaaserisunik aataatsimik marlunnilluunniit

sulisussarsiorpoq

Kalaallit nunaanni innuttaasut sullinneqarluarnissaannik peqataarusuppit?

Taamaappat, Qaqortumi ilanngaaserisutut atorfik inuttassarsiugaq nutaaq ilinnut soqutiginarsin-naavoq?

Atorfik Akileraartarnermut Akitsuuserinermullu siunnersortsi Qaqortumiittussaq inuttassarsiuunneqarpoq 1. juli 2025-imi aallartittussamik imaluunniit immikkut isumaqatigiinnikkut.

Qaqortumi ilanngaaserisutut qimmeqartinneqassuutit, nunatsinnilu ilanngaaserisut qimmeqartinneqartut allat peqatigalugit suleqataallutit. Taamaammat pingaaruteqarpoq suleqatiginnilluarsinnaanissat, sulianik naammassisaqarsinnaassasutit ilaatigut ullormut ulapinnarsinnaasunut, sulilluarsin-naaneq sullissilluarnissarlu annertuumik pingaaruteqarmata.

Sulinermi aaqqissuussaanermik inissisisimaneq suliassallu:

Atorfik Qaqortumi Nioqqutissanik Akitsuutinillu Nakkutilliisoqarfimmi, Akileraartarnermut Aqutsisoqarfiup Akileraaruserinermut Misissuinermullu Immikkoortortaqarfiata ataani inissisimavoq.

Immikkoortortaqarfiup suliarai akileraarutinut tunngasut tamaasa, matumani ilanngullugit nunami maani innuttaasut, ingerlatseqatigiiffiit, namminersorlutillu inuussutissarsiuteqartut aningaasarsiaannik akileraaruteqaataasussanik angissusiliinerit kukkunersiuinerillu, apeqquteqaatit akineri kiisalu tamakkiisumik innutaasunut suliffeqarfinnullu ilitsersuinerit, il.il. ilanngaaserisoqarnerlu.

Ilanngaaserisutut/ikiaroornartumillu ujaasisinnaasumik qimmeqartutut, makku suliarissavatit:

• Timmisartunut ilaasunik misissuineq
• Timmisartukkut, allakkatigut umiarsuakkullu nassiussanik misissuinerit
• Timmisartunut umiarsuarnut il.il. ikilluni misissuinerit
• Sinerissami ilanngaaserisut suliaannik nakkutilliineq ilinniartitsinerlu
• Ilanngaaserinermi sulinermi allaffissornermi suliassanik suliaqarneq, misissugassanik paa-siniaaqqissaarneq, nioqqutissat eqqussukkat annissassallu uppernarsaataannik misissuineq il.il.

Akileraartarnermut Aqutsisoqarfimmi allanilu suleriutsinik makkuninnga ilinniartinneqassuutit:

• Nioqqutissanik eqqussuinermi annissuinermilu tikittunillu misissuinermi sulinermi inatsisinik tunngaviusunik
• Sulinermi qarasaasiat atortorissaarutit nammineq- allallu suleqatigisat pigisaat seqersaatillu
• Qimmilerinermi ilinniartitaaneq, suliallu pillugit eqqartuineq isumasioqatigiinnertallit
• Immikkut ittumik umiarsuarni inini matoqqalluinnartuni misissuinermi ilinniarneq Qallunaat Nunaanni aammalu Kalaallit nunatsinni

Taamaattumik naatsorsuutigineqassaaq sulininnut atatillugu ukiup ingerlanerani arlaleriarlutit angalasarnissat.

Piginnaasat:

Illit qinnuteqartutut naatsorsuutigaarput ilisimaarinnittutut uppernassusilittullu pissuseqassasutit, attaviginnillaqqittuullutit aammalu allanik oqaloqatiginnillaqqissuullutit, eqimattani kiisalu nammineersinnaassallutit, suleqatikkuminarlutit, oqimaatsulerisinnaallutit, inussiarnersuullutit aammalu kalaallisut qallunaatut tuluttullu oqaatsinik atuilluarsinnaasuussallutit.

Qimmilerilluarsinnaaneq kiisalu siusinnerusukkut sulinermi qimmeqarsimaneq iluaqutaasooq.

Atorfeqarnermi atugassarititaasussat:

Akissarsiat atorfinitsitaanermullu atugassarititaasut, sulinermi suliunnaarnermilu angalanerit, nuun-nermilu pequtit assartorneri akilerneqassapput atorfininnerup nalaani Naalakkersuisut atorfimmillu isumaqatigiinniussisinnaatitaasup isumaqatigiissutai malillugit.

Sapaatip akunneranut akunnerit 40 tiimit suliffigineqassapput. Naatsorsuutigineqassaarli suliffiit nikerarsinnaaneri aamma akunnerit naanerinni, nalliuttunilu.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk