Ilinniartitaanermut Aqutsisoqarfik aningaasaqarnermut siunnersortimik sulisussarsiorpoq

Ilinniartitaanermut Aqutsisoqarfik aningaasaqarnermut siunnersortimik sulisussarsiorpoq

Ilinniartitaanermut Aqutsisoqarfik allattoqarfimmi sulisussamik aningaasaqarnermut siunnersortimik sulisussarsiorpoq. Atorfik 1. maj imaluunniit isumaqatigiissuteqarnikkut inuttalerneqartussaavoq. Atorfik allattoqarfimmi, Allaffissornermut, nakkutilliinermut aammalu naalakkersuinikkut sullissinermut immikkoortortaqarfiup ataaniittumi, inissisimavoq.

Atorfik pillugu

Aningaasaqarnermut siunnersortitut allattoqarfimmi pisortaq qanittumik suleqatigissavat, aammalu suleqatigiinni pingaaruteqartumik suleqataassallutit. Suliassavit makkua ilagivaat: 

• Namminersorlutik Oqartussat aningaasaqarnermut aqutsiviisa iluini aningaasaqarnermik aqutsineq

• Aningaasaqarnikkut ineriartortitsinerni missingersuutinillu aqutsimermi peqataaneq

• Tabel-inik naatsorsuutinik imaqartunik statistikkinillu sanaartorneq taakkuninngalu misissuineq

• Aningaasaqarnerup iluani suliassat ad hoc-iusut.

Missingersuutit aningaasaqarnerullu aqunneqarnerisa ineriartortinneranni taakkuninngalu pitsanngorsarnerni peqataassaatit.

Taakkua saniatigut allattoqarfiup aningaasaqarnikkut suliaani akisussaaffiinilu amerlasuuni aaqqissuussinerup nutaamik aaqqissuunneqarnissaannut suleqataassaatit.

Allattoqarfimmi suleqatigiit amerlanngillat, allaffimmi fuldmægtigit marluk aammalu praktikkertut qanittumik suleqatigineqarfigisaat.

Illit pillutit

Inuk suliaminut tunniusimasoq, ukuninnga ilinniagaqarlunilu piginnaasaqafilik, ujartorparput:

• Allaffissornermi niuernermilu tulluartumik ilinniagalik, ajornanngippat AU-OA-tut ilinniarsimasoq.

• IT-mik pitsaasunik piginnaasalik, tassunga ilanngullugu aningaasaqarnermik aqutsinermut programminik ilisimasaqarneq.

• Aalajaatsoq, nammineersinnaasoq suliamigullu eqaatsoq.

• Regnearkinik suliaqarnermik ilisimasaqarluartoq – tabel-inik statistikkinillu.

• Suliaminik aaqqissuussisinnaasoq, akisussaaffeqartoq aaqqiissutissanillu ujarlertoq.

• Kalaallisut qallunaatullu oqaluttariarsorluni allattariarsorlunilu attaveqaqatigiinnermik saqqummiussaqarnermillu piginnaasaqarluartoq.

• Suleqateqallaqqissoq, namminersorluni aammalu piffissaasualluni sulisinnaasoq.

Ilinniartitaanermut Aqutsisoqarfik pillugu

Ilinniartitaanermut Aqutsisoqarfik suliffeqarfiuvoq politikkikkut aqutaasoq. Naalakkersuisoqarfimmik sullissinermi saniatigut ineriartortitsinermik ilinniusiornermillu suliaqartuuvoq.

Suliffeqarfik assigiinngitsorpassuarnik ingerlatsiffiuvoq. Aqutsisoqarfimmi suliassat nalinginnaasut saniatigut atuakkanik saqqummersitsiveqarpoq, naqiteriveqarpoq aammalu atorniartarfeqarlunilu siammaaveqarpoq. Aqutsisoqarfiup annerpaamik meeqqeriviit, meeqqat atuarfiat, efterskolit friskolillu, kiisalu GUX suliassaqarfigivai. Sulisut katilluta 50-it inulaarlugit amerlassuseqarpugut, pingaartorsiorpallaartumik suleriaaseqarata suliatta annertuumik pitsaassuseqarnissaannik pingaartitsisuuvugut.

Akissarsiat atorfeqarnermilu atukkat

Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.

Misiligutaasumik atorfeqarneq

Atorfik qaammatini pingasuni misiligutaasumik atorfigineqassaaq.

Qinnuteqarneq

Qinnuteqaat, ilinniagarisimasat siusinnerusukkullu atorfigisimasat pillugit paasissutissanik ilaqartoq, kingusinnerpaamik 24. marts 2025 nassiunneqassaaq. Qinnuteqaammut soraarummeersimanermut uppernarsaatit, kursusersimanernut uppernarsaatit, innersuussinerit il.il. ilanngunneqassapput.

Qinnuteqaat link ataaniittoq atorlugu nassiunneqassaaq.

Ulloq atorfiniffik:

 1. maj 2025 imaluunniit isumaqatigiissuteqarnikkut.

Qinnuteqarfissaq kingulleq: 

24. marts 2025.

Paasissutissat allat:

Atorfik pillugu annertunerusumik paasiniaanissannut tikilluaqqusaavutit, immikkoortortaqarfimmi aqutsisoq Petrine M. Andersen attaveqarfigalugu, telefon: + 299 34 61 55 imaluunniit mail pmoa@nanoq.gl.

Kalaallit Nunaat aammalu Namminersorlutik Oqartussat pillugit paasisaqarnerorusukkuit www.nanoq.gl-imi Atorfiit ataanni, taakkua pillugit paasisaqarnerusinnaavutit.

Qinnuteqaat nassiuguk