Meeqqanut Inuusuttunullu Naalakkersuisoqarfimmi AC-fuldmægtig imaluunniit immikkut siunnersorti

Kalaallit Nunaanni meeqqanut inuusuttunullu isumaginninnikkut atugarliortunut allanngueqataarusukkuit aamma pissutsinik pitsanngueqataarusuppit, taava Meeqqanut Inuusuttunullu Naalakkersuisoqarfimmi AC-fuldmægtigitut, immikkut siunnersortitut atorfik ilinnut piukkunnarpoq.

Ukiuni kingullerni isumaginninnermut suliassaqarfiup kivinneqarnissaa annertuumik ukkatarineqarsimavoq aamma siunissamut angusaqarluarnissatsinnik pilersaaruteqarpugut. Pineqartut ilaatigut tassaapput meeqqanut kinguaassiutitigut kannguttaatsuliornerit, inuuniarnikkut atugaliornerit pitsaaliornissaat, inuit innarluutillit pisinnaatitaaffiisa pitsaanerunissaannut qulakkeerinninneq kiisalu meeqqanut inersimasunullu inuuniarnermikkut atugaliortunut katsorsaanissanut ilisimasalinnik neqerooruteqarnerit.

Taamaattumik marlunnik AC-fuldmægtiginik, immikkut siunnersortinik tunniusimasunik ujarlerpugut, ineriartornitsinnut peqataarusuttunik, piviusunik innuttaasunut sulisunullu pilersitseqataarusuttunik. Sulisut eqeersimaartut qaffasissumik ilisimaarinnittut akornanni sulinermut akuussaatit, assigiinngitsunik suliallit aaqqissuussaanermikkut assigiinngisitaartut aamma suleqatigineqartassapput, ajunnginnerpaamik iluarsiissutissamik nassaarnissaq qulakkeerumallugu. Ilinnut tamanna kajuminnaateqarpat qinnuteqaativit tigunissaanut qilanaarpugut.

Immikkut siunnersortit imaluunniit siunnersortinut pisortatut atorfinitsitaaneq eqqortunik uppernarsarneqarsinnaasunik piginnaaneqarneq piumasarineqarpoq.

Meeqqanut Inuusuttunullu Naalakkersuisoqarfimmi suliassaqarfimmut tunngasut politikikkut anguniakkat piviusunngortinnissaat suliarisarpavut, tassani ilaapput suli atualinngitsut (meeqqat 0-6 ukiullit), meeqqat inuusuttullu atugarliortut, pitsaaliuineq aamma innarluuteqarneq. Suliassaqarfimmi politikikkut anguniakkat pingaarnerit ilaatigut tassaapput meeqqanut inuusuttunullu atugarliortunut aamma inunnut innarluutilinnut pissutsit patajaallisaaffiginissaat.

Atorfik pillugu

Suliassat ilaatigut ilaqarput:

• Naalakkersuisunut isummernissamut tunngavissianik, ajornartorsiutit pillugit allakkianik, § 37 naapertorlugu apeqqutit akineqartarnissaannik allanillu suliaqarneq

• Politikikkut aqutsisut aalajangiussassaannut tunngavissat suliarineqarnerisa pitsaassusaannik qulakkeerinninneq kiisalu politikikkut aalajangiussanik atuutilersitsineq

• Naalakkersuisoqarfiup suliassaqarfiani suliassat assigiinngiiaartut akimorlugit suliassanik suliaqarnermi peqataaneq isumaginninnerlu

• Pingaarnertut meeqqat pillugit politikikkut aalajangikkanik suliniutinik, periusissianik, suliniutinik misissukkanillu ineriartortitsineq aqutsinerlu

• Naalakkersuisoqarfiup suliassaqarfiani suliniaqatigiissitanut atatillugu suliassanik ataqatigiissaariffiusuni peqataaneq isumaginninnerlu

• Isumaginninnermut politikikkut suliniutinik, periusissianik, suliniutinik misissukkanillu ineriartortitsineq aqutsinerlu

• Naalakkersuisoqarfiup suliassaqarfiani suliniutinut suleqatigiissitaanut atatillugu suliassanut peqataaneq ataqatigiissaarinermillu isumaginninneq

Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Suliassanut nutaanut sukkasuumik paasinnissinnaanermik tamatigoortuunissamillu atorfik piumasaqaatitaqarpoq kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.

Taamaattumik suleqatigiinnissamik soqutiginninnissat iluaqutaassaaq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.

Illit pillutit

• Kandidatitut qaffasissusilimmik naleqquttumik ilisimatusarsimassaatit

• Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli

• Suliniummik suliamillu ingerlatsinermut suliaqarnermik misilittagalik suliniutinik aqutsinermik aamma misilittagaqarneq

• Namminersorluni aaqqissuulluakkamik anguniakkamillu sulisinnaasoq ineriartortitserusuttorlu

• Allattariarsornikkut oqaatsitigullu atassuteqallaqqissoq

• Paasissutissiissutinut ajornakusoortunut amerlaqisunullu tamakkiisumik isiginnissinnaasoq

• Suleqatinik avataanilu soqutigisalinnik suleqateqallaqqissoq

• Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq

• Ajornanngippat marluinnik oqaasilik, kisianni piumasaqaataanngilaq.

Meeqqanut Inuusuttullunullu Naalakkersuisoqarfik pillugu

Meeqqanut Inuusuttunullu Naalakkersuisoqarfimmi suleqatigiit 15-it missaaniippugut. Tamatuma saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.

Akissarsiat atorfininnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneri Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput. Immikkut ilisimasalimmik siunnersortimik ivertitsisoqarsinnaavoq aamma piukkunneqartoq tigussaasumik nalilersuereernikkut uppernarsarneqarsinnaasunik piginnaasaqassaaq.

AC-fuldmægtigitut imaluunniit immikkut ilisimasalittut siunnersortitut atorfinitsinneqassanersutit, inuttut nammineq, suliatillu naapertorlugit piginnaasatit kiisalu uppernarsarneqarsimasut misilittakkanut attuumassuteqartut naapertorlugit atorfinitsitsineq pissaaq.

Ineqarneq

Atorfininnermi malittarisassat sukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaannik innersuussisoqarsinnaanngilaq. Malittarisassat sukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il. il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik ineqartitsisoqarsinnaavoq, tassunga ilanngullugu najugaqatigiiffinnut minnerusunut imaluunniit akunnittarfimmi ineqartitsisoqarallarsinnaalluni, taakkulu akileraarusersorneqassallutik. Sulisunut inissiat imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat.

Qinnuteqaat

Qinnuteqarnissamut ulloq killiliussaq tassaavoq 26. marts 2025. Ingerlaavartumik oqaloqatiginnittoqartassaaq.

Ulloq atorfiniffissaq tassaavoq 1. maj 2025 isumaqatigiissuteqarnikkulluunniit.

Paasissutissat sukumiinerusut 

Atorfik pillugu paasissutissat sukumiinerusut pissarsiarerusukkikkit Immikkoortortaqarfimmi pisortap Kista Isaksen-ip emailianut kisa@nanoq.gl imaluunniit oqarasuaataanut +299 34 65 82-imut attaveqarnissannut tikilluaqqusaavutit

Meeqqanut Inuusuttunullu Naalakkersuisoqarfik pillugu paasisaqarnerorusukkuit uagut pilluta paasissutissat amerlanerusut ugguuna pissarsiarisinnaavatit www.naalakkersuisut.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.

E-mail aqqutigalugu qinnuteqaatit nassiussat tiguneq ajorpagut.

Qinnuteqaat nassiuguk