Digitalimik Sullissinermut immikkoortortaqarfik Digitaliseringsstyrelsen-imi digitaliserimik siunnersortissarsiorpoq

Atorfik pillugu:

Digitalikkut aaqqiissutitsinnik pimoorussilluni suliaqarsinnaasumik digitalinngortitsinermut siunnersortimik suleqatissarsiorpugut.

Pisortat sullinnerini suliarisartagassatit tassaassapput:

- Digitalikkut aaqqiissutinik suliaqarnerup ingerlaarnerani pisartut pillugit siunnersuineq, teknikkikkut tunngasortai pinnagit aaqqiissutilli qanoq atorneqartarneri ukkataralugit

- Digitalikkut aaqqiissutit ikkussuunneri, teknikkikkut immikkut ittumik ilisimasaqarnissaq pisariaqanngilaq

Ilinniakkaminnik naammarserlaat aamma ilinniarsimallutik sulisut misilittagaqarluarlut qinnuteqarnissaannut tamaasa tikilluaqquagut.

Akisussaaffigisassatit:

• Digitalikkut aaqqiissutini suleriaatsit atuuttut erseqqissarneri pitsanngorsarnerilu

• Digitalikkut aaqqiissutinik nutaanik ikkussuineq, pisortat sullillugit

• Digitalikkut aaqqiissutit pillugit pisortanut nalunaarsuinerit ilitsersuusiornerillu

• Digitalikkut aaqqiissutit pillugit siunnersuisarneq ilinniartitsisarnerlu

• Digitalikkut aaqqiissutit atorneqartut ataavartumik naliliivigisarneri pitsanngorsarnerilu

Suliassanut tunngatillugu piginnaasatit:

• Ingerlaqqiffiusumik ilinniagaqarsimaneq

• Suliaqarnerup ingerlaarnerani pisartunut tappittoq

• Kisitsisilerineq allaffissornermilu suleriaatsit pikkoriffigalugit

• Saqqummiilluarsinnaaneq

• Oqalunnikkut allannikkullu ersarissumik attaveqarsinnaaneq

• Suleqatiginnikkusuttoq aaqqissuussilluarsinnaasorlu

Naatsorsuutigaarput:

• Suliatit peqqissaarussinnaagitit, eqqumaffigisassanullu ataasiakkaanut tappillutit

• Nammineerlutit immikkut suliaqarsinnaasutit, akisussaassusermillu pingaartitsisuullutit

• Suliani assigiinngitsuni tamaat isigalugu aaqqiinissat anguniarlugu misissueqqissaartartuusutit

• Suliassat assigiinngisitaartut paasiuminaassinnaasut, paasinartunngorlugit sullitanut assigiinngitsunut ersarissumik nassuiarsinnaagitit

• Ineriartortsiniarluta suliniutitsinnut pingaarutilinnut kivitseqataasinnaassasutit

Iluaqutaassaaq piumasaqaataananili:

• Digitalinngortitsinermut suleriaatsinullu pitsanngorsaanernut atortunut ilisimasaqaruit

• Workshopitsisarnernut ataatsimiitsitsisarnernullu misilittagaqaruit

Tunniussinnaasagut:

• Digitalikkut aaqqiissutinut atortakkatsinnut ilisaritsitsineq ilinniartitsineq sungiusaanerlu

• Pisariaqartitatit aallaavigalugit digitalikkut aaqqiissutinut tunngasunik pikkorissarnerit

• Atorfik suliassat tungaasigut pikkorissarnissamut inuttullu ineriartornissamut periarfissaqarluartoq

• Suliffik persuarsiorfiunani suleqatigiinnissamut qitiutitsisoq

• Suliffeqarfik sulinermi atugarissaarluarnissap anguneqarnissaa sulissutigineqartuaannartoq

• Suliassanut akisussaaffigisanut atatillugu suleqatigiilluartut akornanniilluni ataatsimoorneq

• Suleqatit assigusunik suliallit siunnersuieqatigineri ilikkagaqarfigisinnaanerilu

• Aaqqissuussinernik politikkikkut aqunneqartunik paasisaqarneq

Immikkoortortaqarfik pillugu

Digitalikkut Kiffartuussivik tassaavoq Digitalinngortitsinermut Aqutsisoqarfiup nunatsinni digitaliseeriinermut pingaarnertut akisussaaffillip immikkoortortaqarfiini tallimaasuni immikkoortortaqarfik.

Digitalikkut Kiffartuussivimmi sulisut arfinilliusut uku akisussaaffigaat:

• Innuttaasunut suliffeqarfiutilinnullu nittartakkap sullissivik.gl-ip ingerlannera ineriartortinneralu

• Nunatsinni naalakkersuisut nittartagaata naalakkersuisut.gl-ip teknikkertaata akisussaaffiginera

• Paasissutissiinermi nittartakkanik Namminersorlutik Oqartussat qitiusumik allaffeqarfianeersunik nittartagaliortarfik

Immikkoortortaqarfik pillugu uani paasisaqarnerugit: https://digitalimik.gl

Digitalinngortitsinermik Aqutsisoqarfik pillugu

Digitalinngortitsinermut Aqutsisoqarfimmi siunissami digitalimik atuineq isumannaatsoq anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni.

Digitalinngortitsinermik Aqutsisoqarfimmi Kalaallit Nunaanni aammalu Namminersorlutik Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu.

Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.