Kangaatsiami innaallagisserivimmi atorfimmut

Kangaatsiamut Nukissiorfiit nunap immikkoortua Disko innaallagisserisutut naammassisimasumik inuttassarsiorpoq. Atorfiup sapinngisamik piaarnerpaamik inuttalernissaa kissaatigineqarpoq. Ulluni suliffinni linjemut immikkoortoqarfimmi formandi, kiisalu innaallagissamik siammarterinermut suleqatigiinni aqutsisoq qullersarissavatit.

Suleqat ulluni suliffinni aamma innaallagissamut tunngasutut suliassanik namminersuutigisaminik isumaginnissinnaasoq, kiisalu Kangaatsiami innaallagissamut aamma imermut tunisassiornermik aamma siammarterinermik aaqqiissutinik ingerlatsinermut tunngasunik siunnersuinermik, ilinniartitsinermik, aamma ikiuisarnermik pilersuisinnaasoq ujarparput.

Suliassatit tassaapput:

• Illoqarfiup aamma tassunga ilaasutut inoqarfiit sarfap sakkukitsup aqqutaanik, kiisalu aqquserngit qullilersornerinik ingerlatsinerit aamma aserfallatsaaliuinerit.
• Illoqarfiup aamma tassunga ilaasutut inoqarfiit SRO-mik ingerlatsiviinik ingerlatsinerit aamma aserfallatsaaliuinerit.
• Piffissaq eqqorlugu innaallagissiorfittut aamma siammarterisarfittut ingerlatsivinnik ingerlatsinermut aamma piffissamut aalajangersimasumut aalajangiussatut nakkutilliinerit pilersaarusiorlugillu naammassineqartarnissaannik qularnaarinerit.
• Sumiiffiit, aamma teknikkimik ingerlatsiviit paarilluagaanissaannik, saligaatsuutitaanissaannik, aamma Nukissiorfiit tungaanut takussutaalluartuunissaannik qularnaarinerit.
• Kangaatsiami aamma tassunga ilaasutut inoqarfinni pigaartuusarnermut ilaalersinneri sioqqullugit sulisunik nutaanik ilinniartitseqataasarneq.
• Teknikkip tungaatigut uppernarsaanernik, aamma toqqorsivimmik aqutsinermik nutaanik ilaartuillunilu malinnaatitsinermik isumaginninneq aamma ilalersuuteqarneq.
• Formandip innersuussutai malillugit siunertanut aalajangersimasunut suliassat.

Suleqat ima ittoq ujarparput:

• Innaallagisserisutut naammassinnilluni teknikkip tungaatigut ilinniagaqarsimasoq – imaluunniit allamik attuumassutilimmik ilinniagaqarsimasoq, ilanngullugu SRO-mik ingerlatsivinnik ilisimasalik.
• Pisariaqartitsinerit malillugit pigaartuuffimmi ilaasinnaasoq.
• Namminersorsinnaasoq, soorlulusooq suleqatigiinni suleqataasinnaassusilik.
• Nutaanik pilersitsisinnaallunilu eqeersimaartoq, killilersuutit pinnagit periarfissanik takusisoq.
• Kalaallit aamma danskit oqaasii oqalunnikkut allannikkullu piginnaasaqarfigaatit.
• Biilersinnaanermut allagartalik.
• Qarasaasiamik atuisinnaasutut inissisimaffeqarluni ilisimasalik.
• Nunap immikkoortuata iluani, soorlulusooq suliffiup avataani nunap immikkoortuisa sinnerinut aamma Nuummi qullersaqarfimmut angalangaatsiartarnissamut piareersimasoq.

Makku neqeroorutisinnaavavut:

• Suliffik pissanganartoq, sulianut inummullu tunngasunik amerlasuunik ilungersuutissartalik
• Sullivimmi avatangiisit isumassarsiffissaqarlutillu iluarinnittut, kiisalu suliassanut sukumiisumik ilisarititsisoqarlunilu aallussaqalersitsinerit ilaapput
• Suliffik allanngoriartortoq, sulianut inummullu tunngasunik ineriartornissamut periarfissatsialannik pilik
• Sulianut tunngasunut suliassaqarfiup iluani attuumassutilinnik pikkorissartitsinerit, kiisalu suliat killeqarfii qaangerlugit pikkorissartitsinerit, pilersuinikkut qaffasissumik isumannaatsuutitsinermik nunap immikkoortuata attassisinnaassusaanik nukittorsaasut.

Aningaasarsiatigut atorfinitsitaanermilu atugassarisat

Aningaasarsiaqarneq Naalakkersuisut, aamma pineqartup isumaqatiginninniarsinnaatitaasutut kattuffiata akornanni isumaqatigissut najoqqutaralugu pissaaq.

Atorfik qaammatinik pingasunik misilitsiffeqartuuvoq.

Atorfimmut qaqugumulluunniit malittarisassiat tamakku malillugit sulisumut inissiaq pequsersugaanngitsoq innersuutaasinnaavoq. Inissiamik attartugaqarneq qularnaveeqqusiinerillu inissiamut innersuussutaasumut qaqugumulluunniit malittarisassiat tamakku malillugit akilerneqassapput. Sulisumut inissiaq atorfinitsitaanermut atasuuvoq, aammalu atorfimmit soraarnermi qimanneqassaaq.

Inissiamik attartugaqarneq, aamma inissiap qanoq issusia inissiap pisoqassusianik, piginnittuunermit il.il. aalajangerneqartutut assigiinngiiaarsinnaavoq. Atajuartussamik sulisunut inissiamik innersuussinermut utaqqiffeqarsinnaavoq, taamaattumillu utaqqiisaagallartumik inissiamut inissiisoqarsinnaalluni, ilaappullu inuit ikinnerusut illoqatigiiffii, imaluunniit akunnittarfimmi inissiat, taakkununngalu akileraarusiisoqartarpoq.

Atorfininnermi akilikkamik suliartornermut soraarnermullu angalasoqartarpoq, pequtillu assartugaasarput, ukiullu pingasut atajuartumik atorfinitsitaareernermi inoqutigiinnut, meeqqat 18-iiliisimanngitsut ilanngullugit angerlamut angalaneq akilerneqassaaq. Qinnuteqartoq Namminersorlutik Oqartussani atorfeqarneq aqqutigalugu sulisunut inissiamik innersuuteqarfioriissappat sulisunut inissiamut pisinnaatitaaffik pigiinnarneqassaaq.

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Driftsansvarlig Teamleder Mads Lundblad (+299) 53 62 64.

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: apriilip 1.-at, 2025

Atorfik una qinnuteqarfigiuk