Pinngortitaleriffik aningaasaqarnermut nakkutilliisumik tamatigoortunik misilittagalimmik ukiumi ataatsimi sulisussarsiorpoq

Allaffeqarfitsinni 2025-imi suliassat piffissami killilimmi annertuvallaalerneri pissutigalugit atorfiugallartumik pilersitsiniarpugut. Atorfik assigiinngiiaartunik suliassartaqarpoq, suliassatigut inuttullu unammillernartoqartartumik. 

Pinngortitaleriffiup allatseqarfiani sulisut tunniusimasuupput iluminni aammali immikkoortortaqarfinnik assigiinngitsunik qanimut suleqatiginnittartunik. Taamaattumik suleqatissarsiorpugut suliaminut pikkorissumik, suleqatiginnikkusuttumik qiimasumillu.

Allaffissornermi sulisut suliassaat pingaarnerit makkuupput:

• Aningaasartuutit nalilersorneri ingerlaatsillu nakkutigineri 

• Pinngortitaleriffimmi ulluinnarni ingerlatsineq nakkutigalugu 

• Missingersuutit naatsorsuutillu 

• Fakturanik akuersisarneq naatsorsuutinik allattuineq

• Fakturalerinerit assigiinngitsut 

• Allatseqarfimmi isumagisassat (journali, arkivi, oqarasuaat, allagarsiat, inniminniinernillu suliaqarneq)

• Karsimi tigoriaannaat aqullugit 

• Allaffissornermi ingerlaatsit pitsaasuunissaat qulakkeerniarluarlugit atoruminarsartarlugit

• Nunatsinni Ilisimatusarnikkut Siunnersuisoqatigiit ingerlanneqarnerat akisussaaffigalugu, taamatuttaaq ilisimatuussutsikkut siuarsaanissamut atugassat, aammalu International Arktisk Hub

• EUmit aningaasaliissutit nalunaarsorneqarnerinut ikiuulluni 

• Pinngortitaleriffiup umiarsuaatileqatigiiffiata allaffeqarfiani umiarsuatsinnilu attaveqarnissamut ikiuulluni (MARAD) 

Piginnaanigitikkusutat: 

• Merkonom’imut, HD’tut assingusumulluunniit naapertuuttumik ilinniarsimanissat. 

• Pisortani allaffissuussinissamut aningaasatigut ingerlatsinissamut misilittagaqarluarnissaq 

• Aaqqissuussilluartartoq, tamakkiisumik isiginnissinnaassusilik, torersuunissaq akisussaassuseqartuunissarlu 

• IT-lerissutit atorsinnaassavai (Microsoft Office, bookingsystem, IRIS, ERP il.il.)

• Sullissillaqqissuuneq 

• Ullormi suliffiusumi allanngorartaqisumi assigiinngiiaartumik suliaqarsinnaassusilik

• Sulisinnaassuseqarluarneq 

Kalaallit Kulturiannut inuiaqatigiinnullu kalaallinut ilisimanninninnissaq pisariaqarpoq.

Neqeroorutigaagut:

• Suleqatit pimoorissisinnassusillit 

• Nammineerluni akisussaaffeqarlunilu suliaqarnissamut periarfissiisuuvoq

• Suliffik pitsaasumik avatangiiserissaartoq 

Allaffeqarfiup tamakkiisumik suliassaasa isumaginissaannut suliaqassaatit, aammali nammineq akisussaaffigisannik suliassaqartinneqartussaallutit. 

Suliassat agguataarneqarneri ataavartumik tulluarsaaffigineqarsinnaasuupput. 

Atorfik sukkanerpaamik inuttassarsiorneqarpoq.

Pinngortitaleriffimmi sulineq pillugu annerusumik paasaqarsinnaavutit nittartagarput www.natur.gl aqqutigalugu, suliassaq pillugu sukumiinersumittaaq paasisaqarsinnaavutit Allaffissornermi pisortaagallartup Paviarak Ludvigsen’ip imaluunniit pisortap Josephine Nymand’ip attaviginerisigut.

Qinnuteqarnissamut killissarititaavoq 21.marts 2025. Qinnuteqaatit tiguneqaraangata oqaloqatiginnittoqartassaaq. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk