FAKTA
Atorfiup suussusaa: Allaffimmi aqutsisoq / Provsteqarfik Kujataa
Suliffeqarfik: Kirken i Grønland
Qinnuteqarfissamut killigititaq: 2. april 2025
Attavissaq: Mariane Hansen-Heilmann
Namminersorlutit sulisinnaavit? Tamanut sammisumik sulinissat nuannaraajuk pitsaasumillu angusaqarnissat ilungersuuttarpiuk? Paasinnillaqqissuuit unammilligassallu iliuuseqarfigineqartariaqartut taagorsinnaallugit? Taava ilinnut suliffissaqartitsivugut! Provsteqarfik Kujataata allaffiani allaffimmi aqutsisumik pissarsiorpugut.
Atorfik allaffimmi aqutsisoq Namminersorlutik Oqartussat ataanni Provsteqarfik Kujallermi Qaqortumiittumi inuttassarsiuunneqarpoq 15. april 2025 atorfinittussamik, imaluunniit isumaqatigiinnikkut. Kingusinnerpaamik qinnuteqarfissaq 2. april 2025. Qinnuteqaatit takkuttullu misissorneqartassapput.
Allaffimmi aqutsisup ilaatigut makku suliassarai:
- Sumiiffiit suliassaqarfittut pingaarutillit ukuupput: Nanortalik, Qaqortoq, Narsaq, Paamiut taakkulu nunaqarfii
- Ilagiinni sulisunik sullissineq
- Aningaasarsialerineq
- Provstimut allatsi
- IRIS-imi siullertut suliaqartartoq
- Aningaasatigut atugassanik nakkutilliineq
- Nutsigassat oqinnerusut
- Sumiiffimmi Ilagiit sinniisaasa ulluinnarni attaveqatigisarnissaat
- Uku paasisimasaqarfigilersinnaallugillu attatiinnarsinnaassavatit: Ilageeqarnermi inatsisinut aalajangersakkat
- Palasinut sulisunullu allanut angalanissanik inniminniisarnerit
- Allaffissornikkut suliassat allat
Atorfik inummik oqaluffeqarnermut ilageeqarnermullu tunngassuteqartunik soqutiginnillunilu ilisimasaqartumik inuttaqassasoq kissaatigineqarpoq.
Makkuttaaq piginnaaneqarfigissagitit kissaatigaarput:
- Suliffeqarfimmi ulapaarfiusinnaasartumi sulinissamut sungiussisimasoq
- Namminersortuussaatit, sullerissoq pisussaaffimmullu aalajaalluinnartoq
- Ilikkajasuussaatit
- Torersaallaqqissuussaatit
- Teoriimut tunngasunut pikkorissuussaatit! (niuernikkut ilinniarsimasoq, TNI, N1 assigisaaluunniit)
- Marluinnik oqaaseqassaatit kalaallisut/qallunaatut) allattariarsornermi oqaluttariarsornermilu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
