Paamiuni Teknikkikkut pilersaarusiornermut aqutsisoq

Kommuneqarfik Sermersooq Paamiuni teknikkikkut pilersaarusiornermut aqutsisussarsiorpoq, taassumalu suliassarissallugit Paamiuni nunaqarfinnilu Arsummi, Qeqertarsuatsiaani Kapisilinnilu kommunip illuutaanik aserfallatsaaliinermik sanaartugassanillu pilersaarutinik suliaqarneq. Najukkami allaffissornermut attuumassuteqassaatit aamma illit ulluinnarni sulinerit tassannga aallaaveqassaaq. Ulluinnarni Paamiuni ingerlatsinermut aqutsisup ataani inissisimassaatit.

Pilersaarusiornermut aqutsisutut suliffimmik namminersorfiusumik akisussaaffeqartumillu ingerlatsissaatit suliamut inuttullu ineriartornissamut periarfissaqarluartumik. Paamiuni kommunip illuutaanut tamarmiusunut sanaartugassanullu attuumassuteqartunik assigiinngitsorpassuarnik tamatigoortuusunillu suliassaqartassaatit, tassunga ilaallutik sanaartukkanik allanngortiterineq, kommunip illuutaanik nutarterinerit aserfallatsaaliinerillu kiisalu mikinerusunik sanaartugassanik pilersaarusiornerit.

Pingaarnertut suliassatit tassaassapput:

·Paamiuni assigiinngitsunik ingerlatsinermi aserfallatsaaliinermilu pilersaarutinik aallartisaaneq, siumut ingerlaannarnissaannik qulakkeerinninneq malinnaaffiginninnerlu, taakkununnga ilaallutik piffissamik aqutsilluarnissamik, pitsaassusissamik aningaasanullu tunngasunik akisussaaffeqarneq.

·Paamiuni nunaqarfinnilu kommunip illunik pigisaasa sanaartukkatullu suliaasa ataatsimoortut aserfallatsaalineqarnissamik pisariaqartitsinerannik nalilersuiuarneq.

·Kommunip ingerlatsinermut sanarfinermullu missingersuutaanut najukkamit immersueqataaneq immikkoortortaq suleqatigalugu.

·Piffissaliussatut isumaqatigiissutit malillugit suliassanik pilersaarutinillu naammassinnittoqarsinnaaqqullugu nakkutilliineq qulakkeerinninnerlu.

·Paamiuni soorluttaaq Nuummi suliassat pilersaarutillu pillugit suleqatit siunersioqatiginerat.

·Erngertumik suliarisariallit, pingaartumik kommunip illuutaanik sanaartortitaanillu ingerlatsinermut aserfallatsaaliinermullu tunngasut

Suliatigut inuttullu piginnaasat:

·Ingerlatsinermik, aserfallatsaaliinermik pilersaarutinillu aqutsinermik misilittagaqartoq

·Teknikkimik tunngaviusumik aamma naatsorsuuserinermik tunngaviusumik paasinnissinnaassuseqartoq

·IT-mik atuinermik paasisimasaqartoq, pingaartumik Office-pakki

·Ataatsikkut arlalinnik suliaqarsinnaassuseqartoq

·Allattariarsornikkut oqaatsitigullu ersarissumik attaveqarluarsinnaassaatit

·Namminersullaqqissaatit, akuersaartoq, tunniusimasutit akisussaaffeqartuullutillu

·Suliassanut naleqqussarsinnaassuseqassaatit.

·Marluinnik oqaaseqaruit pitsaaqutaassaaq (kalaallisut qallunaatullu), piumasaqaataanngilarli.

Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu ullup ingerlanerani assigiinngitsunik suliaqarsinnaasassaatit ilutigalugulu tamakkiisumik malinnaasinnaasaatit. Ataqatigiissaarisinnaasariaqarputit, suliassat pilersaarutillu assigiinngitsut amerlasuut akuuffiginissaat nuannaralugu.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Driftschef Jan Jørgensen, oqarasuaat +299 36 66 77 imaluunniit e-mail: jajo@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 211-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 24.-at, 2025

Atorfik una qinnuteqarfigiuk