Nuummi Oqartussaaffeqarfimmut fagchefi – Meeqqanut Ilaqutariinnullu Ingerlatsivik

Nuummi Oqartussaaffeqarfimmut fagchefi – Meeqqanut Ilaqutariinnullu Ingerlatsivik

Ingerlatsivimmi anguniagaqarfiusumi naleqartitanik tunngaveqartumi oqartussaaffimmi sulianik suliaqarnermi siuttoorusuppit? Tamakkiisumik isiginnilluni suliniuteqarnerit, siusissukkut pitsaaliuineq aamma meeqqanik ilaqutariinnillu pitsaasumik suleqateqarnissaq soqutigaajuk? Taava una periarfissaraat.

Atorfik pillugu

Kommuneqarfik Sermersuumi Meeqqanut Ilaqutariinnullu Ingerlatsivik oqartussaaffeqarfimmut tunniusimasumik aaqqissuussaasumik sulisinnaasumik fagchefimik pissarsiorpoq. Ingerlatsivimmi naleqartitanik soorlu siusissukkut suliniuteqarnermik, peqataatitsinermik tamakkiisumillu eqqarsaatiginninnermik pingaartitsiffiusumi isumaginninnikkut oqartussaaffeqarfimmi sulinermi aqutsinermi ineriartortitsinermilu pingaarutilimmik atuuffeqassaatit.

Suleqatigiit tunniusimasut suliatigullu pikkorissut tassaasut immikkoortortami aqutsisut sisamat, suleqatigiinni aqutsisut sisamat aamma meeqqanik inuusuttunillu atugarliortunik sullissisut isumaginninnermi siunnersortit 30-t missaaniittut, inissiinerit, angajoqqaarsianut suliassaqarfik siuttuuffigissavatit. Taassuma saniatigut kommunip illoqarfiini Ittoqqortoormiit, Paamiut aamma Tasiilami oqartussaqarfinni sulisunut suliatigut tapertaassaatit. Illit suliatigut pitsaassutsimik qaffasissumik qulakkeerinninnissaq, pitsaasumik aningaasaqarnikkut aqutsineq, aamma Meeqqanut Ilaqutariinnullu politikkip 2025 – 2035-mik atuutsitsilerneq akisussaaffigissavatit.

Atorfik inuttassarsiorneqartoq 1. juuni aallarnerfigalugu isumaqatigiissuteqarnikkulluunniit inuttalerneqassaaq.

Suliassatit akisussaaffitillu

∙Oqartussaaffimmi suliatigut, periusissiugaasumik sulisunillu aqutsineq.

∙Meeqqanut Ilaqutariinnullu Politikkimik tassanilu meeqqanut ilaqutariinnullu ataatsimut ataasiinnarmik isaaffeqarnissamik ("One Door") takorluugaasumik atuutsitsilerneq ineriartortitseqqinnerlu.

∙Pitsaaliuineq, peqataatitsineq aamma sukkasuumik anguniagaqarfiusumik suliniuteqarneq ukkataralugit ingerlatsivimmut peqataaneq.

∙Suliffiup iluani avataanilu assigiinngitsunik suleqateqarnermik qulakkeerinninneq, tassunga ilanngullugit suliniuteqartartut suleqatigiit, atuarfiit, peqqinnissaqarfik aamma inuiaqatigiit.

∙Sulisut atugarissaarnissaannut, qaffasissumik pitsaassuseqarnermut aamma ineriartortitsinermut anguniakkanut inernernullu aaqqissuussaasumik malinnaaviginninnernut tapertaaneq.

Ingerlatsivimmi chefinik pisortanillu allanik qanimut suleqateqarneq aamma politikkikkut ataatsimiititanik sullissinermi peqataaneq.

Makkuninnga piginnaasalimmik fagchefissarsiorpugut:

∙Isumaginninnermut, perorsaanermut imaluunniit allaffissornikkut suliassaqarfimmut tunngasumik naleqquttumik ingerlariaqqiffiusumik ilinniagalik.

∙Aqutsinermik misilittagaqartutit – ajornanngippat suliffeqarfimmit politikerinit aqunneqartumit.

∙Meeqqanut ilaqutariinnullu suliassaqarfimmi oqartussaaffimmi suliassanut paasisimasaqarluartoq, tassunga ilanngullugit inatsisit aamma isumaginninnermut sulianik ingerlatseriaatsit.

∙Periusissiugaasumik eqqarsarsinnaasoq aamma politikkikkut aalajangiinernik piviusunngortitsisinnaasoq.

∙Ersarissumik peqataatitsisumillu attaveqarsinnaasoq – qullersamut, sulisorisanut avammullu.

∙Aaqqissuussaanermi ajornakusoortumi, assigiinngitsunik suliaqarfiusumi aamma ineriartortitserusussusilimmi sulinermik misilittagalik.

∙Aqutsisutut sakkussatut paasissutissanik uppernarsaatinillu ukkassisoq.

∙Meeqqat ilaqutariillu atugarissaarnissaannut soqutiginnittoq – aamma isumaqartoq, pitsaasumik suleqatigiinnerit attanneqarsinnaasumik aaqqiissuteqarfiusinnaasut.

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Frederik Lundblad, oqarasuaat +299 36 60 80 imaluunniit e-mail: frel@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 337-25 -mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 25.-at, 2025

Atorfik una qinnuteqarfigiuk